ADIRAI TMMK

அதிராம்பட்டினம் த.மு.மு.க. மற்றும் ம.ம.க. புதிய அதிகாரபூர்வ நிர்வாகிகள் :

2012-01-31T22:29:00.001+05:30

அதிராம்பட்டினம் த.மு.மு.க. மற்றும் ம.ம.க. புதிய அதிகாரபூர்வ நிர்வாகிகள் :

ம.ம.க. நகர, த.மு.மு.க. தலைவர் : A. சாதிக் பாட்ஷா - 9942033233
ம.ம.க. நகர த.மு.மு.க. செயலாளர் : M. முஹம்மது தைய்யூப் - 9952131334
ம.ம.க. நகர த.மு.மு.க. பொருளாளர் : M.O. செய்யது முஹம்மது புஹாரி - 9944449848
ம.ம.க. செயலாளர் : M. சாகுல் ஹமீது - 9894973416
த.மு.மு.க. துணை தலைவர் : H. செய்யது புஹாரி - 9944997021
த.மு.மு.க. துணை செயலாளர் : M. தமீம் அன்சாரி - 8675196695
ம.ம.க. துணை செயலாளர் : S. அஹமது ஹாஜா - 9003127748
மருத்துவ அணி செயலாளர் : J. உமர் முக்தார் - 9500516179

தமிழக ஹஜ் பயணிகள் ஒதுக்கீடு 11 சதவீதம் அதிகரிப்பு

2012-01-23T11:26:00.000+05:30

தமிழக ஹஜ் பயணிகள் ஒதுக்கீடு 11 சதவீதம்அதிகரிக்கப்பட்டு என்றும், ஹஜ் பயணம் செல்வோருக்கு மார்ச் 1-ந் தேதி முதல் விண்ணப்பம் வழங்கப்படும் என்றும் இந்திய ஹஜ் கமிட்டி அறிவித்துள்ளது.

விண்ணப்பம் எப்போது?

ஹஜ் பயணம் பற்றிய அறிவிப்பு அடுத்த மாதம் (பிப்ரவரி) கடைசி வாரத்தில் வெளியிடப்படும். ஹஜ் பயணம் செல்வதற்கான விண்ணப்ப படிவங்கள் மார்ச் 1-ந் தேதி முதல் வழங்கப்படும். விண்ணப்பம் பெற கடைசி நாள் 31-ந் தேதி ஆகும். ஏப்ரல் மாதம் கடைசி வாரம் குலுக்கல் நடைபெறும். ஹஜ் பயணத்திற்கு தேர்வு செய்யப்பட்டவர்கள் மே மாதம் 31-ந் தேதிக்குள் கட்டணத்தை செலுத்திவிட வேண்டும்.

நாடு முழுவதும் 28 மையங்களில் செப்டம்பர் மாதம் 19-ந் தேதி முதல் அக்டோபர் 20-ந் தேதி வரை சிறப்பு விமானங்கள் இயக்கப்படும். அக்டோபர் 26-ந் தேதி அராபத் நாள் ஆகும். ஹஜ் பயணத்தை முடித்துவிட்டு நவம்பர் 1-ந் தேதி முதல் டிசம்பர் 10-ந் தேதி வரை விமானம் மூலம் நாடு திரும்பலாம்.

சர்வதேச பாஸ்போர்ட் கட்டாயம்

ஹஜ் பயணத்திற்கு விண்ணப்பிக்க சர்வதேச பாஸ்போர்ட் வைத்திருக்க வேண்டியது கட்டாயம் ஆகும். எனவே, இந்த ஆண்டு ஹஜ் பயணம் மேற்கொள்ள திட்டமிடுவோர் இப்போதே சர்வதேச பாஸ்போர்ட் வாங்கி வைத்துக்கொள்ள வேண்டும்.

இந்த தகவலை அந்தந்த மாநில ஹஜ் கமிட்டி மூலமாகவும், அந்தந்த ஹஜ் கமிட்டி தலைவர்கள் மூலமாகவும் அறிவிப்புச் செய்துள்ளார்கள். கடந்த ஆண்டைப் போல இந்த ஆண்டும் 70 வயது ஆனவர்களுக்கு குலுக்கல் இல்லாமலேயே அனுமதி வழங்கப்படும். அவருக்கு துணையாக ஒருவர் ஹஜ் பயணம் செய்யலாம்.

தமிழக கோட்டா அதிகரிப்பு

தமிழகத்திற்கான ஹஜ் பயணிகள் அடிப்படை கோட்டா இந்த ஆண்டு 11 சதவீதம் அளவுக்கு உயர்த்தப்பட்டு உள்ளது. கடந்த ஆண்டு ஒரு லட்சத்து 28 ஆயிரத்து 442 பேர் ஹஜ் பயணம் மேற்கொண்டார்கள். இந்திய ஹஜ் கமிட்டி எடுத்த சிக்கன நடவடிக்கை காரணமாக, ஹஜ் பயணச் செலவு ஒவ்வொருவருக்கும் மிச்சமாகியது.

சென்ற ஆண்டு ஹஜ் பயணத்தின்போது மக்கா, மதீனா நகரங்களில் விடுதி கட்டணம் உயர்த்தப்படவில்லை. இந்த ஆண்டும் அதே கட்டணம்தான் வசூலிக்கப்படும் என்று எதிர்பார்க்கப்படுகிறது. அதேபோல், ஹஜ் பயணிகளுக்கான விமான கட்டணமும் அதிகரிக்கப்படவில்லை.

நடவடிக்கை உறுதி

இந்தியாவில் இருந்து அழைத்துச்செல்லப்படும் ஹஜ் பயணிகள் வாடகை கட்டிடங்களில்தான் தங்கவைக்கப்பட்டு வருகிறார்கள். அவர்கள் தங்குவதற்கு வசதியாக மெக்கா, மதீனா பெருநகரங்களில் ஹஜ் இல்லங்களை கட்டுவதற்கு இந்திய ஹஜ் கமிட்டி பரிசீலனை செய்து வருகிறது. ஒருமுறை ஹஜ் பயணம் மேற்கொண்டவர்கள் மீண்டும் 5 ஆண்டுகள் கழித்தே மறு பயணத்திற்கு அனுமதிக்கப்படுவார்கள். வேண்டுவோர் அனைவருக்கும் வாய்ப்பு வழங்க வேண்டும் என்பதே இதன் நோக்கம் ஆகும்.

யாராவது இந்த விதிமுறையை மீறி 5 ஆண்டுகளுக்குள் மறு ஹஜ் பயணத்திற்கு முயன்றால் அவர்களின் பயணம் ரத்து செய்யப்படும். விமானத்திற்குள் சோதனையின்போது கண்டுபிடிக்கப்பட்டாலும் இதே நடவடிக்கை தான். அரசு கோட்டா மூலமான ஹஜ் பயணத்திற்கு மட்டுமல்லாமல் தனியார் நிறுவனங்கள் மூலம் பயணம் மேற்கொள்ள முயற்சி செய்வோர் மீதும் இதே நடவடிக்கை தான் எடுக்கப்படும்.

பாஸ்போர்ட்டுக்கு விண்ணப்பம் செய்யாதவர்கள் இப்பொழுதே செய்துக்கொள்ளுங்கள். சென்ற வருடம் போனவர்கள் இனி ஐந்து வருடம் கழித்துத்தான் போக முடியும் வருடா வருடம் சென்றவர்கள் இனி செல்ல முடியாது.

அபூபக்கர்- அமேஜான் (மு.செ.மு)

சத்தான விருத்தி தரும் செவ்வாழை

2012-01-23T11:18:00.000+05:30

எளிமையும், எண்ணற்ற சத்துக்களும் கொண்டது வாழைப் பழம். வாழைப்பழத்தில் பல வகை உண்டு. சிலவற்றில் உயிர்ச்சத்தும், சிலவற்றில் சுண்ணாம்புச்சத்தும், இரும்புச் சத்தும் காணப்படுகின்றன.

பலரும் அரிய அளவிலேயே உட்கொள்ளும் செவ்வாழைப் பழம் பல மருத்துவ குணங்களைக் கொண்டுள்ளது. செவ்வாழையின் தாயகம் அமெரிக்க நாடுகளான கோஸ்டரீகா, மற்றும் கியூபா எனக் கூறப்படுகிறது. இதில் உள்ள பீட்டா கரோட்டீன் கண்நோய்களை குணமாக்கும். செவ்வாழையில் உயர்தர பொட்டாசியம், உள்ளது. இது சிறுநீரகத்தில் கல் ஏற்படுவதை தடுக்கிறது. இதில் வைட்டமின் ‘சி’ அதிகம் உள்ளது. செவ்வாழையில் ஆண்டி ஆக்ஸிடென்ட் காணப்படுகிறது. இதில் 50 சதவிகிதம் நார்ச்சத்து காணப்படுகிறது.

மாலைக்கண்நோய்

கண்பார்வையால் பாதிக்கப்பட்டுள்ளவர்களுக்கு செவ்வாழை சிறந்த மருந்தாகும். கண்பார்வை குறைய ஆரம்பித்த உடன் தினசரி செவ்வாழை பழத்தை சாப்பிட பார்வை தெளிவடையும்.

மாலைக்கண் நோயால் பாதிக்கப்பட்டுள்ளவர்கள் இரவு ஆகாரத்திற்குப் பின்னர் தொடர்ந்து 40 நாட்கள் செவ்வாழை சாப்பிட்டு வர மாலைக்கண்நோய் குணமாகும்.

பல்வலி குணமடையும்

பல்வலி, பல்லசைவு, போன்ற பலவகையான பல்வியாதிகளையும் செவ்வாழைப்பழம் குணமாக்கும். பல் தொடர்புடைய நோய்கள் ஏற்பட்டால் தொடர்ந்து 21 நாட்களுக்கு செவ்வாழை சாப்பிட்டு வர ஆடிய பல் கூட கெட்டிப்படும்.

சொரி சிறங்கு நீங்கும்

சொரி, சிரங்கு, தோலில் வெடிப்பு போன்ற சரும வியாதிகளுக்கு செவ்வாழை சிறந்த நிவாரணம் தரும். சிரங்குக்கு மருந்து போடாவிட்டாலும், செவ்வாழைப்பழத்தை தொடர்ந்து ஏழுநாட்களுக்கு சாப்பிட்டு வர சருமநோய் குணமடையும்.

நரம்பு தளர்ச்சி குணமடையும்

நரம்பு தளர்ச்சி ஏற்பட்டால் உடலில் பலம் குறையும். ஆண்மை குறைபாடு ஏற்படும். எனவே நரம்பு தளர்ச்சியால் பாதிக்கப்பட்டவர்கள் தினசரி இரவு ஒரு செவ்வாழைப்பழம் சாப்பிட்டுவரவேண்டும். தொடர்ந்து 48 நாட்களுக்கு செவ்வாழை சாப்பிட நரம்புகள் பலம் பெறும். ஆண் தன்மை சீரடையும்.

குழந்தை பேறு தரும்

திருமணமான தம்பதியர் குழந்தை பேறுக்காக மருத்துவரையோ, ஜோசியரையோ நாடுவர். அவர்களுக்கு செவ்வாழை அருமருந்தாகும். குழந்தை இல்லாத தம்பதிகள், தினசரி ஆளுக்கு ஒரு வாழைப்பழம் சாப்பிட்டு அரைஸ்பூன் தேன் அருந்த வேண்டும். தொடர்ந்து 40 நாட்களுக்கு சாப்பிட்டு வர நிச்சயமாக கருத்தரிக்கும் என்கின்றனர் மருத்துவர்கள்.

தொற்றுநோய் தடுக்கப்படும்

தொற்று நோய் கிருமிகளைக் கொல்லும் அறிய சக்தி செவ்வாழைப்பழத்தில் உள்ளது. வாரம் ஒருமுறை செவ்வாழை சாப்பிட்டு வர உடலில் தொற்றுநோய் பாதிப்பு கட்டுப்படும்.

நன்றி : தட்ஸ் தமிழ்.

கீழத்தெருவில் தீ விபத்தால் பாதிக்கப்பட்ட குடும்பங்களுக்கு தமுமுக நிதியுதவி

2011-11-28T14:46:00.000+05:30

கடந்த 10/11/2011 அன்று மதியம் சுமார் 2:00 மணி அளவில் கீழத்தெருவில் மின் கசிவால் ஏற்பட்ட தீ விபத்தால் முன்று வீடுகள் முற்றிலும் எறிந்து சாம்பலாயின.! வீட்டிலுள்ள அனைத்து உடமைகளும் தீக்கிரையானது.! என்பதை நீங்கள் அறிந்தீர்பீர்கள். இதியோட்டி தீ விபத்தில் சேதம் அடைந்த குடும்பங்களுக்கு தமுமுக சார்பில் ரூ 42,342/- நிதி திரட்டப்பட்டு நேற்று (27/11/2011) உரியவர்களிடம் ஒப்படைக்கப்பட்டது. அரசு மாற்றும் பல்வேறு அமைப்புகள் உதவி செய்தது என்பது குறிப்பிடத்தக்கது. உதவி செய்த அனைத்து உள்ளங்களுக்கும் அல்லாஹ் இம்மையிலும் மறுமையிலும் அருள்புரிவானாக.!

டிசம்பர் 6, 2011 போராட்டம் சிறப்புரையாற்றுவோர் விபரம்

2011-11-26T14:35:00.004+05:30

ஆம்புலன்ஸ் சேவை குறைபாடு: குற்றச்சாட்டுக்கு தமுமுக விளக்கம்!

2011-11-17T18:32:00.000+05:30

அஸ்ஸலாமு அலைக்கும்

சகோ லெ.மு.செ. அபூபக்கர் அவர்கள் த.மு.மு.க மற்றும் பைத்துல்மால் அவசர ஊர்திசேவையில் உள்ள குறைகளைப் பற்றி கூறியதற்கு த.மு.மு.க வின் பதிலாக இங்கே சிலவற்றைக் குறிப்பிட விரும்புகிறோம்.

த.மு.மு.க.வின் அவசர ஊர்திகென்று தனி கைபேசி எண் 97 50 50 50 94 இது த.மு.மு.க.வின் பொறுப்பாளர் நசுருதீன் என்பவரிடம் உள்ளது. சம்பவம் நடந்த நள்ளிரவு 2.10 க்கு பின் 2.15 முதல் 2.25 வரை நசுருதீனின் சொந்த கைபேசி எண்ணான வேற எண்ணுக்கு 19ஆவது வார்டு கவுன்சிலரின் கணவர் சகோ அகமது ஹாஜா தொடர்பு கொண்டுள்ளார். ஆனால் 15 நிமிடம் வரை அந்த அழைப்பை நசுருதீன் அவர்கள் எடுக்கவில்லை. காரணம் அவர் முதல் நாள் இஷா தொழுகைக்கு போகும்போது அவரின் கைபேசியை அமைதி நிலையில் (Silent Mode) வைத்தவர் மீண்டும் அதை செயல் நிலைக்கு கொண்டு வர மறந்து விட்டார். "அவசர ஊர்தி தொடர்பு எண் தன் கைப்பேசியில் பதிவில் இல்லை. எனவே தனக்கு அந்த எண் நினைவில் இல்லை" என்று சகோ அஹ்மத் ஹாஜா அவர்கள் கூறுகிறார். அந்நிலையில் லெ.மு.செ.அபூபக்கரின் சகோதரர் சிராஜுதீன் அவரின் கைபேசியில் இருந்து 2.29 க்கு அவசர ஊர்தி எண்ணான 97 50 50 50 94 எண்ணுக்கு அழைப்பை விடுக்கிறார். இருமுறை அழைப்பு விடுக்கப்பட்டு அது பதில் அளிக்கப்படவில்லை. உடனே அவர் த.மு.மு.க.வின் நகரச் செயலாளர் தையுப் அவர்களை தொடர்பு கொள்கிறார். அவர் சிராஜுதீனிடம் "ஓட்டுனர் வீடு சுரைக்கா கொல்லையில் உள்ளது. போய் உடனே எழுப்புங்கள்" என்று சொல்லியுள்ளார்.

சிராஜுதீன் அங்கு சென்று ஓட்டுனர் வீடு சரியாக தெரியாத காரணத்தால் மீண்டும் அவசர எண்ணுக்கு தொடர்பு கொண்டபோது நசுருதீன் இப்பொழுது அழைப்பிற்கு பதில் அளித்துள்ளார். அப்பொழுது நேரம் 2.33. ஓட்டுனரின் வீட்டு முகவரியை தெளிவாகச் சொல்லியுள்ளார் அத்துடன் மூன்று நிமிடம் கழித்து ஓட்டுனருக்கும் பேசியுள்ளார். அப்பொழுது ஓட்டுனர் தானும் சிராஜுதீனும் அவசர

ஊர்தி நிறுத்தி வைக்கப்பட்டுள்ள ஷிபா மருத்துவமனை நோக்கி செல்வதாக கூறியுள்ளார். அப்பொழுது நேரம் 2.36. இவை எல்லாம் கைபேசியில் பதிவாகி உள்ள நேரங்கள்.

சகோ அபூபக்கர் குறிப்பிடுவது போல் ஓட்டுனரின் கைப்பேசி அணைத்து வைக்கப்படவில்லை. அவசர எண் ஓட்டுனரிடம் இல்லை. அது பொறுப்பாளர் சகோ. நசுருதீன் வசம் உள்ளது நாம் அதை ஓட்டுனர்கள் வசம் கொடுத்து வைத்தால் ஒருவேளை அவர்கள் எடுக்க வில்லை என்றால் என்ன நடக்கிறது என்பது நிர்வாகிகளான எங்களின் கவனத்திற்கு வராமலே போகலாம். எனவேதான் பொறுப்பாளர் ஒருவரை நியமித்து தகவல் வந்த உடன் அதை அவர் மறுபுறம் உறுதி செய்து ஓட்டுனருக்கு தகவல் தருவார். ஓட்டுனரிடம் அவசர எண்ணான 97 50 50 50 94 இந்த எண்ணிலிருந்து வருவதற்காகவே தனி இலக்கம் வைத்துள்ளார். இந்த இலக்கத்தை வேறு எந்த சுய உபயோகத்திற்கு அவர் பயன் படுத்துவதில்லை.

சகோ அபூபக்கர் சொல்வது போல் இரவு பகல் என இரு ஓட்டுனர்களை வைத்து கொள்வதற்கு த.மு.மு.கவிடம் பொருளாதார வசதியும் இல்லை. குறைந்த சம்பளத்திற்கு சேவை மனப்பான்மை உள்ள ஓட்டுனர் கிடைப்பதில்லை. அதுபோல அவசர ஊர்தி தினமும் ஓடுவதற்கான வாடகை வாகனமும் அல்ல. நாங்கள் வசூலிக்கும் வாடகையில் இரு ஓட்டுநர்களை பணி அமர்த்துவது சாத்தியமும் இல்லை. தற்போதைய எங்களின் ஓட்டுனரை போல் நல்உள்ளம் கொண்டவரை பார்ப்பது கடினம்.

அரசாங்கம் செய்துவரும் 108 போல் இரவு முழுவதும் விழித்திருந்து சேவை செய்து பலபேர் வைத்து நிர்வாகம் நடத்துமளவுக்கு த.மு.மு.கவிடம் பொருளாதார சக்தி இல்லை. அன்று நடந்ததில் ஒரு தவறு நடந்துள்ளது. நள்ளிரவு 2.29 க்கு சகோ சிராஜுதீன் தொடர்பு கொள்ளும் பொழுது அந்த பொறுப்பாளரான நசுருத்தீன் இரண்டு முறை பதில் அளிக்காமல் உறக்கத்தில் இருந்திருக்கிறார். அவரும் மனிதன் தான். இறைவன் தனது வசனத்தில்... "இரவை உங்களுக்கு இளைப்பாறுவதற்கும் உறங்குவதற்கும் படைத்திருக்கிறேன்" என்று கூறுகிறான். நள்ளிரவு 2.30 மணிக்கெல்லாம் அழைப்பிற்கு சிலர் உடனே எழலாம். சிலர் சிறிது நேரம் கழித்து எழலாம். இது இறைவன் அவர்களுக்கு கொடுத்த சக்தியைப் பொறுத்தது.

இதில் சகோ அபூபக்கரின் வரிகளான // இவ்வாக்கம் யாரையும் தூக்கிப் பிடிப்பதற்கோ அல்லது தரம் தாழ்த்துவதற்கோ எழுதப்பட்டதல்ல. ஊர் நடப்புகளை உங்களுக்கு தெரியப்படுத்தி சில அசொளகரியங்களை களைவதற்காகத்தான் அன்றி வேறொன்றும் இல்லை.// என்பது

5 நிமிட காலதாமதத்தை இவ்வளவு பெரிது படுத்தி எங்கள் தரப்பு விளக்கத்தை பெறாமல் அவர் ஊடகத்தின் வாயிலாக அதிவிரைவாக விமர்சித்திருப்பதை படைத்தவனே அறிவான்.

எங்களின் அவசர ஊர்தி சேவையை பற்றி சகோ அபூபக்கர் அறியாதவரல்ல. கடந்த 4/11/11 அன்று அவரது உறவினரின் சிகிச்சைக்காக தஞ்சை மருத்துவமனையில் எவ்வளவு நேரம் காத்திருந்து அவசர ஊர்தி சேவை செய்தது என்பது அவருக்கும் தெரியும்.

நல்ல விமர்சனம் எங்களை மேலும் நெறிப்படுத்தட்டும். உள்நோக்கம் இருந்தால் எல்லாம் வல்ல அல்லாஹ் போதுமானவன்.

இப்படிக்கு

செயலாளர் த.மு.மு.க,

பொருளாளர் த.மு.மு.க,

துணைத் தலைவர் த.மு.மு.க ,

துணை செயலாளர் த.மு.மு.க

அதிரை நகரம்

அதிரை ஆம்புலன்ஸ் அர்பணிப்பு- தமீம் அன்சாரி அவர்களின் உரையின் காணொளி

2011-10-20T15:23:00.000+05:30

முக்கிய அறிவிப்பு

2011-10-15T18:17:00.003+05:30

அதிரை த மு மு க மற்றும் ம ம க கட்சியின் அதிகார பூர்வ அறிவிப்பு நமதூரில் நடைபெறும் உள்ளாட்சி மன்ற தேர்தலில் தலைவர் பதவிக்கு போட்டி இடும் அணைத்து வேட்பாளருக்கும் ஆதரவும் இல்லை எதிர்ப்பும் இல்லை என்பதை அதிகாரபூர்வமாக அறிவிக்கப்படுகிறது.பொது மக்கள் அனைவரும் வீண் வதந்திகளை நம்பவேண்டாம்

இப்படிக்கு

அதிரை நகர த மு மு க மற்றும் ம ம க

அதிரையில்தமுமுகஆம்புலன்ஸ்அற்பணிப்புசகோ.ஹாஜாகனிஉரையின்காணொளி

2011-09-26T22:02:00.003+05:30

இந்த நிகழ்ச்சியின் காணொளியின் தொடர்ச்சி விரைவில்

அதிரையில் ம ம க வேட்பாளர் அறிவிப்பு

2011-09-25T20:49:00.001+05:30

அதிரையில் வரும் உள்ளாட்சி தேர்தலில் அதிரை பேரூர்ராட்சி தலைவர் பதவிக்கு செய்யது முஹம்மது புஹாரி(ஆதம் டெக்ஸ்)அவர்களை மனிதநேய மக்கள் கட்சி அதிகாரபூர்வமாக அறிவித்து உள்ளது

உள்ளாட்சி தேர்தல் விண்ணப்பங்கள் பெறப்படுகின்றன- மமக அறிவிப்பு

2011-09-17T12:00:00.000+05:30

விண்ணப்பப் படிவங்களுக்கு கீழே உள்ள லிங்கை கிளிக் செய்யவும்

விண்ணப்பிப்பது எப்படி?

Form Page 1

Form Page 2

Form Page 3

அதிரை தமுமுகவின் அவசரகால ஊர்தி அர்பணிப்பு விழா

2011-09-12T16:32:00.002+05:30

தமிழ்நாடு முஸ்லிம் முன்னேற்ற கழகம் அதிரை கிளை சார்பில் மாபெரும் சமய நல்லிணக்க பெருவிழா மற்றும் அவசர கால ஊர்தி(ஆம்புலன்ஸ்) அர்பணிப்பு விழா என இருபெரும் விழா மிக சிறப்பாக நடந்தேறியது.(நேற்று 11 - 09 - 11)அல்ஹம்துலில்லாஹ்.

செப்டம்பர்'11 (2011) அதிரையின் நிகழ்வு துளிகள்.

1. காலை 07:00 மணிக்கு ஆரம்பித்த திருமண வைபவங்கள் மாலை 06:00 மணி வரையிலும் நீடித்தது, அதிரையில் நேற்று மட்டும் சுமார் 10 திருமணங்களுக்கு மேலாக நடைப்பெற்றது.

2. பகல் 01:00 மணிக்கு கல்யாண வீடுகளிள் விருந்து உபசரிப்புகள் நடந்தது.

3. காலையில் கடுமையான வெயில் சுட்டெரித்தது, மாலை 05.00 மணியளவில் திடீரென்று அழகான மழைப்பொழிவு இருந்தது. இது மக்களுக்கு சற்று ஆறுதலாக இருந்தது. அரை மணி நேரத்திற்கு குறையாமல் பெய்த இந்த திடீர் மழை மேலும் நீடித்து த.மு.மு.க. வின் விழாவிற்கு இடையூறு ஏற்படுத்துமோ என்ற அச்சம் மக்களிடையே இருந்தது. அல்ஹம்துல்லில்லாஹ், அவ்வாறு இல்லாமல் அல்லாஹ் பாதுக்காத்தான்.

4. அவ்வப்பொழுது த.மு.மு.க. வின் விழாவை பற்றிய அறிவிப்பு வாகனம் ஊரில் உலா வந்த வண்ணம் இருந்தது.

5. மாலை 06:00 மணிக்குள் ஊரின் அனைத்து திருமண வைபவங்களும் முடிந்து, த.மு.மு.க. வின் விழாவிற்காக அனைவரும் எதிர்பார்த்து இருந்தார்கள்.

6. மாலை 06.29 மஹ்ரிப் தொழுகைக்கான பாங்கோசை ஒலித்தது, அல்-அமீன் பள்ளியில் (பஸ்ஸ்டாண்ட் பள்ளி) மஹ்ரிப் தொழுகையை நிறைவேற்ற பெரும்பாலனோர் திரண்டமையால் பள்ளி நிறைந்து வழிந்தது. இப்பள்ளி தக்க இடத்தில் அமைந்த முக்கியத்துவத்தை பலரும் பெசிக்கொண்டதையும் கேட்க முடிந்தது.

7. த.மு.மு.க வின் விழா அரங்கம் பஸ்-ஸ்டாண்டின் மையப்பகுதியில்(அல் அமீன் பள்ளி அருகே) வட-தெற்கு திசை நோக்கி அமைக்கப்பட்டு இருந்தது. கல்வி தந்தை M.K.N காதிர் முகைதீன் அப்பா நினைவரங்கம் என, விழா அரங்கம் பெயர் சூட்டப்பட்டு இருந்தது.

8. மஹ்ரிப் தொழுகைக்குப்பிறகு அவசர கால ஊர்தி விழா மேடைக்கு அருகே கொண்டு வரப்பட்டது.

9. விழாவினை நேரலைச்செய்வதற்கான பணிகளில் அதிரை பிபிசி மற்றும் மீடியா மேஜிக் தொழில்நுட்ப நிபுணர்கள் த.மு.மு.க வின் ஒளிப்பதிவாளருடன் இணைந்து செயல்பட்டுக் கொண்டிருந்தார்கள்.

10. மாலை 07:00 மணிமுதல் விழாவிற்காக அழைக்கப்பட்ட கிராம தலைவர்கள், பஞ்சாயத்து தலைவர்கள், மாற்றுமத நண்பர்கள், பிற கட்சிகளின் நிர்வாகிகள், மருத்துவர்கள் அனைவர்களும் விழா மேடைக்கு வந்த வண்ணம் இருந்தார்கள், அவர்களை முறையாக வரவேற்று இருக்கைகளில் அமர்த்தும் பணியில் த.மு.மு.க நிர்வாகிகள் ஈடுபட்டனர்.

11. மாலை 07:15 மணிக்கெல்லாம் போடப்பட்டிருந்த அனைத்து இருக்கைகளும் பொதுமக்களால் நிரப்பப்பட்டு இருந்தன.

12. பாதுகாப்பு பணியை அதிராம்பட்டினம் காவல்துறை சிறப்பாக மேற்கொண்டது.

13. போக்குவரத்தை சீரமைக்கும் பணிகளில் காவல்துறையும் த.மு.மு.க தொண்டர்களும் ஒருங்கிணைந்து செயல்பட்டர்ர்கள்.

14. பிரைட் எலக்ட்ரிகல்ஸ் ஜனாப் மீரா முகைதீன் அவர்களால் உருவாக்கப்பட்ட இந்திய பாதுகாப்புத்துறை மாதிரி கப்பல் அரங்கின் வலது புறத்தில் காட்சிக்கு வைக்கபட்டிருந்தது வருகை தந்த விருந்தினர்கள் அனைவரையும் கவர்ந்தது.

15. சரியாக மாலை 07:22 மணிக்கு மவ்லவி A.H அப்துர் ரசீது ரஹ்மானி அவர்கள் கிராத் ஓத, அதிரை நகர த.மு.மு.க தலைவர் ஜனாப் B. உமர் தம்பி மரைக்காயர் அவர்களின் தலைமையில் விழா துவங்கியது.

முன்னதாக கிழக்கு கடற்கரைச்சாலை (அண்ணா சிலை அருகே) யில் த.மு.மு.க வின் கொடியை மனித நேய மக்கள் கட்சியின் மாநில பொதுச்செயலாளர் சகோதரர் M.தமிமுன் அன்சாரி அவர்கள் ஏற்றிவைத்தார்கள். வரவேற்புரை M.O. செய்யது முகம்மது புஹாரி (நகர பொருளாளர் த.மு.மு.க) நிகழ்த்தினார்கள்.

இவ்விழாவில் த.மு.மு.க வின் தலைமை கழக நிர்வாகிகள் பேராசிரியர் M.H. ஜவாஹிருல்லாஹ்(தலைவர் த.மு.மு.க, மற்றும் ம.ம.க), சகோதரர் S.ஹைதர் அலி(மாநில பொதுச்செயலாளர் த.மு.மு.க), சகோதரர் M.தமிமுன் அன்சாரி(மாநில துணை பொதுச்செயலாளர் ம.ம.க), சகோதரர் J.ஹாஜா கனி(மாநில செயலாளர் த.மு.மு.க) ஆகியோர்கள் கலந்துகொண்டு சிறப்புரையாற்றி அவசரகால ஊர்தியை(ஆம்புலன்ஸ்) அனைத்து சமுதாய மக்களுக்காகவும் அர்பணிப்பு செய்தார்கள். இவ்விழாவினை சகோதரர் J.கலந்தர்(முன்னால் மாவட்ட செயலாளர் ம.ம.க)அவர்கள் தொகுத்து வழங்கினார்கள்.

இறுதியாக நன்றியுரை M.H. தையூப்(நகர செயலாளர் த.மு.மு.க) அவர்கள் நவிழ விழா இனிதே நிறைவுற்றது, அல்ஹம்துலில்லாஹ்.

இந்நிகழ்சிகள் அனைத்தும் அதிரைபிபிசியிலும்(http://adiraibbc.blogspot.com), த.மு.மு.க வின் அதிகாரப்பூர்வ இணைய தளமான http://tmmk.in லும் http://adiraitmmk.blogspot.com/ நேரலையாக ஒளிப்பரப்பப்பட்டது.

சில புகைப்படங்கள் உங்களின் பார்வைக்கு.

அவசரகால ஊர்தி அர்பணிப்பு விழா இனிதே நிறைவுற்றது

2011-09-12T10:46:00.002+05:30

அதிரை தமுமுகவின் அவசரகால ஊர்தி அர்பணிப்பு விழா சமூக நல்லிணக்க விழா இன்று மாலை பேருந்து நிலைய வளாகத்தில் தொடங்கியது இதில் மாநில நிர்வாகிகள் உள்பட பலரும் கலந்துகொண்டு சிறப்பித்தனர் ஏராளமான தொண்டர்களும் கலந்துகொண்டனர்

இந்த ஆம்புலன்ஸ் அர்ப்பணிப்பு நிகழ்ச்சியில் திரளான மக்கள் கலந்து கொண்டனர்.

அதிரையில் நல்லிணக்கத்திற்கான நற்சேவை

2011-09-10T21:27:00.003+05:30

அதிரையில் தமிழ் நாடு முஸ்லிம் முன்னேற்றக்கழகம் நடத்தும் சமுக நல்லிணக்க பொதுக் கூட்டம் மற்றும் ஆம்புலன்ஸ் அர்ப்பணிப்பு விழா இன்ஷாஅல்லாஹ் நாளைய தினம் (11-09-2011) மாலை 05:00 நடைபெற உள்ளது. இந்நிகழ்ச்சியை நமது அதிரை பிபிசி நேரலை செய்யும் என்பதை மகிழ்ச்சியுடன் தெரிவித்துக்கொள்கிறோம்.

ஆம்புலன்ஸ் அர்ப்பணிப்பு விழா - (அழைப்பிதழ்)

"படைப்புகள் அனைத்தும் அல்லாஹ்வின் குடும்பமாகும்" எனும் நபிமொழிக்கிணங்க. சாதி, மதம், இனம், குலம் போன்ற பாகுபாடுகள் பார்க்காமல், பாதிப்பிற்குள்ளானவர் யாராயிருந்தாலும், அவசர உதவி தேவைப்படுவோர் எவராயிருந்தாலும், அவர்களுக்கு அரசு மற்றும் தன்னார்வத் தொண்டு நிறுவனங்களின் உதவி கிடைக்க வேண்டும் என்பது சமூக நலம் விரும்புவோரின் எதிர்பார்ப்பாகும்; நம் இந்திய அரசுச் சாசனமும் அதைத்தான் கூறுகின்றது. எனவே, ஜனநாயக அடிப்படையிலும் இச்சேவையானது பாராட்டத் தக்கதும் வரவேற்கத் தக்கதுமாகும்.

அதிரையின் மக்கள் தொகை, வசதி வாய்ப்புகள், தேவைகள் ஆகியவற்றைக் கருத்துள் கொண்டு, சில ஆண்டுகளுக்கு முன் நம் சமுதாய அமைப்புகளுள் ஒன்றான தமிழ்நாடு முஸ்லிம் முன்னேற்றக் கழகத்தின் அதிரைக் கிளை நமதூருக்கு ஓர் மருத்துவம் மற்றும் துயர்துடைப்பு அவசர வாகனத்தின் தேவையை உணர்ந்து, அதற்கான நன்முயற்சிகளில் முனைந்து பாடுபட்டு வந்தது.

இவ்வாகனத்தின் தேவை உணரப்பட்டபோது, இதன் விலை ஆறு லட்சமாக இருந்தது. ஆனால், அது கைக்கு வந்து கிடைத்து வாங்கியபோது, சுமார் ஒன்பது லட்சமாக உயர்ந்துவிட்டது. எனினும், நம் சமூக ஆர்வம் மிக்க (குறிப்பாக வெளிநாடுவாழ்) சகோதரர்களின் ஒத்துழைப்பினால், அத்தொகையைக் கொடுத்து இவ்வாகனம் கையகப் படுத்தப்பட்டுள்ளது. அல்ஹம்து லில்லாஹ்!

அதன் சமுதாய அர்ப்பணிப்பு விழா, எதிர்வரும் 11 – 09 – 2011 ஞாயிற்றுக் கிழமை மாலை ஐந்து மணியளவில் நமதூர் பேருந்து நிலையத்தின் அருகில் நடைபெற இருக்கின்றது. அவ்வமயம், த. மு. மு. க. மற்றும் ம.ம.க. மாநிலத் தலைவர்கள் கலந்துகொண்டு வாழ்த்துரைகளும் பாராட்டுரைகளும் சமூக விழிப்புணர்வு உரைகளும் நிகழ்த்துவார்கள்.

கலந்துகொள்வோர்:

பேராசிரியர் டாக்டர் M.H. ஜவாஹிருல்லாஹ், MBA, MLA

S. ஹைதர் அலி (த.மு.மு.க. பொதுச் செயலாளர்)

M. தமீமுன் அன்சாரி M.A. (ம.ம.க. துணைப் பொதுச் செயலாளர்)

பேராசிரியர் J. ஹாஜா கனி M.A. (த.மு.மு.க. மாநிலச் செயலாளர்)

அதிரை த.மு.மு.க. அனைவரையும் அன்புடன் வரவேற்கிறது.

- அதிரை அஹ்மது

குறிப்பு : இன்ஷாஅல்லாஹ் இந்நிகழ்ச்சி அதிரைபிபிசி மற்றும் தமுமுக இணையதளத்தில்

நேரலை செய்யப்படும்.

அதிரையில் தமிழ் நாடு முஸ்லிம் முன்னேற்றக்கழகம் நடத்தும் சமுக நல்லிணக்க பொதுக் கூட்டம் மற்றும் ஆம்புலன்ஸ் அர்ப்பணிப்பு அழைப்பிதழ்

2011-08-20T19:56:00.002+05:30

அதிரையில் தமிழ் நாடு முஸ்லிம் முன்னேற்றக்கழகம் நடத்தும் சமுக நல்லிணக்க பொதுக் கூட்டம் மற்றும் ஆம்புலன்ஸ் அர்ப்பணிப்பு அழைப்பிதழ்

விரைவில்

2011-07-31T22:19:00.002+05:30

இன்ஷா அல்லாஹ் செப்டம்பர் 3 முதல் 101 வது ஆம்புலன்ஸ் அதிரையில் அர்பணிப்பு விரைவில் காத்திருங்கள்... அனைவரும் துவ செய்யவும்
இங்ஙனம்
அதிரை தமுமுக

தமிழ் நாடு முஸ்லிம் முன்னேற்ற கழகம்
அதிரை கிளை
கிளை எண்: 1603
2 வது மாடி M.F பில்டிங்
54 F,கடை த்தெரு
அதிராம்பட்டினம் -614701
தஞ்சை மாவட்டம் .
http://adiraitmmk.blogspot.com/

இந்தியன் வங்கி

SB.A/C : 560614343

சமுதாய கலங்கரை விளக்கம்-2011

2011-07-31T22:01:00.004+05:30

ஒடுக்கப்பட்ட மக்களின் உரிமைப் பேரியக்கமாம் தமுமுகவின் சாதனை சரித்திரத்தின் தொகுப்பு-2011 (டவுன்லோடு)

தென் ஆப்பிரிக்கா கிரிக்கெட்டின் இளம் வேகப்பந்து வீச்சாளர் வெய்ன் பர்னெல் இஸ்லாத்தை ஏற்று கொண்டுள்ளார்.

2011-07-31T17:18:00.000+05:30

ஜோஹன்ஸ்பெர்க் : தென் ஆப்பிரிக்கா கிரிக்கெட்டின் இளம் வேகப்பந்து வீச்சாளர் வெய்ன் பர்னெல் இஸ்லாத்தை ஏற்று கொண்டுள்ளார். இன்று 22ம் ஆண்டை அடையும் அவர் இஸ்லாத்தை பற்றிய சில கால ஆராய்ச்சிக்கு பிறகு இம்முடிவை எடுத்ததாக கூறப்படுகிறது.

இது தொடர்பாக பர்னெல் வெளியிட்டுள்ள அறிக்கையில் இவ்வாண்டு ஜனவரி மாதமே தான் இஸ்லாத்தை ஏற்று கொண்டதாகவும் தன் பெயரை வலீத் என மாற்றும் எண்ணமுள்ளதாகவும் தெரிவித்தார். தற்சமயம் வரை தன் பெயரான வெய்ன் தில்லன் பர்னலை மாற்றவில்லை என்றும் எதிர்காலத்தில் புதிதாய் பிறந்த மகன் என பொருள்படும் வலீத் என்ற பெயரை வைக்க நினைப்பதாகவும் தெரிவித்தார்.

மேலும் அவ்வறிக்கையில் தான் முதல் முறையாக ரமலான் மாதத்தை அடைய இருப்பதால் தான் முதன் முறையாக நோன்பு இருப்பதை குறித்து மிக சந்தோஷமாக இருப்பதாகவும் தெரிவித்தார். தென் ஆப்பிரிக்க மக்களும் ஊடகங்களும் தன் கிரிக்கெட் ஆட்டத்தில் காட்டும் ஆர்வத்தை மதிக்கும் அதே வேளையில் எந்நம்பிக்கையை ஏற்பது என்பது தனது தனிப்பட்ட உரிமை என்றும் கூறியுள்ள அவர் அதை மதிக்க வேண்டும் என்றும் கோரிக்கை விடுத்துள்ளார்.

தென் ஆப்பிரிக்க கிரிக்கெட் அணியின் மேலாளர் முஹம்மது மூஸாஜீ பர்னெல் இஸ்லாத்தை ஏற்று கொள்வது அவரின் தனிப்பட்ட விஷயம் என்றும் இவ்விஷயத்தில் தென் ஆப்பிரிக்க கிரிக்கெட்டின் முஸ்லீம் வீர்ர்கள் ஹாஷிம் அம்லா மற்றும் இம்ரான் தாஹிர் ஆகியோர் எவ்வித தாக்கத்தையும் ஏற்படுத்தவில்லை என்றார்.

இது குறித்து கருத்து தெரிவித்துள்ள தென் ஆப்பிரிக்க கிரிக்கெட் வீரர்கள் பர்னெல் இஸ்லாத்தில் தீவிரமாக உள்ளதாகவும் சமீபத்திய ஐ.பி.எல் போட்டியிலிருந்து ஒரு சொட்டு மதுவும் அருந்தவில்லை என்றும் தெரிவித்தனர். இதில் அம்லாவின் பங்கு ஏதுமில்லை என்றாலும் ஹாஷிம் அம்லா மிக கட்டுபாட்டுடனும் தன் மதத்தை பின்பற்றுவதில் காட்டும் உறுதியும் அனைவரையும் ஈர்த்துள்ளது என்றனர். ஹாஷிம் அம்லா இஸ்லாத்தின் ரோல் மாடலாக விளங்குவதாகவும் தெரிவிக்கின்றனர்.

மேலும் மது பரிமாறப்படும் கேளிக்கைகளில் பங்கேற்க மறுப்பது, சுற்றுபயணத்தில் கூட தன் தொழுகைகளில் உறுதியாய் இருத்தல், தென் ஆப்பிரிக்க அணியினரின் ஸ்பான்ஸரான பீர் நிறுவனத்தின் லோகோ பொறிக்கப்பட்ட ஆடையை அணிய மறுப்பது போன்றவைகளின் மூலம் அவரை அறியாமலேயே ஹாஷிம் அம்லா பிறர் இஸ்லாத்தின் மீது நல்லெண்ணம் தோன்ற காரணமாக இருக்கின்றனர் என்றனர். 2006 ஆம் ஆண்டு யூசுப் யோஹன்னவாக இருந்து இஸ்லாத்திற்கு மாறிய முஹம்மது யூசுப்பை தொடர்ந்து இஸ்லாத்தை ஏற்று கொண்ட இரண்டாவது கிரிக்கெட் வீர்ர் பர்னெல் என்பது குறிப்பிடத்தக்கது.

தொடர்புக்கு

2011-07-31T13:49:00.011+05:30

ஆம்புலன்ஸ் தொடர்புக்கு - 9750505094

ம.ம.க. நகர, த.மு.மு.க. தலைவர் : A. சாதிக் பாட்ஷா - 9942033233
ம.ம.க. நகர த.மு.மு.க. செயலாளர் : M. முஹம்மது தைய்யூப் - 9952131334 ம.ம.க. நகர த.மு.மு.க. பொருளாளர் : M.O. செய்யது முஹம்மது புஹாரி - 9944449848
ம.ம.க. செயலாளர் : M. சாகுல் ஹமீது - 9894973416
த.மு.மு.க. துணை தலைவர் : H. செய்யது புஹாரி - 9944997021
த.மு.மு.க. துணை செயலாளர் : M. தமீம் அன்சாரி - 8675196695
ம.ம.க. துணை செயலாளர் : S. அஹமது ஹாஜா - 9003127748
மருத்துவ அணி செயலாளர் : J. உமர் முக்தார் - 9500516179

தமிழ் நாடு முஸ்லிம் முன்னேற்ற கழகம்
அதிரை கிளை
கிளை எண்: 1603
2 வது மாடி M.F பில்டிங்
54 F,கடை த்தெரு
அதிராம்பட்டினம் -614701
தஞ்சை மாவட்டம் .
http://adiraitmmk.blogspot.com/

இந்தியன் வங்கி

SB.A/C : 560614343

Headquarters

Tamilnadu Muslim Munnetra Kazhagam


	7-vada maraicoir Street, mannady,
	Chennai
	Tamilnadu
	600 001
	India

	044-25247824,
	Fax-044-25233884
	http://www.tmmk.in

புனித ரமலானே வருக - உரை மௌலவி. முஜிபுர் ரஹ்மான் உமரி

2011-07-30T19:19:00.002+05:30

மௌலவி. முஜிபுர் ரஹ்மான் உமரி அவர்கள் உரையாற்றிய புனித ரமலானே வருக என்ற தலைப்பிலான மார்க்க உரையை இதழில் கேட்கலாம்.

சமச்சீர் கல்வியை அமல்படுத்தக் கோரி வகுப்புப் புறக்கணிப்புப் போராட்டம்: மாணவர்களுக்கு திமுக அழைப்பு

2011-07-26T18:10:00.000+05:30

சென்னை, ஜூலை 26

சமச்சீர் கல்வியை நடைமுறைப்படுத்தக் கோரி தமிழத்தில் வகுப்புப் புறக்கணிப்புப் போராட்டத்தை நடத்தப் போவதாக திமுக அறிவித்துள்ளது. ,

வரும் 29ம் தேதி மாணவர்கள் வகுப்புகளைப் புறக்கணிக்குமாறு திமுக அழைப்பு விடுத்துள்ளது .

மாணவர்கள், பெற்றோர்கள், ஆசிரியர்கள் உள்ளிட்ட அனைவரும் இந்தப் போராட்டத்தில் கலந்துகொள்ள வேண்டும் என்றும், இந்த போராட்டம் வன்முறையின்றி அறவழியில் போராட்டம் நடைபெறும் எனவும் தெரிவிக்கப்பட்டுள்ளது

என் மீது போடப்பட்ட வழக்குகளை நீதிமன்றத்தில் சந்திப்பேன்: முன்னாள் அமைச்சர் வீரபாண்டி ஆறுமுகம் அறிக்கை

2011-07-26T18:06:00.001+05:30

சேலம். ஜூலை. 26-

சேலம் மாவட்ட தி.மு.க. செயலாளரும், முன்னாள் அமைச்சருமான வீரபாண்டி ஆறுமுகம் வெளியிட்டுள்ள அறிக்கையில் கூறியிருப்பதாவது:-

பொது வாழ்க்கையில் ஈடுபட்டு இன்று வரை 54 ஆண்டுகளாக தந்தை பெரியார், பேரறிஞர் அண்ணா, தலைவர் கலைஞர் கொள்கை ஏற்று இந்தி மொழி ஆதிக்கத்தை எதிர்த்து தமிழ் மொழிக்காகவும்-தமிழ்நாட்டின் வளர்ச்சிக்காகவும்-மக்களின் வாழ்வாதாரம் உயரவும், தமிழர்களின் கலாச்சாரம்-நாகரீகத்தின் பெருமையை நம்முடைய மக்களுக்கு எடுத்துரைத்து பகுத்தறிவு கொள்கை வழியில் சுய மரியாதை உணர்வை ஏற்படுத்திய தலைவர்களின் வழி நின்று திராவிட முன்னேற்ற கழகத்தில் 1956-ம் ஆண்டு முதல் இருந்து தொண்டாற்றி வருபவன் நான்.

சேலம் மாவட்டத்தின் வளர்ச்சிக்காகவும், பிற்படுத்தப்பட்ட, மிகவும் பிற்படுத்தப்பட்ட, தாழ்த்தப்பட்ட மற்றும் சிறுபான்மை மக்களின் உரிமைக்காகவும் குரல் கொடுத்து வருபவன் நான்.

இந்த கொள்கைக்காக நான் இருப்பதால் இந்த அரசு என் மீது பொய் வழக்கு போட்டு என் பொது வாழ்க்கையை முடக்கி விட முடியாது. கழகத்தை பலவீனமாக்கி விட முடியாது.

கழகம் நடத்திய விலைவாசி உயர்வு போராட்டத்தை தொடர்ந்து இந்தி எதிர்ப்பு போராட்டம். ஈழத் தமிழர்களுக்கான உரிமை போராட்டம் மற்றும் அறிஞர் அண்ணா காலத்தில் அறிவித்த போராட்டங்கள், அண்ணா மறைவிற்கு பிறகு தலைவர் கலைஞர் அறிவித்த அனைத்து போராட்டங்களிலும் கலந்து கொண்டு சிறை சென்று மக்களுக்காக தியாகங்களை நான் மட்டுமல்ல என்னை பெற்ற தாய் முதல் என் மனைவி, பிள்ளைகள் அனைவரும் பல்வேறு சோதனைகளை தாங்கி கொண்டு தான் திராவிட முன்னேற்ற கழகத்தில் தொடர்ந்து இருந்து மக்களுக்காக உழைத்து வருகிறேன்.

1975-ம் ஆண்டு தேசிய நெருக்கடி காலத்தில் 1976-ம் ஆண்டு கழக ஆட்சி கலைக்கட்டப்பின் நானும் எனது குடும்பமும் எவ்வளவு அடக்குமுறைகளை, அச்சுறுத்தல்களை சந்தித்தோம் என்பதை மாவட்ட மக்கள் மட்டுமல்ல தமிழ்நாடே நன்கு அறியும். அரசியல் காரணத்திற்காக பொய் வழக்கு போடுவதால் பொது வாழ்க்கையில் இருந்து நான் ஒதுங்கி விட மாட்டேன்.

இப்போது என் மீது போடப்பட்டுள்ள வழக்கு முற்றிலும் உண்மை இல்லை. இந்த பொய் வழக்கை நீதிமன்றத்தில் சந்திக்க உள்ளேன் என்பதை தெரிவித்து கொள்கிறேன்.

ஒரே வேனில் அழைத்து செல்லப்படுவதால் கொலை கைதிகளை கண்டு நடுங்கும் ஆ.ராசா, கல்மாடி; பாதுகாப்பு அளிக்க கோரிக்கை

2011-07-25T17:36:00.000+05:30

புதுடெல்லி, ஜூலை. 18-

ஸ்பெக்ட்ரம் ஊழல் தொடர்பாக முன்னாள் மத்திய மந்திரி ஆ.ராசா கைது செய்யப்பட்டு டெல்லி திகார் ஜெயிலில் அடைக்கப்பட்டுள்ளார். காமன்வெல்த் விளையாட்டுப் போட்டி ஊழலுக்காக கைது செய்யப்பட்டுள்ள சுரேஷ் கல்மாடி, வி.கே.வர்மா, லலித் பானட், ஜெயச் சந்திரன், சுர்ஜித்லால், ஏ.எஸ்.வி.பிரசாத் ஆகியோரும் திகார் ஜெயிலில் உள்ளனர்.

ஆ.ராசா, கல்மாடி ஆகியோர் விசாரணைக்காக வேனில் ஏற்றி செல்லப்படும் போது கொலை கைதிகளும் உடன் ஏற்றிச் செல்லப்படுகிறார்கள். இதற்கு ராசா, கல்மாடி எதிர்ப்பு தெரிவித்துள்ளனர். இது தொடர்பாக அவர்கள் சி.பி.ஐ. கோர்ட்டில் மனு செய்தனர். அந்த மனுவில் கூறப்பட்டிருப்பதாவது:-

வழக்கு விசாரணைக்காக எங்களை கோர்ட்டுக்கு அழைத்து செல்லும் போது கொலை, கொள்ளை வழக்கு கைதிகளையும் எங்களுடனேயே ஒரே வேனில் அழைத்து வருகிறார்கள். ஜெயிலர்களுக்கு அவர்கள் பயப்படுவதே இல்லை. அந்த கைதிகளை பார்த்தாலே பயமாக உள்ளது. அவர்களிடம் இருந்து எங்களுக்கு பாதுகாப்பு வேண்டும். எனவே எங்களை விசாரணைக்கு அழைத்து செல்லும் போது, தனி வேன்களில் அழைத்து செல்ல வேண்டும். இல்லையெனில் எங்கள் வழக்கு விசாரணையை வீடியோ கான்பரன்சிங்கில் நடத்த வேண்டும்.

இவ்வாறு மனுவில் கூறப்பட்டுள்ளது.

இந்த மனு மீது உத்தரவிட்ட நீதிபதி தல்வந்த்சிங், திகார் ஜெயில் அதிகாரிகள் உரிய நடவடிக்கை எடுக்க வேண்டும் என்றார்.

நான் செய்தது தவறு என்றால் முன்பு இருந்த மந்திரிகளும் ஜெயிலில் இருக்க வேண்டும்: கோர்ட்டில் ஆ.ராசா வாதம்

2011-07-25T17:32:00.000+05:30

புதுடெல்லி, ஜூலை. 25-

2ஜி ஸ்பெக்ட்ரம் முறைகேட்டில் மத்திய அரசுக்கு ரூ.1 லட்சத்து 76 ஆயிரம் கோடி இழப்பு ஏற்பட்டுள்ளதாக மத்திய கணக்கு தணிக்கை துறை அதிகாரி தெரிவித்து இருந்தார். இந்த முறைகேடு பற்றி சுப்ரீம் கோர்ட்டு கண்காணிப்பில் சி.பி.ஐ. விசாரித்து வருகிறது.

இதில் பிப்ரவரி மாதம் 2-ந் தேதி முன்னாள் தொலைத் தொடர்பு மந்திரி ஆ.ராசா, அதிகாரிகள் சித்தார்த் பெகுரா, சந்தோலியா, ஸ்வான் டெலிகாம் நிறுவன அதிபர் ஷாகித் பல்வா மற்றும் தனியார் டெலிகாம் உயர் அதிகாரிகள் கைது செய்யப்பட்டு டெல்லி திகார் ஜெயிலில் அடைக்கப்பட்டனர்.

ஸ்பெக்ட்ரம் பணம் ரூ.200 கோடி கலைஞர் டி.வி.க்கு கைமாறியது தொடர்பான குற்றச்சாட்டின் பேரில் கலைஞர் டி.வி. பங்குதாரர் கனிமொழி எம்.பி., நிர்வாக இயக்குனர் சரத்குமார் கைது செய்யப்பட்டனர்.

இந்த வழக்கு விசாரணை டெல்லி பாட்டியாலா ஹவுஸ் வளாகத்தில் உள்ள சி.பி.ஐ. விசேஷ கோர்ட்டில் தொடங்கியது. சி.பி.ஐ. தரப்பு வக்கீல் ஆஜராகி வாதாடினார். இதில் ஆ.ராசா தான் முக்கிய குற்றவாளி என குறிப்பிட்டார். அடுத்ததாக குற்றம் சாட்டப்பட்டவர்கள் சார்பில் வக்கீல்கள் ஆஜராகி வாதாடலாம் என்று நீதிபதி ஓ.பி.சைனி அறிவித்தார்.

குற்றம் சாட்டப்பட்ட ஆ.ராசா தனது தரப்பில் தானே இன்று ஆஜராகி வாதாடுவதாக கோர்ட்டில் தெரிவித்து இருந்தார். இதற்கு நீதிபதி அனுமதி அளித்தார். இதையடுத்து அவர் இன்று காலை திகார் ஜெயிலில் இருந்து வேனில் சி.பி.ஐ. கோர்ட்டுக்கு அழைத்து வரப்பட்டார்.

நீதிபதி முன் அவர் வாதாடுகையில் பல திடுக்கிடும் தகவல்களை வெளியிட்டார். அவரது வாதம் வருமாறு:-

ஸ்பெக்ட்ரம் முறைகேடு வழக்கில் நான் எந்த தவறும் செய்யவில்லை. ஸ்பெக்ட்ரம் ஒதுக்கீடு கொள்கை முன்பு இருந்த தேசிய ஜனநாயக கூட்டணி அரசில் எடுக்கப்பட்டது. அதையே தொடர்ந்து பின்பற்றினோம்.

நான் ஸ்பெக்ட்ரம் ஒதுக்கீடு செய்தது தவறு என்றால் எனக்கு முன்பு இருந்தவர்கள் செய்ததும் தவறு தான். 1993 முதல் தொலைத் தொடர்புத்துறை மந்திரிகளாக இருந்தவர்களும் என்னோடு ஜெயிலில் இருக்க வேண்டும்.

தொலைத்தொடர்பு மந்திரியாக அருண்ஷோரி இருந்த போது 26 லைசென்சுகள் வழங்கப்பட்டது. தயாநிதி மாறன் 25 லைசென்சுகள் வழங்கினார். நான் 122 லைசென்சுகள் வழங்கினேன். இதில் எண்ணிக்கையில் தான் வேறுபாடு இருக்கிறது. மற்றபடி நான் மேற்கொண்டு எதுவும் செய்யவில்லை.

அவர்கள் செய்தது தவறு இல்லை என்றால், என்னை மட்டும் குற்றம் சாட்டுவது ஏன்? என்னிடம் மட்டும் கேள்வி கேட்பது ஏன்? அவர்கள் செய்யாததை விட நான் ஒன்றும் செய்யவில்லை.

2003-ல் மத்திய மந்திரி சபை எடுத்த முடிவை கடைப்பிடித்தேன். இதில் சட்ட விதிமுறைகளை பின்பற்றினேன். அதை மீறி எதுவும் செய்யவில்லை. இதற்காக எனக்கு கிடைத்த பரிசு (கைது) இது. நான் எடுத்த முடிவு பிரதமர் மன்மோகன்சிங்குக்கும் அப்போது நிதி மந்திரியாக இருந்த ப.சிதம்பரத்துக்கும் தெரியும்.

சட்ட விதிகளின்படிதான் டி.பி.ரியாலிட்டி நிறுவனத்துக்கு ஸ்பெக்ட்ரம் ஒதுக்கீடு செய்யப்பட்டது. பிரதமர் முன்னிலையில் நிதி மந்திரி இதற்கு ஒப்புதல் கொடுத்தார். இதில் எங்கே குற்றம் இருக்கிறது. எங்கே சட்டமீறல் இருக்கிறது? அவர்கள் முன்னிலையில் எடுக்கப்பட்ட முடிவு என்னை ஜெயிலில் தள்ளி இருக்கிறது.

நான் மந்திரியாக இருந்த போது சாதாரண மக்களும் செல்போனில் பேச நடவடிக்கை எடுத்தேன். செல்போன் கட்டணம் மிகவும் குறைக்கப்பட்டது. சாதாரண ரிக்ஷா தொழிலாளி முதல் வேலைக்காரர்கள் வரை செல்போன் வைத்திருக்க முடிந்தது. நாட்டு மக்களுக்காக சேவை செய்தேன். நான் மந்திரியாக இருந்த போது தான் செல்போன் கட்டணம் மலிவானது. இதனால் ஏழைகள் செல்போன் பயன்படுத்த முடிந்தது.

இவ்வாறு ஆ.ராசா கூறினார்.

தொடர்ந்து கோர்ட்டில் வாதாடி வருகிறார்.

2 ஜி ஊழல்: ராசாவின் வாதங்களை ஆதாரமாக எடுத்து கொள்ள முடியாது-கபில்சிபல்

2011-07-25T17:29:00.000+05:30

புதுடெல்லி, ஜூலை.25-

2 ஜி ஸ்பெக்ட்ரம் விவகாரம் தொடர்பாக மாஜி தொலைத்தொடர்பு மந்திரி ஆ.ராசா டெல்லி நீதிமன்றத்தில் இன்று வாதாடினார். அப்போது 2 ஜி விவகாரத்தில் தான் எந்த தவறும் செய்யவில்லை, மேலும் அவர், தான் எடுத்த தொலைத்தொடர்புத்துறை தொடர்பான நடவடிக்கைகள் தவறு என்றால் கடந்த 1993-ஆம் ஆண்டில் இருந்து தொலைத்தொடர்பு மந்திரிகளாக இருந்தவர்கள் அனைவரும் என்னுடன் சிறையில் இருக்க வேண்டும்.

கடந்த பாரதீய ஜனதா அரசு மேற்கொண்ட நடவடிக்கைகளையே நானும் பின்பற்றினேன் என்று கூறினார் ஆ.ராசாவின் வாதங்கள் இன்று முடிவடைந்த நிலையில், நாளையும் வாதங்கள் தொடர உள்ளது.

இதுபற்றி கருத்து தெரிவித்த தொலை தொடர்பு துறை அமைச்சர் கபில் சிபல் நீதிமன்றத்தில் ராசா கூறும் வாதங்களை ஆதாரமாக எடுத்து கொள்ள முடியாது என்று கூறியுள்ளார்.

மும்பை தொடர் குண்டுவெடிப்புகள் மனிதநேய மக்கள் கட்சி கடும் கண்டனம்

2011-07-24T17:18:00.000+05:30

மனிதநேய மக்கள் கட்சியின் தலைவரும், இராமநாதபுரம் தொகுதி சட்டமன்ற உறுப்பினருமான முனைவர் எம்.ஹெச்.ஜவாஹிருல்லா வெளியிடும் அறிக்கை

மும்பையில் மக்கள் நடமாட்டம் அதிகம் உள்ள ஒபேரா ஹவுஸ், சவேரி பஜார் மற்றும் மேற்கு தாதர் உள்ளிட்ட மூன்று இடங்களில் நிகழ்ந்த தொடர் குண்டுவெடிப்புகளில் 21 பேர் பலியாகியுள்ளனர், 141 பேர் படுகாயம் அடைந்துள்ளனர் என்ற தகவல் வேதனையைத் தருகிறது. இக்கொடூர சம்பவத்தை வன்மையாகக் கண்டிக்கின்றோம்.

இந்த தொடர் குண்டுவெடிப்பின் பின்னணியில் இருப்பவர்கள் சர்வதேச பயங்கரவாதிகளா அல்லது உள்ளூர் பயங்கரவாதிகளா என்பதை முறையான விசாரணையின் மூலம் கண்டுபிடித்து பயங்கரவாதத்தை வேரறுக்க வேண்டும். இனிமேலும் இதுபோன்ற சம்பவங்கள் நடைபெறாமல் இருக்க தீவிர நடவடிக்கைகள் எடுக்க வேண்டும் என மத்திய மாநில அரசுகளை கேட்டுக் கொள்கிறோம். குண்டுவெடிப்புகளில் இறந்தவர்களின் குடும்பங்களுக்கு ஆழ்ந்த இரங்கலை தெரிவித்துக் கொள்கிறோம்.

சில ஆண்டுகளுக்கு முன் நான்டெட், மாலேகான், ஹைதராபாத், அஜ்மீர் போன்ற இடங்களில் நடைபெற்ற குண்டுவெடிப்புகளில் சங்பரிவார் தீவிரவாத அமைப்புகள் ஈடுபட்டிருப்பது வெட்டவெளிச்சத்திற்கு வந்தும், அந்த அமைப்புகள் இதுவரை தடை செய்யப்படவில்லை. கைது செய்யப்பட்டவர்களுக்கு இன்னும் தண்டனை வழங்கப்படவில்லை என்பதி-ருந்து மத்திய அரசு குண்டுவெடிப்பு வழக்குகளை எப்படிக் கையாள்கிறது என்பது விளங்கும். எனவே தற்போது குண்டுவெடிப்புகளில் இந்த அமைப்புகளுக்கு பங்குள்ளதா என்பதையும் விசாரணையின் ஒரு பகுதியாகக் கொண்டு விசாரணை நடத்தப்பட வேண்டும். குண்டுவெடிப்பு சம்பவங்களில் யார் ஈடுபட்டிருந்தாலும் அவர்களை சட்டத்தின் முன் கொண்டுவந்து கடுமையான தண்டனை வழங்கவேண்டும் என்று கேட்டுக் கொள்கிறோம்.

முஸ்லிம் மாணவிகளுக்கான ஸ்காலர்ஷிப் திட்டம்

2011-07-24T16:59:00.000+05:30

முஸ்லிம் மாணவிகளுக்கான ஸ்காலர்ஷிப் திட்டம்

MAULANA AZAD EDUCATION FOUNDATION SCHOLARSHIPS FOR MERITIOUS GIRLS STUDENT BELONGING TO MINORITIES (Ministry of Minority Affairs, Govt. of India) SOCIAL JUSTICE SERVICE CENTRE, CHELMSFORD ROAD, NEW DELHI-110055.

CAMPUS INFO: SCHOLARSHIP CIRCULAR

Scholarship Amount:

Ø +1- Rs.6000

Ø +2- Rs.6000

Qualification to Apply:

Ø 10^th Standard completed Girls Students joining +1.

Ø Marks in 10^th Standard should be above 55%

Ø Family Income should be below Rs. 1,00,000.

Required Documents:

· COMPLETELY FILLED APPLICATION FORM

· S.S.L.C. MARK SHEET(ATTESTED)

· FAMILY RATION CARD(ATTESTED)

· COMMUNITY CERTIFICATE(ATTESTED)

· SCHOOL TRANSFER CERTIFICATE(ATTESTED)

· INCOME CERTIFICATE(ORIGINAL)

· INCOME AFFIDAVIT IN Rs.20 NON-JUDICIAL STAMP PAPER.

For Applications and information visit:

www.maef.nic.in

Last date to Apply: August 31.

For more details please contact:

CAMPUS FRONT OF INDIA

(THE NATIONAL STUDENTS ORGANISATION)

TAMILNADU STATE HEAD OFFFICE

No.33, 3^rd Floor, Malayaperumal Street, Parrys, Chennai-600001.

Phone: 81225 44706, 95669 03277.

Mail us to: campusfronttn@gmail.com

தகவல்: ABDUL GAFOOR

ஸ்பெக்ட்ரம் வழக்கை இழுத்தடிக்கிறார்கள்; சி.பி.ஐ. மீது கனிமொழி புகார்

2011-07-17T15:34:00.000+05:30

புதுடெல்லி, ஜூலை.17-

ஸ்பெக்ட்ரம் வழக்கில் முன்னாள் மத்திய மந்திரி ஆ.ராசாவைத் தொடர்ந்து கனிமொழி எம்.பி. கடந்த மே மாதம் 20-ந்தேதி கைது செய்யப்பட்டு டெல்லி திகார் ஜெயிலில் அடைக்கப்பட்டுள்ளார். அவரது ஜாமீன் மனுக்கள் சி.பி.ஐ. கோர்ட்டிலும் தொடர்ந்து டெல்லி ஐகோர்ட்டு, சுப்ரீம் கோர்ட்டிலும் நிராகரிக்கப்பட்டு விட்டன. இதனால் கனிமொழி கடந்த 2 மாதமாக ஜெயிலில் இருக்கிறார்.

இந்த வழக்கில் குற்றச்சாட்டு பதிவு செய்யப்பட்ட பின் சி.பி.ஐ. கோர்ட்டில் மீண்டும் ஜாமீன் மனு தாக்கல் செய்யலாம் என்று சுப்ரீம் கோர்ட்டு கூறியுள்ளது.

சி.பி.ஐ. இன்னும் 3-வது குற்றப்பத்திரிகை தாக்கல் செய்யப்படவில்லை. 3-வது குற்றப்பத்திரிகை தாக்கல் செய்யப்பட்ட பின்புதான் குற்றச்சாட்டு பதிவாகும். இதனால் காலதாமதம் ஏற்பட்டுள்ளது. இதற்கிடையே சி.பி.ஐ. வேண்டுமென்றே தேவையில்லாமல் வழக்கை இழுத்தடிப்பதாக கனிமொழி புகார் தெரிவித்துள்ளார். நேற்று சி.பி.ஐ. கோர்ட்டில் ஸ்பெக்ட்ரம் வழக்கு விசாரணையின்போது கனிமொழி, ஆ.ராசா உள்பட குற்றம் சாட்டப்பட்டவர்கள் சார்பில் ஆஜரான வக்கீல்கள் நீதிபதி சைனியிடம் இந்த புகாரை தெரிவித்தனர்.

குற்றம் சாட்டப்பட்டவர்களுக்கு தேவையான ஆவணங்களை சி.பி.ஐ. தராமல் மறைப்பதாகவும், வேண்டுமென்றே வழக்கு விசாரணையை இழுத்தடிப்பதாகவும் வக்கீல்கள் குற்றம் சாட்டினர். வக்கீல்கள் வாதங்களை கேட்ட நீதிபதி சைனி இதுகுறித்து விளக்கம் அளிக்குமாறு சி.பி.ஐ.க்கு உத்தரவிட்டார்.

முதல்வரின் சூளுரை என்னவாயிற்று?: ஸ்டாலின் கேள்வி

2011-07-17T15:23:00.000+05:30

திருவொற்றியூர், ஜூலை 16: முதல்வர் ஜெயலலிதாவின் ஆட்சியில் 60 நாள்களில் 60 கொலை, 120 வழிப்பறி சம்பவங்கள் நடைபெற்றுள்ளன. சட்டம் ஒழுங்கைப் பராமரிப்பேன் என்று சூளுரைத்த முதல்வர், இதற்கு என்ன பதில் சொல்கிறார் என தி.மு.க பொருளாளர் மு.க.ஸ்டாலின் கேள்வி எழுப்பினார்.

ராயபுரத்தில் சனிக்கிழமை நடைபெற்ற தி.மு.க உயர்நிலை செயல்திட்டக்குழு தீர்மான விளக்கப் பொதுக்கூட்டத்தில் ஸ்டாலின் பேசியது:

சமச்சீர் கல்வித் திட்டம் என்பது ஏழை, பணக்காரர்கள் அனைவருக்கும் பொதுவானது. கருணாநிதி கொண்டு வந்தார் என்பதற்காகவே ஜெயலலிதா அதை ரத்து செய்தார். அவரது முயற்சி வெற்றி பெறாது. சரியான தீர்ப்பினை நீதிமன்றம் விரைவில் வழங்கும்.

அரசுத் துறையின் அனைத்து அலுவலகங்கள், சட்டமன்ற விடுதி உள்ளிட்டவைகள் அருகாமையில் அமைந்திருக்க வேண்டும் என்ற நோக்கத்தில்தான் ஓமாந்தூரார் அரசினர் தோட்டத்தில் புதிய தலைமைச் செயலகத்தை தி.மு.க அரசு கட்டியது. மக்கள் வரிப்பணத்தில் கட்டப்பட்ட அந்தக் கட்டடத்தை ஜெயலலிதா புறக்கணிப்பது சரியா?

60 நாளில் 60 கொலைகள்: முதல்வர் பதவியேற்றவுடன் சட்டம், ஒழுங்கை நிலைநாட்டுவதுதான் தனது முதல் வேலை என ஜெயலலிதா சூளுரைத்தார். கடந்த 60 நாள்களில் மட்டும் தமிழகம் முழுவதும் 60 கொலைகள், 120 வழிப்பறி கொள்ளைகள் மற்றும் 8 பாலியல் வன்முறை சம்பவங்கள் நடைபெற்றுள்ளதாகத் தெரிகிறது.

கொள்ளையர்கள், ரவுடிகள் எல்லாம் அண்டை மாநிலங்களுக்கு இடம் பெயர்ந்து விட்டதாக ஜெயலலிதா கூறினார். அப்படியெனில் தற்போதைய சம்பவங்களில் தொடர்புடையவர்கள் யார்?

நீதிமன்றத்தில் சந்திப்போம்: நில மோசடிகளில் உண்மையிலேயே தி.மு.க-வைச் சேர்ந்தவர்கள் ஈடுபட்டிருந்தால் அவர்கள் மீது நடவடிக்கை எடுப்பதில் ஆட்சேபணை இல்லை. பொய்யான புகார்களைப் பெற்றுப் பழிவாங்க யாராவது முயற்சித்தால் அதை நீதிமன்றத்தில் தி.மு.க. சந்திக்கும். பொய் வழக்குப் பதிவு செய்யும் அதிகாரிகள் நீதிமன்றத்தில் பதில் சொல்ல வேண்டிய கட்டாயம் ஏற்படும் என்றார் ஸ்டாலின்.

நில அபகரிப்பு வழக்குகளை விசாரிக்க வருகிறது தனி கோர்ட்? விரைவாக நீதி வழங்க தமிழக அரசு திட்டம்

2011-07-17T11:02:00.000+05:30

நில அபகரிப்பு புகார்களை விசாரிக்க தனி போலீஸ் பிரிவு ஏற்படுத்தப்பட்டது போல், தனி கோர்ட்டுகளும் அமைக்க வேண்டும் என, பாதிக்கப்பட்டவர்கள் தரப்பில் எதிர்பார்ப்பு எழுந்துள்ளது. இதனால், தங்களுக்கு விரைவில் தீர்வு கிடைக்கும் என அவர்கள் நம்புகின்றனர்.கடந்த ஆட்சியில், அரசியல் கட்சி பிரமுகர்கள் மற்றும் அவர்களின் கூட்டாளிகள், பொதுமக்களை மிரட்டி அடிமாட்டு விலைக்கு நிலங்களை வாங்கவோ, அபகரிக்கவோ செய்தனர். இவ்வாறு தமிழகம் முழுவதும் நடந்த ஆக்கிரமிப்புகள், அபகரிப்புகளில் இருந்து நிலங்களை மீட்கவும், அவர்கள் மீது நடவடிக்கை எடுக்கவும் தனி போலீஸ் பிரிவை ஏற்படுத்தி, முதல்வர் ஜெயலலிதா சமீபத்தில் உத்தரவிட்டார்.

நில அபகரிப்பு குறித்து, தமிழகம் முழுவதிலும் இருந்து 1,449 புகார்கள் போலீசுக்கு வந்துள்ளன. இந்தப் புகார்களின் எண்ணிக்கை அதிகரித்துக் கொண்டு வருகின்றன. அனைத்து புகார்களையும் தற்போதுள்ள போலீஸ் நிலையங்களில் விசாரிப்பது கடினம் என்பதால், தனியாக சிறப்புப் பிரிவை ஒவ்வொரு மாவட்டத்திலும் ஏற்படுத்த முதல்வர் உத்தரவிட்டுள்ளார்.முதல்வரின் இந்த அறிவிப்புக்கு, பொதுமக்கள் மத்தியில் மிகுந்த வரவேற்பு உள்ளது. தனி போலீஸ் பிரிவு ஏற்படுத்தப்பட்டிருப்பது போல், இந்த வழக்குகளை விசாரிக்க தனி கோர்ட்டுகளும் அமைக்க வேண்டும் என, பொதுமக்கள் எதிர்பார்க்கின்றனர். அபக ரிக்கப்பட்ட நிலங்களை மீட்க வேண்டும் என்பது தான் அரசின் நோக்கம்.ஏற்கனவே உள்ள கோர்ட்டுகளில் வழக்குகளின் எண்ணிக்கை அதிகமாகி வருகின்றன. இந்த நில அபகரிப்பு வழக்குகளும் அதில் சேரும் பட்சத்தில், வழக்குகளின் எண்ணிக்கை மேலும் உயரும். விசாரணை மேலும் தாமதமாகும். இதனால், தீர்ப்பு வருவதும் தாமதமாகும்.நிதி நிறுவன மோசடி வழக்குகளை விசாரிக்க, சிறப்பு கோர்ட் அமைக்கப்பட்டுள்ளது. பெண்களுக்கு எதிரான குற்றங்களை விசாரிக்க, தனியாக மகளிர் கோர்ட் செயல்படுகிறது. மாவட்டந்தோறும் விரைவு விசாரணை கோர்ட்டுகள் செயல்பட்டு வருகின்றன. அதேபோல், நில மோசடி வழக்குகளை விசாரிக்கவும் தனி கோர்ட்டுகள் அமைக்கப்பட்டால், விரைவில் தீர்ப்பு கிடைக்க ஏதுவாகும்.

இதுகுறித்து, சென்னை ஐகோர்ட் வழக்கறிஞர் என்.ராஜா செந்தூர்பாண்டியன் கூறியதாவது:தனி கோர்ட் அமைப்பது என அரசு கொள்கை முடிவெடுத்தால், அதற்கான மசோதாவை சட்டசபையில் கொண்டு வந்து நிறைவேற்ற முடியும். தனி கோர்ட்டுகள் அமைக்கப்படும் போது, நில அபகரிப்பு வழக்குகள் மட்டுமே விசாரணைக்கு எடுத்துக் கொள்ளப்படும்.வழக்குகளை விரைந்து விசாரித்து முடிக்க, விரைவு கோர்ட்டுகள் ஏற்படுத்தப்பட்டன. அதுபோல், இந்த தனி கோர்ட்டுகளும், நில அபகரிப்பு வழக்குகளை விரைந்து விசாரித்து முடிக்கும். இதனால், பாதிக்கப்பட் டவர்களுக்கு விரைவில் நீதி கிடைக்க வழி ஏற்படும். வழக்குகளின் எண்ணிக்கைக்கு ஏற்ப, சென்னை, திருச்சி, மதுரை, கோவை, திருநெல்வேலி என, முக்கிய நகரங்களில் தனி கோர்ட்டுகளை ஏற்படுத்தலாம்.

தனி கோர்ட்டுகள் அமையும்போது, நீண்ட காலத்துக்கு "வாய்தா' வாங்க முடியாது. மற்ற கோர்ட்டுகள் என்றால், விசாரணை ஒரு மாதம் வரை தள்ளிப் போகும். ஆனால், தனி கோர்ட் என்றால், நீண்ட கால தள்ளிவைப்பு இருக்காது. இவ்வாறு செந்தூர்பாண்டியன் கூறினார்.சட்ட நிபுணர்களுடன் கலந்தாலோசித்து, தனி கோர்ட்டுகளை அரசு அமைக்கும் பட்சத்தில், இழந்த சொத்துகளை பாதிக்கப்பட்டவர்கள் விரைவில் பெற முடியும்; ஆக்கிரமிப்பாளர்கள், அபகரிப்பாளர்களுக்கு உரிய தண்டனையும் கிடைக்கும்.

நீலகிரியில் தே.மு.தி.க., தேய்கிறதா ?

2011-07-17T10:55:00.000+05:30

நீலகிரி மாவட்டத்தில் தே.மு.தி.க., வில் நடக்கும் பனிப்போரால் அக்கட்சி தேய்பிறையாக மாறிவருவதால் தொண்டர்கள் உற்சாகம் இழந்துள்ளனர். கடந்த 2006 சட்டசபை தேர்தலில் முதன் முறையாக களம் இறங்கிய தே.மு.தி.க., நீலகிரி மாவட்டத்திலும் வேகமாக வளர்ந்து வந்தது. ஊட்டி, குன்னூர், கூடலூர் என மூன்று தொகுதிகளிலும் தே.மு.தி.க., வேட்பாளர்கள் களமிறங்கி, கணிசமான ஓட்டுகளை பெற்றனர். கட்சியில், இளைஞர்கள், பெண்கள் பெருமளவில் இணைந்தனர். லோக்சபா தேர்தலுக்கு பின், தே.மு.தி.க.,வின் வளர்ச்சி மெல்ல.. மெல்ல.. வீழ்ச்சியை நோக்கி சென்றன. கட்சி நிர்வாகிகள் மத்தியில் ஏற்பட்ட கோஷ்டி பூசலால், நிர்வாகிகள், தொண்டர்கள் கொத்து, கொத்தாக கட்சியில் இருந்து விலகி பிற கட்சிகளில் இணைந்தனர். சட்டசபை தேர்தலுக்கு பின், கோஷ்டி பூசல் உச்சத்தை தொட்டுள்ளது.

கூடலூர் சட்டசபை தொகுதியில் களம் இறங்கிய கட்சியின் மாவட்ட செயலர் செல்வராஜ், தோல்வியை தழுவினார்; இந்த அதிருப்தி அலை ஒருமிருக்க, நீலகிரி மாவட்ட தே.மு.தி.க., துணை செயலராக இருந்த தம்பி இஸ்மாயில், பந்தலூர் ஒன்றிய செயலர் கபிரியேல், குன்னூர் அருகேயுள்ள உபதலை ஊராட்சி மன்ற தலைவர் சிதம்பரம் மீது கட்சி மேலிடம் திடீரென நடவடிக்கை எடுத்தது.இதற்கு கட்சி நிர்வாகிகள், தொண்டர்களை மாவட்ட செயலர் அரவணைத்து செல்லாதததும், மாநில தோட்ட தொழிற்சங்க நிர்வாகி ஒருவரின் ஆலோசனைப்படி நடப்பதும் தான் காரணம் என குற்றம் சுமத்தினர். உள்ளாட்சி தேர்தலுக்குள் தே.மு.தி.க.,வின் உச்சகட்ட கோஷ்டி பூசலை கட்சி மேலிடம் சரிசெய்தால் மட்டுமே நீலகிரியில் "முரசு சப்தம்' ஒலிக்கும் என்கின்றனர் கட்சி தொண்டர்கள்.

தி.மு.க.,வில் கிளம்புகிறது புதிய பூகம்பம்; பொதுக்குழுவில் முடிவு தெரியும்

2011-07-17T10:36:00.000+05:30

தி.மு.க., தலைவர் பதவியிலிருந்து கருணாநிதி விலகிக் கொண்டு, காமராஜரை போல, "வழிகாட்டுதல் தலைவராக' பொறுப்பேற்க வேண்டும். தலைவர் பதவியை ஸ்டாலினிடம் ஒப்படைக்க வேண்டும் என்ற கோரிக்கையை அவரது ஆதரவாளர்கள், கோவையில் நடக்கவுள்ள பொதுக்குழுவில் தெரிவிக்க முடிவு செய்துள்ளனர். மாவட்டச் செயலர் பதவியை மாற்றக் கூடாது என முன்னாள் அமைச்சர் வீரபாண்டி ஆறுமுகம் தலைமையில் மாவட்டச்செயலர்கள் போர்க்கொடி தூக்கவும் ரகசியமாக திட்டமிட்டுள்ளனர் என, அக்கட்சி வட்டாரங்கள் தெரிவிக்கின்றன.

சட்டசபை தேர்தல் படுதோல்விக்கு பின் தி.மு.க.,வுக்கு அடி மேல் அடி விழுந்து வருகிறது. ஸ்பெக்ட்ரம் ஊழல் வழக்கில் கனிமொழி கைது மற்றும் ஜாமின் மறுப்பு, மத்திய அமைச்சரவையில் தி.மு.க., வுக்கு கைவிரிப்பு என அடுக்கடுக்கான பிரச்னைகளை தி.மு.க., தலைவர் கருணாநிதி சந்தித்து வருகிறார். தற்போது கட்சி ரீதியான பிரச்னையும் அவருக்கு திருகுவலியை ஏற்படுத்தி வருகிறது.

வடசென்னை மாவட்டச் செயலராக பணியாற்றிய வி.எஸ்.பாபு, தனது பதவியை ராஜினாமா செய்து விட்டதால், அவருக்கு பதிலாக மாவட்ட பொறுப்பாளராக ஆர்.டி.சேகர் பணியாற்றுவார் என தலைமை அறிவித்துள்ளது. திருவள்ளூர் மாவட்டச் செயலர் சிவாஜியும் தனது மாவட்டச்செயலர் பதவியை மேலிட நிர்பந்தத்தின் அடிப்படையில் ராஜினாமா செய்துள்ளார். அவருக்கு பதிலாக மாதவரம் சுதர்சனம் பொறுப்பாளராக நியமிக்கப்பட்டுள்ளார்.வட சென்னை, திருவள்ளூரை தொடர்ந்து சில மாவட்டங்களில் மாவட்டச்செயலர்கள் பதவி பறிக்கப்படுவதற்கான சூழ்நிலையும் நிலவி வருகிறது. அதற்கு காரணம் பார்லிமென்ட், சட்டசபை பொறுப்பாளர்கள் என்ற புது அமைப்பு தி.மு.க., வில் உதயமாக இருப்பதால் தற்போதைய மாவட்டச்செயலர்களிடம் கடும் அதிருப்தியை கிளப்பியுள்ளது."வீரபாண்டி ஆறுமுகம் பொதுக்குழுவில் தனது கருத்துக்களை யாருக்கும் அஞ்சாமல் எடுத்துச் சொல்லக்கூடியவர். அவர் சொல்லும் கருத்துக்கள் கட்சியின் நலன் கருதியே இருக்கும். அதை உதாசீனப்படுத்தக் கூடாது' என கருணாநிதி அடிக்கடி சொல்வதுண்டு. எனவே பொதுக்குழுவில் மாவட்டச்செயலர்களை மாற்றக் கூடாது என தனது எதிர்ப்பை வீரபாண்டி ஆறுமுகம் பகிரங்கமாக அறிவிக்க வேண்டும் என அவரிடம் ரகசியமாக சில மாவட்டச்செயலர்கள் வலியுறுத்தியுள்ளனர்.தேர்தல் தோல்வியை கருத்தில் கொண்டு, தலைவர் பதவியிலிருந்து கருணாநிதி விலகிக் கொள்ள வேண்டும்.

காங்கிரஸ் தோல்வி அடைந்ததும் தலைவர் பதவியிலிருந்து காமராஜர் விலகிக் கொண்டு வழிகாட்டுதல் தலைவராக விளங்கியது போல கருணாநிதியும் அதேபோல முடிவு எடுக்க வேண்டும் என ஸ்டாலின் ஆதரவாளர்கள் விரும்புகின்றனர். தங்களது விருப்பத்தை ஸ்டாலின் ஆதரவு மாவட்டச் செயலர்கள் பொதுக்குழுவில் பேசவும் திட்டமிட்டுள்ளனர்.இதற்கிடையில் கட்சிக்கு புதுரத்தம் பாய்ச்சுவதற்காக கொண்டு வரப்படும் பொறுப்பாளர்கள் நிர்வாகத்தை ஸ்டாலின் ஆதரவு மாவட்டச் செயலர்கள் விரும்பவில்லை. காரணம், தற்போது உள்ள மாவட்டச் செயலர்களின் எண்ணிக்கையில் ஸ்டாலினுக்கு தான் பெரும்பான்மை இருக்கிறது. அவருக்கு அடுத்ததாக அழகிரி ஆதரவாளர்கள் உள்ளனர்.

தற்போது புதிய பொறுப்பாளர்கள் நியமனத்தில் கனிமொழி ஆதரவாளர்களையும் கருணாநிதி இடம் பெற வைத்து விடுவார் என்ற சந்தேகம் ஸ்டாலின் ஆதரவாளர்களுக்கு எழுந்துள்ளது. எந்தப்புற்றில் எந்த பாம்பு இருக்கும் என்பது தெரியாது என்பதால் எதிர்காலத்தில் அழகிரி ஆதரவாளர்களும், கனிமொழி ஆதரவாளர்களும் கைகேர்த்துக் கொண்டு ஸ்டாலினை எதிர்க்க மாட்டார்கள் என்பது என்ன நிச்சயம் என்ற கேள்வியையும் ஸ்டாலின் ஆதரவாளர்கள் எழுப்புகின்றனர்.

இது குறித்து பெயர் சொல்ல விரும்பாத தி.மு.க., பிரமுகர் கூறும் போது, ""தோல்விக்கு பொறுப்பேற்று தலைவர் பதவியிலிருந்து கருணாநிதி விடை பெற வேண்டும். பா.ம.க., நிறுவனராக ராமதாசும், தலைவராக ஜி.கே.மணியும் பணியாற்றுவது போல தி.மு.க., வழிகாட்டுதல் தலைவராக கருணாநிதியும், தலைவராக ஸ்டாலினும் பணியாற்ற வேண்டும். மாவட்டச் செயலர்கள் பதவி மாற்றம் விவகாரத்தில் வீரபாண்டி ஆறுமுகம் தலைமையில் பெரும்பான்மையான மாவட்டச்செயலர்கள் எதிர்க்கவும் திட்டமிட்டுள்ளனர்,'' என்றார்.

குடும்ப ஆட்சியே தோல்விக்கு காரணம் மலைபோல் குவியும் கடிதங்கள்:தேர்தல் தோல்விக்கான காரணங்களை, கோவையில்ஷ வரும் 23, 24 ம் தேதிகளில் நடக்கும் பொதுக்குழுவில் விவாதிக்க, கடிதம் மூலம் அனுப்ப வேண்டும் என தி.மு.க., தலைமை தொண்டர்களை கேட்டுக் கொண்டது.

கட்சியின் இந்த வேண்டுகோளுக்காக காத்திருந்த தொண்டர்களும், நிர்வாகிகளும், கடிதங்களை மலைபோல் குவித்து வருகின்றனர்.ஆட்சியிலும், கட்சியிலும் குடும்பத் தலையீடு, 2ஜி வழக்கு ஆகியனவே தேர்தல் தோல்விக்கான முக்கியக் காரணங்கள் என பலர் கடிதங்களை அனுப்பி வருவதாகக் கூறப்படுகிறது.

கடந்த சில நாட்களுக்கு முன் கட்சியினருக்கு விடுத்த கோரிக்கையில், "எனது குடும்பத்தினரின் படங்களை விழா அழைப்பிதழ்களில் போட வேண்டாம். அப்படி போட்டால், அந்த நிகழ்ச்சிக்கு நான் வர மாட்டேன் என' அழகிரி கூறியிருந்தார். குடும்ப ஆட்சி என்ற குற்றச்சாட்டின் பின்னணியில், இந்த வேண்டுகோளும் அடங்கியிருப்பதாகக் கூறுகின்றனர்.ஸ்டாலின் மற்றும் அழகிரியின் ஆதரவாளர்கள், தங்கள் தலைவரின் கை ஓங்கியிருக்கும் வகையில் கடிதங்களை அனுப்புவதாகவும் தெரிகிறது. நெருக்கடியான கட்டத்தில் கூடும் பொதுக்குழுவில், "யார் அடுத்தது' என்பதை உறுதி செய்துவிட வேண்டும் என ஸ்டாலின், அழகிரி ஆதரவாளர்கள் கச்சை கட்டிக் கொண்டு நிற்பதாகவும் கூறப்படுகிறது. இதற்கு ஏற்றாற்போல், ஆதாரங்களை வலுசேர்க்க கட்சித் தலைமைக்கு அனுப்பும் கடிதங்களை வலுவானதாக அனுப்பி வருவதாக தென் மாவட்டத்தைச் சேர்ந்த பொறுப்பாளர் ஒருவர் கூறுகிறார்.கட்சியை வலுப்படுத்தவும், ஆட்சி அதிகாரத்தில் இருக்கும்போது கெட்ட பெயர் ஏற்படுவதைத் தவிர்க்கவும், குடும்ப உறுப்பினர்கள் ஒதுங்கியே நிற்க வேண்டும் என பலர் கருத்துக்களை கூறிவருகின்றனர்.

தலைமையின் குடும்பம் தவிர, அமைச்சர், மாவட்ட செயலர் மற்றும் கட்சியின் பிற பொறுப்பாளர்களின் வாரிசுகளும் தேர்தல் தோல்விக்குக் காரணம் என சொல்லுகின்றனர்.வாரிசுகள் வருவதைத் தடை செய்ய கட்சி விதியைத் திருத்த வேண்டும். அமைச்சராக இருந்தவர், மாவட்டம், நகரம், ஒன்றிய செயலர்களின் சொத்து விவரங்களை வெளியிட வேண்டும். கொலை, நில அபகரிப்பு உள்ளிட்ட பிற குற்றச் செயல்களில் ஈடுபட்டுள்ள கட்சி நிர்வாகிகள் மீது கட்சி நடவடிக்கை வேண்டும் போன்ற கருத்துக்களை தாங்கிய கடிதங்கள் அதிக அளவில் சென்றுள்ளதாகத் தெரிகிறது.

கடிதம் மூலம் தெரிவிக்கும் கருத்துக்களை மூடி மறைக்காமல், வெளிப்படையாக விவாதிக்க வேண்டும். தவறு செய்த நிர்வாகிகள் பற்றி கருத்துக்கள் கூறியவர்களுக்கு கட்சி பாதுகாப்பு அளிக்க வேண்டும். தகவல் கூறுபவர் மீது பழிவாங்கும் நோக்கில் செயல்படும் நிர்வாகிகளை கண்காணித்து நடவடிக்கை எடுக்க வேண்டும் என, சிலர் கடிதங்களை அனுப்பியுள்ளதாக பொதுக்குழு உறுப்பினர் ஒருவர் கூறினார்.தோல்விக்கான காரணங்கள் குறித்து இதுபோல் வரும் கடிதங்களை தரம் பிரித்து, விவாதத்துக்கு எடுத்துக் கொள்ளும் கடிதங்களை தேர்வு செய்யும் வேலை தி.மு.க., தலைமயகத்தில் நடந்து வருகிறது.

கட்சி நிர்வாகிகள் மீது வரும் கடிதங்கள் தனியாகப் பிரிக்கப்பட்டு, அதன் மீது தனி விவாதம் நடக்கும் என கட்சி நிர்வாகி ஒருவர் கூறுகிறார். தோல்விக்கு கட்சித் தலைமையின் குடும்பத் தலையீடே காரணம் என்பது கட்சித் தலைமைக்கு நெருக்கடியை ஏற்படுத்தும் எனத் தெரிகிறது.இதற்கான தீர்வுகள் பொதுக்குழுவில் கிடைக்கும் என தி.மு.க., தொண்டர்கள் எதிர்பார்க்கின்றனர். பொதுக்குழுவுக்குப் பின் அதிரடி மாற்றங்கள், புதிய நடைமுறைகள் உருவாகும் என்றும் தொண்டர்கள் நம்புகின்றனர்.-நமது சிறப்பு நிருபர்-

3வது குற்றப்பத்திரிகை தாக்கல் செய்வதில் சி.பி.ஐ., தீவிரம்: ராஜா மற்றும் அதிகாரிகளிடம் நாளை விசாரணை

2011-07-17T10:30:00.000+05:30

புதுடில்லி:ஸ்பெக்ட்ரம் ஒதுக்கீட்டில் நடந்த முறைகேடு தொடர்பாக கைது செய்யப்பட்டுள்ள முன்னாள் மத்திய அமைச்சர் ராஜா, தொலைத் தொடர்புத் துறை முன்னாள் செயலர் பெகுரா, ரிலையன்ஸ் (ஏ.டி.ஏ.ஜி.,) நிறுவனத்தின் மேலாண்மை இயக்குனர் கவுதம் தோஷி ஆகியோரை, மீண்டும் விசாரிக்க, சி.பி.ஐ.,க்கு, டில்லி கோர்ட் அனுமதி அளித்துள்ளது.

இதைத் தொடர்ந்து, மூன்றாவது குற்றப்பத்திரிகை தாக்கல் செய்வதிலும், சி.பி.ஐ., தீவிரம் காட்டி வருகிறது.ஸ்பெக்ட்ரம் "2ஜி' ஒதுக்கீட்டில் நடந்த முறைகேடு தொடர்பான வழக்கில், மத்திய தொலைத் தொடர்புத் துறை முன்னாள் அமைச்சர் ராஜா உள்ளிட்ட பலர் கைது செய்யப்பட்டு, டில்லி திகார் சிறையில் அடைக்கப்பட்டனர்.இந்த வழக்கு தொடர்பாக, ஏற்கனவே இரண்டு குற்றப்பத்திரிகைகள், சி.பி.ஐ., சார்பில், டில்லி சிறப்பு கோர்ட்டில் தாக்கல் செய்யப்பட்டுள்ளன. மூன்றாவது குற்றப்பத்திரிகையை தாக்கல் செய்யும் வேலைகளில், சி.பி.ஐ., தீவிரமாக ஈடுபட்டுள்ளது.

இதற்காக, திகார் சிறையில் அடைக்கப்பட்டுள்ள முன்னாள் அமைச்சர் ராஜா, தொலைத்தொடர்புத் துறை முன்னாள் செயலர் சித்தார்த் பெகுரா, ரிலையன்ஸ் நிறுவனத்தின் (ஏ.டி.ஏ.ஜி.,) மேலாண்மை இயக்குனர் கவுதம் தோஷி ஆகியோரிடம், மீண்டும் விசாரணை நடத்த அனுமதி கோரி, சி.பி.ஐ., சார்பில், டில்லி சிறப்பு கோர்ட்டில் மனு தாக்கல் செய்யப்பட்டது.இந்த மனு, நீதிபதி ஓ.பி.சைனி முன் நேற்று விசாரணைக்கு வந்தது. குற்றம்சாட்டப்பட்டவர்கள் சார்பில் ஆஜரான வக்கீல்,"எங்கள் கட்சிக்காரர்கள், ஏற்கனவே இருளில் இருக்கின்றனர். இந்த சூழ்நிலையில், அவர்களிடம் மீண்டும் விசாரணை நடத்த வேண்டிய அவசியம் என்ன? இதை சி.பி.ஐ., விளக்க வேண்டும்' என்றார்.

இதையடுத்து, நீதிபதி ஓ.பி.சைனி பிறப்பித்த உத்தரவில்,"இந்த விவகாரம், வழக்கு தொடர்ந்த சி.பி.ஐ., தரப்புக்கும், கோர்ட்டுக்கும் இடையேயானது. தற்போதைய சூழ்நிலையில், இதுபற்றி கேள்வி எழுப்புவதற்கு, குற்றம் சாட்டப்பட்டவர்களுக்கு, எந்த உரிமையும் கிடையாது. எனவே, குற்றம் சாட்டப்பட்டவர்களை விசாரிக்க, சி.பி.ஐ.,க்கு அனுமதி அளிக்கப்படுகிறது' என்றார்.இதைத் தொடர்ந்து, ராஜா, பெகுரா, கவுதம் ஆகியோரிடம், நாளை (18ம் தேதி) விசாரணை நடத்தப்பட வாய்ப்புள்ளதாக தகவல் வெளியாகியுள்ளது.

ஸ்பெக்ட்ரம் முறைகேடு குறித்த வழக்கில், மேலும் சில சாட்சிகளை சேர்ப்பதற்கும், ஆவணங்களை தாக்கல் செய்வதற்கும், சி.பி.ஐ.,க்கு, டில்லி கோர்ட் அனுமதி அளித்துள்ளது. சி.பி.ஐ., தாக்கல் செய்யவுள்ள ஆவணங்களில், பிரபல நிறுவனங்களின் மக்கள் தொடர்பாளராக செயல்பட்ட நிரா ராடியா, பிரபலங்களுடன் டெலிபோனில் பேசிய உரையாடல் பதிவுகளும் இடம் பெறவுள்ளது.

பிரபலங்கள் பீதி:ஸ்பெக்ட்ரம் "2ஜி' ஒதுக்கீட்டில் நடந்த முறைகேடு தொடர்பான வழக்கில், மூன்றாவது குற்றப்பத்திரிகையை விரைவில் தாக்கல் செய்வதில், சி.பி.ஐ., தீவிரம் காட்டி வருகிறது. ஸ்பெக்ட்ரம் ஒதுக்கீடு முறைகேட்டில் ஈடுபட்ட முன்னாள் மத்திய அமைச்சர் தயாநிதி உட்பட மேலும் சில பிரபலங்களின் பெயர், மூன்றாவது குற்றப்பத்திரிகையில் இடம் பெறும் என, தகவல் வெளியாகியுள்ளது. எனவே, குற்றப்பத்திரிகை தாக்கல் செய்வதற்கு முன், அது தெடார்பான விவரங்களை சேகரிப்பதற்காகவே, முன்னாள் அமைச்சர் ராஜா மற்றும் பெகுரா, கவுதம் ஆகியோரிடம் விசாரணை நடத்த, சி.பி.ஐ., திட்டமிட்டுள்ளது. இதனால், முறைகேட்டில் ஈடுபட்ட பிரபலங்கள் கடும் பீதிஅடைந்துள்ளனர்.

செங்கல், ஜல்லி விலை குறையும்: தமிழக அரசு

2011-07-15T11:02:00.000+05:30

சென்னை, ஜூலை 14: செங்கல், ஜல்லி ஆகியவற்றின் விலைகளைக் குறைப்பதாக அவற்றின் உற்பத்தியாளர்கள் முதல்வர் ஜெயலலிதாவிடம் வியாழக்கிழமை உறுதி அளித்தனர். இதனால் தமிழகத்தில் புதிய கட்டடங்கள் கட்டுவதற்கான செலவு இனி குறையும் என்று எதிர்பார்க்கப்படுகிறது.

தலைமைச் செயலகத்தில் ஜல்லி தயாரிப்பு உரிமையாளர்களும், செங்கல் தயாரிப்பு உரிமையாளர்களும் முதல்வரைத் தனித்தனியே சந்தித்து விலை குறைப்பு செய்வதாக உறுதி அளித்தனர்.

இதைத் தொடர்ந்து, செங்கல் விலை ஒரு லோடுக்கு ரூ. 3 ஆயிரமும், ஜல்லி விலை ஒரு லோடுக்கு ரூ. 700 வரையிலும் குறையும் என எதிர்பார்க்கப்படுகிறது.

இதுகுறித்து, தமிழக அரசு வியாழக்கிழமை வெளியிட்ட அறிவிப்பு:

செங்கல் உற்பத்தியாளர்கள் சங்க கூட்டமைப்பைச் சேர்ந்த நிர்வாகிகள், முதல்வர் ஜெயலலிதாவை தலைமைச் செயலகத்தில் சந்தித்துப் பேசினர். அப்போது, அவர்களின் கோரிக்கைகளை முதல்வர் கேட்டறிந்தார்.

கட்டுமானப் பொருள்களின் விலை அதிகமாக உள்ள நிலையில் செங்கல் விலை உயர்வு ஏழை, எளிய, நடுத்தர மக்களைப் பெரிதும் பாதித்துள்ளது என்றும், அதனால் மக்களின் நலன் கருதி செங்கல் விலையைக் குறைக்க வேண்டும் என்றும் முதல்வர் அறிவுறுத்தினார்.

முதல்வரின் அறிவுரையை ஏற்று செங்கல் விலையை இப்போதைய விலையில் இருந்து உடனடியாக லோடுக்கு ரூ. 3 ஆயிரம் குறைப்பதாக உற்பத்தியாளர்கள் உறுதி அளித்தனர்.

ஜல்லி விலை: ஜல்லிகளை உற்பத்தி செய்யும், கல் குவாரி கிரஷர் மற்றும் லாரி உரிமையாளர்கள் சங்கத்தைச் சேர்ந்தவர்களிடம் ஜல்லியின் விலையைக் குறைத்திட முதல்வர் ஜெயலலிதா அறிவுறுத்தினார். அதன்படி, கருங்கல் ஜல்லியின் விலையை லோடுக்கு ரூ. 700 வரை குறைக்க உற்பத்தியாளர்கள் ஒப்புதல் தெரிவித்தனர்.

செங்கல் விலை ஒரு லோடு ரூ. 21 ஆயிரத்துக்கு விற்கப்படுகிறது. முதல்வரின் தலையீட்டைத் தொடர்ந்து ஒரு லோடு செங்கல் விலை இனி ரூ. 18 ஆயிரத்துக்குக் கிடைக்கும். ஒரு லோடு ஜல்லி விலை ரூ. 4,400 வரை விற்கப்பட்டு வருகிறது. இதன் விலையும் குறையும் எனத் தெரிகிறது.

இதனால் புதிய கட்டடங்களுக்கான செலவில் சதுர அடிக்கு ரூ.100 வரை குறைய வாய்ப்பு உள்ளதாக கட்டட காண்ட்ராக்டர்கள் சங்கத்தினர் தெரிவிக்கின்றனர்.

இத்துடன் மணல் விற்பனையில், தனி நபர்கள் தலையிட்டு மணலை கிடங்கில் சேமித்து விற்பதால், செயற்கையாக விலை ஏற்றம் இருக்கிறது என மணல் லாரிகள் சங்கத்தினர் கூறி வருகின்றனர்.

இதில் முதல்வர் தலையிட்டு நேரடியாக மணல் குவாரியிலேயே லாரிகளுக்கு மணல் வழங்க நடவடிக்கை எடுக்க வேண்டும் என அவர்கள் வலியுறுத்தி வருகின்றனர்.

ஒரு லாரிக்கு அனுமதிக்கப்பட்ட 3 யூனிட் மணலை ஏற்றுவதில் தடை ஏதும் செய்யக் கூடாது என்றும் கோரி முதல்வருக்கு அவர்கள் மனு அனுப்பியுள்ளனர்.

இதனால் மணல் விலை பெரிதும் குறையும் என அவர்கள் கூறியுள்ளனர்.

மேலும் கம்பி, சிமெண்ட் விலையும் குறைய அரசு நடவடிக்கை எடுத்தால், புதிய கட்டடங்கள் கட்டுவதில் நடுத்தர வர்க்கத்தினர் ஆர்வம் காட்டுவார்கள் என்று எதிர்பார்க்கப்படுகிறது.

இத்தகைய நடவடிக்கைகளால் கட்டுமானத் தொழிலாளர்களுக்கு வேலை வாய்ப்பு அதிகரிக்கும் என தொழிலாளர் சங்கத்தினர் தெரிவிக்கின்றனர்.

போன் வந்தாலே அலறும் தி.மு.க., அமைச்சர்கள்

2011-07-15T10:00:00.000+05:30

டில்லியில், தி.மு.க.,வின் மரியாதையை, ஸ்பெக்ட்ரம் ஊழல் நாறடித்துக் கொண்டிருக்கிறது. தற்போது, தயாநிதி மீதான சி.பி.ஐ., குற்றாச்சாட்டு, பிறகு ராஜினாமா என்று தி.மு.க.,வின் நிலை பரிதாபத்தில் உள்ளது. தி.மு.க., அமைச்சர்கள் டில்லி அலுவலகங்களுக்கு வரும் போது, இறுக்கமான முகத்துடனேயே வருகின்றனர். அதிகமாக யாருடனும் பேசுவதில்லை. பைலில் கையெழுத்து போடும் போது, ஒன்றுக்கு பல முறை அதிகாரிகளிடம் தீர ஆலோசித்த பிறகே கையெழுத்திடுகின்றனர். தற்போது தி.மு.க.,வின் ராஜாவும், கனிமொழியும் டில்லி திகார் சிறையில் உள்ளனர். குறைந்த பட்சம் இன்னும் நான்கு மாதங்களுக்கு, இவர்கள் சிறையில்தான் இருக்க வேண்டும். காரணம் இவர்கள் மீது கோர்ட் குற்றச்சாட்டுகளை பதிவு செய்த பிறகுதான் இவர்கள் ஜாமீன் மனு தாக்கல் செய்யலாம் என்று சுப்ரீம்கோர்ட் கூறிவிட்டது. இதற்கு, நான்கு மாதங்களுக்கு மேல் ஆகும் என்று கூறப்படுகிறது.இந்நிலையில், ஒரு போன் விவகாரம் தி.மு.க., அமைச்சர்களை பாடாய் படுத்திக் கொண்டிருக்கிறது. சிறையில் உள்ளவரின் தாயார், தி.மு.க., அமைச்சர்களுக்கு அடிக்கடி போன் செய்கிறார். "அனைவரும் காலை வாரி விட்டனர். எப்படியாவது சிறையிலிருந்து வெளியே கொண்டு வர ஏற்பாடு செய்யுங்கள். உங்களுக்கு காபினட் பதவி வாங்கித் தர சிபாரிசு செய்கிறேன்' என்று சொல்கிறார் அவர்."சுப்ரீம் கோர்ட் கண்காணிப்பதால் நாங்கள் எதுவும் செய்ய முடியாது' என்று அமைச்சர்கள் சொன்னாலும், அந்த அம்மணி கேட்பதில்லை. ஒரு நாளைக்கு பத்து முறைக்கு மேல் போன் செய்கிறார். அந்த மேலிடத்திலிருந்து போன் வந்தாலே, தி.மு.க., அமைச்சர்கள் அலறுகின்றனர். போன் எண்ணைப் பார்த்ததுமே, போனை எடுக்கவும் மறுக்கின்றனர். பாவம் முற்பகல் செய்யின் பிற்பகல் விளையும் என்பதை மறந்தவர்கள்.

சபாநாயகர் மீது பா.ஜ., அப்செட் : மறைந்த தலைவர்களின் பிறந்த நாள் மற்றும் மறைந்த நாளன்று பார்லிமென்டில் உள்ள அவர்களது சிலைக்கோ, போட்டோவிற்கோ மாலை போட்டு மரியாதை செய்வது வழக்கம். இந்த நிகழ்ச்சியில் அரசியல் தலைவர்கள் மற்றும் சபாநாயகர் கலந்து கொள்வர். பார்லிமென்ட்டில் சமீபத்தில் பா.ஜ.,வின் நிறுவனத் தலைவர் ஷியாமா பிரசாத் முகர்ஜியின் பிறந்த நாள் கொண்டாடப்பட்டது. பா.ஜ.,வின் சீனியர் தலைவர்கள் அனைவரும் முகர்ஜியின் போட்டோவிற்கு மாலை போட்டு மரியாதை செய்தனர். ஆனால், இந்த நிகழ்ச்சிக்கு சபாநாயகர் மீரா குமார் வரவில்லை. "பார்லிமென்ட் வளாகம் சபாநாயகரின் நிர்வாக ஆதிக்கத்தில் உள்ளது. அவருடைய அனுமதியில்லாமல் எதையும் செய்ய முடியாது. ஏன் மீரா குமார் வரவில்லை. பா.ஜ., தலைவர் விழாவை அவர் எப்படி புறக்கணிக்க முடியும்' என்று, பா.ஜ.,வினர் அப்செட் ஆகியுள்ளனர்.

இரண்டாவது விக்கெட் : சென்ற வாரம் டில்லி அரசியலை கலக்கியது தி.மு.க., விவகாரம். சுப்ரீம்கோர்டில் தயாநிதிக்கு எதிராக சி.பி.ஐ., அறிக்கை தாக்கல் செய்த பிறகு, எந்த நேரமும் அவர் பதவி விலகலாம் என்ற பரபரப்பு இருந்தது. ஆனால், பதவி விலகல் வருகிற மாதிரி தெரியவில்லை. ஸ்பெக்ட்ரம் பிரச்னையில் எப்போது இரண்டாவது விக்கெட் விழும் என்று அரசியல் வட்டாரங்களிலும், அதிகாரிகள் மத்தியிலும் கிண்டலடித்துக் கொண்டிருந்தனர். இந்த அறிக்கை தாக்கலன்று இரவு, பிரதமர் உட்பட காங்கிரஸ் தலைவர்கள் ஆலோசனை நடத்தினர். தயாநிதி பதவியிலிருந்து விலக வேண்டும் என்று பிரதமர் முடிவெடுத்தார். சரத் பவாரிடம், "நீங்கள் அந்த ஆளிடம் சொல்லிவிடுங்கள். அவர் பதவியில் நீடிக்கக் கூடாது. நீடிக்க முடியாது' என்று. பிறகு பவார் இதை தயாநிதியிடம் தெரிவித்தார். "பதவி விலக மாட்டேன். சி.பி.ஐ., குற்றச்சாட்டு நிரூபிக்கப்படவில்லை' என்று, வீம்பாக பேசிக் கொண்டிருந்த அமைச்சர், கடைசியில் ராஜினாமா கொடுத்துவிட்டு, டில்லி மீடியாவிடமிருந்து ஒளிந்துக் கொண்டார். "இதற்கு ராஜா எவ்வளவோ மேல். பதவி விலகியதுமே மீடியா முன் வந்து தன் கருத்தை பகிரங்கமாக சொன்னார். இவரும் அப்படி சொல்வதை விட்டு, மீடியாவை திட்டுகிறாரே' என்கின்றனர் தி.மு.க.,வினர்.இன்னொரு பக்கம் அழகிரியின் துறை மாறுமா என்றும், டில்லியில் பேச்சு அடிபடுகிறது. மரபு சாரா எரிசக்தி துறையின் அமைச்சராக இருப்பவர் பரூக் அப்துல்லா. இந்த துறையில் அதிக வேலை இல்லை. நல்ல துறையாக மாற்றிக் கொடுங்கள் என்று பிரதமரை நச்சரித்துக் கொண்டிருக்கிறார் இவர். அழகிரி வசம் உள்ள, உரம் மற்றும் ரசாயனத்துறை, அப்துல்லாவிற்கு கொடுக்கப்படலாம் என்கின்றனர். காரணம் அழகிரி அமைச்சரவை கூட்டங்களுக்கு வருவதில்லை. அவருடைய துறையை நன்றாக கவனிப்பதும் இல்லை என்று அதிகாரிகள் வட்டாரங்களில் கூறப்படுகிறது.

தெலுங்கு தேசம் குடைச்சல் : அரசியல் கட்சிகள், பார்லிமென்டில் இருந்து செயல்பட, அவர்களுக்கு அலுவலகம் ஒதுக்கப்படுகிறது. ஒன்பது எம்.பி.,க்களை கொண்ட கட்சிக்கு, ஒரு அறை என்ற கணக்கில், கட்சிக்கு அலுவலகம் ஒதுக்குவார் சபாநாயகர் . அதிகமான எம்.பி.,க்களைக் கொண்ட கட்சிக்கு, இரண்டு அல்லது மூன்று அறைகளை உள்ளடக்கிய பெரிய அறை ஒதுக்கப்படும். வாஜ்பாய் பிரதமராக இருந்த போது, தெலுங்கு தேசம் கட்சியில், 28 எம்.பி.,கள் இருந்ததால், அப்போதைய சபாநாயகர் பாலயோகி மூன்று அறைகள் உள்ளடக்கிய பெரிய அறையை அளித்தார். பாலயோகியும் தெலுங்கு தேசத்தைச் சேர்ந்தவர்.பின், 2009 தேர்தலில் தெலுங்கு தேச கட்சியில் ஆறு எம்.பி.,க்களே வெற்றி பெற்றனர். ராஜ்ய சபா எம்.பி.,க்கள் நான்கு பேரையும் சேர்த்து, தெலுங்கு தேசம் கட்சியில் 10 எம்.பி.,க்கள். இதனால், இவர்களுடைய பெரிய அறை பறிக்கப்பட்டு சிறிய அலுவலகம் ஒதுக்கப்பட்டது.இவர்கள் இருந்த இடம் தற்போது தி.மு.க.,விற்கு ஒதுக்கப்பட்டுள்ளது. லோக்சபா, ராஜ்யசபா இணைந்த தி.மு.க.,வில், 25 எம்.பி.,க்கள் உள்ளனர். அறை ஒதுக்கப்பட்டு பல மாதங்களாகியும், தெலுங்கு தேசம் காலி செய்யவில்லை. வெறுத்துப் போன தி.மு.க., எம்.பி.,க்கள் ஒதுக்கப்பட்ட அலுவலகத்தை ஆக்ரமித்துக் கொள்வதைத் தவிர வேறு வழியில்லை என்று அதிரடியாக செயல்பட திட்டமிட்டு வருகின்றனர்.

"சன் டிவி' கலாநிதி ஓட்டம் : போலீசில் ஆஜராகவில்லை

2011-07-14T10:30:00.000+05:30

சென்னை: வினியோகஸ்தர்களை மிரட்டிய வழக்கில், சென்னை கே.கே.நகர் போலீஸ் அனுப்பிய சம்மனில், "சன் டிவி' கலாநிதி ஆஜராகவில்லை. சேலத்தைச் சேர்ந்த கந்தன் பிலிம்ஸ் உரிமையாளர் செல்வராஜ்; இவர், கடந்த 1ம் தேதி, கே.கே.நகர் போலீசில் புகார் அளித்தார். அதில், "தீராத விளையாட்டுப் பிள்ளை' படத்தின் வினியோக உரிமையை, சன், "பிக்சர்ஸ்' நிர்வாக அதிகாரி ஹன்ஸ்ராஜ் சக்சேனா, சேலம் பகுதிக்கு கொடுப்பதாக, 1.25 கோடி ரூபாய்க்கு ஒப்பந்தம் செய்து, பணத்தை பெற்றுக் கொண்டார்.

ஒப்பந்தப்படி, வினியோக உரிமையை தனக்கு கொடுக்காமல், தியேட்டர் உரிமையாளர்களுக்கு வினியோகித்து விட்டார். பணத்தை கேட்ட போது, அதில், 82.53 லட்ச ரூபாயை திருப்பி கொடுக்காமல் காலம் தாழ்த்தியதுடன், கொலை மிரட்டல் விடுத்தார்; அவர் மீது நடவடிக்கை எடுக்க வேண்டும் என தெரிவித்திருந்தார். புகாரை அடுத்து, கடந்த 3ம் தேதி, சக்சேனா கைது செய்யப்பட்டு, புழல் சிறையில் தள்ளப்பட்டார். கோர்ட் உத்தரவின்படி, சக்சேனாவை இரண்டு நாட்கள், "கஸ்டடி'யில் எடுத்து போலீசார் விசாரித்தனர். விசாரணையின் போது, சக்சேனா, "நான், சன் பிக்சர்ஸ் நிறுவனத்தின் ஊழியன் மட்டுமே. என் முதலாளி(கலாநிதி) சொன்னதைத் தான் செய்தேன். வேறு ஒன்றும் எனக்குத் தெரியாது' என தெரிவித்ததாக கூறப்படுகிறது. இதற்கிடையில், சக்சேனா மீது, சேலத்தைச் சேர்ந்த சண்முகவேல் மற்றும், "மாப்பிள்ளை' படத் தயாரிப்பாளர் ஹித்தேஷ் ஜபக் ஆகியோர் புகார் அளித்ததையடுத்து, அந்த வழக்குகளிலும் சக்சேனா, ஐயப்பன் என்பவரும் கைது செய்யப்பட்டனர். சக்சேனா அளித்த தகவலின் அடிப்படையில், சன் குழும நிர்வாக இயக்குனரான கலாநிதியை, நேற்று(புதன் கிழமை) காலை 10 மணிக்கு ஆஜராகக் கூறி, கே.கே.நகர் போலீசார், கடந்த திங்களன்று சம்மன் அனுப்பினர். கலாநிதி, போலீஸ் நிலையத்திற்கு நேற்று காலை வந்தாக வேண்டும் என்பதால், பத்திரிகையாளர்கள் அங்கு குவிந்தனர்.

பரபரப்பான சூழலில், காலை 10:15 மணிக்கு, பாட்சா என்பவர் தலைமையில் ஏழு வக்கீல்கள், கே.கே.நகர் போலீஸ் நிலையத்தில், விசாரணை அதிகாரிகள் முன் ஆஜராகி, கலாநிதி சார்பில் மனு ஒன்றை அளித்தனர்.

அதில், கலாநிதி, சொந்த விஷயமாக தற்போது வெளிநாட்டில் இருப்பதாகவும், வரும், 26ம் தேதி சென்னை திரும்புவதாகவும் தெரிவித்துள்ளார். இந்த வழக்கில் தொடர்புடைய ஐயப்பன், விசாரணைக்காக அழைக்கப்பட்டு கைது செய்யப்பட்டுள்ளதால், தானும் கைது செய்யப்படலாம் என்ற பயத்தில், கலாநிதி திடீரென வெளிநாடு பயணம் சென்றதாக தெரிகிறது. எப்.ஐ.ஆர்., போடப்பட்டுள்ள அனைத்து வழக்குகளிலும் கலாநிதி சம்பந்தப்பட்டிருப்பதால், அவருக்கு கால அவகாசம் கொடுப்பதா அல்லது அவர் வெளிநாட்டில் இருந்து வந்தவுடன் கைது செய்வதா என்பது குறித்து போலீஸ் உயர் அதிகாரிகள் ஆலோசனை நடத்தி வருகின்றனர்.

கலாநிதி எங்கே? : திங்களன்று சம்மனை பெற்ற கலாநிதி, நேற்று முன்தினம் பிற்பகல் சென்னையில் இருந்து விமானம் மூலம் டில்லி சென்று, அங்கிருந்து, "சுவிஸ்' விமானம் மூலம், சுவிட்சர்லாந்து நாட்டிற்கு சென்று விட்டார். எப்போதும், விமானத்தில் முதல் வகுப்பிலேயே பயணம் செய்யும் கலாநிதிக்கு, அந்த வகுப்பில், அப்போது, "சீட்' இல்லை எனக் கூறி விட்டனர். "பிசினஸ் வகுப்பில்' பயணம் செய்வதை தவிர்க்கும் கலாநிதி, வேறு வழியில்லாமல், "பிசினஸ்' வகுப்பிலேயே, அவரது கன்னடத்து மனைவி காவிரியுடன், "ஜூரிச்' நகரத்துக்கு பறந்து விட்டார்.

காரைக்குடி - திருவாரூர் வழித்தடம்: அகல ரயில் பாதையாக மாற்றாவிட்டால் ரயில் மறியல்! மக்கள் ஆவேசம்!!

2011-07-13T18:41:00.002+05:30

தஞ்சாவூர் மாவட்டம், பேராவூரணி ரயில் நிலைய ஆய்வுக்கு வருகை தந்த தெற்கு ரயில்வே பொது மேலாளர் தீபக்கிஷனிடம் காரைக்குடி - திருவாரூர் ரயில் வழித் தடத்தை அகல ரயில் பாதையாக மாற்றவேண்டும் இல்லையென்றால் போராட்டம் நடத்துவோம் என நேற்று(12ஜூலை செவ்வாய்க்கிழமை) மக்கள் ஆவேசமாக கூறினர்.

திருவாரூர் - காரைக்குடி வழித்தடம் மிகப் பழைமையான வழித்தடமாகும். ராமேசுவரத்திலிருந்து நாகூர், வேளாங்கண்ணி வரை அனைத்து மத வழிப்பாட்டுத் தலங்களையும் இந்த வழித்தடம் இணைக்கக் கூடியது. இந்த வழித்தடத்தை அகல ரயில் பாதையாக மாற்றக்கோரி பல ஆண்டுகளாக கோரிக்கை விடுத்தும் தென்னக ரயில்வே இதற்கான நிதியை ஒதுக்காமல் புறக்கணித்து வருகிறது.

மரண அறிவிப்பு

2011-07-13T17:57:00.000+05:30

அதிரை S A M நகரை சார்ந்த மர்ஹும் நல்ல அபூபக்கர் அவர்களின் மகனும் முஹம்மது ரியாஸ், முஹம்மது தம்பி, முஹம்மத் அபூபக்கர், ஹபீப் ரஹ்மான், முஹம்மது சாலிஹ், அவர்களின் தந்தையும் முஹம்மது புஹாரி ,முஹம்மது சமுன், முஹம்மது சாலிஹ், அபுல் ஹசன், அவர்களின்சகோதரர்ரும் அலிமா பர்ணிச்சர் உரிமையாளருமான முஹம்மது ஜக்கரியா அவர்கள் இன்று காலை காலமாகிவிட்டார்கள். அவர்களின் நல்லடக்கம் நாளை காலை 8 மணிக்கு தாக்குவா பள்ளியில் நடைபெறும்.

இன்னாளில்லாஹி வ இன்னா இலைஹி ராஜிஊன். (إِنَّا لِلَّـهِ وَإِنَّا إِلَيْهِ رَاجِعُونَ"நிச்சயமாக நாம் அல்லாஹ்வுக்கே உரியவர்கள்;, நிச்சயமாக நாம் அவனிடமே திரும்பிச் செல்வோம்"

சமச்சீர் கல்வி வழக்கில் தீர்ப்பு ஒத்திவைப்பு : காரசார விவாதத்தால் கோர்ட்டில் "அனல்'

2011-07-13T12:12:00.000+05:30

சென்னை: சமச்சீர் கல்வி வழக்கு விசாரணையில், மனுதாரர்கள் மற்றும் அரசு தரப்பு வழக்கறிஞர்கள் வாதத்தில், "அனல்' பறந்தது. இவ்வழக்கின் தீர்ப்பை தேதி குறிப்பிடாமல், ஐகோர்ட் தலைமை நீதிபதி இக்பால் ஒத்திவைத்தார். சமச்சீர் கல்வி பாடத் திட்டம், புத்தகங்களை ஆராய, தமிழக அரசால் அமைக்கப்பட்ட ஒன்பது பேர் குழு, தமது ஆய்வறிக்கையை கடந்த வாரம் ஐகோர்ட்டில் சமர்ப்பித்தது. இந்த அறிக்கை மீது நடந்துவந்த, மனுதாரர்கள் மற்றும் அரசு தரப்பு வழக்கறிஞர்களின் வாதம் நேற்றுடன் முடிந்தது. நேற்று காலை 11 மணி முதல் மதியம் 1.15 மணி வரையிலும், உணவு இடைவேளைக்கு பின், 2.15 மணி முதல் மாலை 4.30 மணி வரையிலும், வழக்கறிஞர்களிடையே காரசாரமாக விவாதம் நடைபெற்றது. மனுதாரர்கள் தரப்பில், வழக்கறிஞர்கள் விடுதலை, சீனிவாசன், புரு÷ஷாத்தமன் ஆகியோரும், அரசு தரப்பில், அட்வகேட் ஜெனரல் நவநீதகிருஷ்ணன், சுப்ரீம் கோர்ட் சீனியர் வழக்கறிஞர் குருகிருஷ்ணகுமார், மெட்ரிக் பள்ளிகள் சங்கம் சார்பில் வழக்கறிஞர் விஜயன் ஆகியோரும் வாதிட்டனர்.

ஐகோர்ட் தலைமை நீதிபதி இக்பால், நீதிபதி சிவஞானம் ஆகியோர் அடங்கிய, "முதல் டிவிஷன் பெஞ்ச்' முன் நடந்த வழக்கறிஞர்களின் காரசார வாதம் விவரம்:

வழக்கறிஞர் விடுதலை: தமிழகத்தில் மொத்தம் ஒரு கோடியே 12 லட்சம் பள்ளி மாணவர்கள் உள்ளனர். இதில், பெரும்பகுதி மாணவர்கள் மாநில பாடத்திட்டத்தில் பயில்கின்றனர். அவர்களின் எதிர்காலத்தை கருத்தில்கொண்டு, சமச்சீர் கல்வி பாடத்திட்டம் கொண்டு வரப்பட்டது. இதை தரம் இல்லையென கூறி, இத்திட்டம் தொடர்பான சட்டத் தில் தமிழக அரசு திருத்தம் செய்துள்ளது. இது, முந்தைய அரசின் சட்டசபை நடவடிக்கைகளை மீறிய செயல். சமச்சீர் கல்விக்கு எதிரான மனநிலை கொண்டவர்களைக் கொண்டு ஆய்வுக் குழு அமைக்கப்பட்டது. பள்ளிக் கல்வித் துறை செயலர் தயாரித்த ஆய்வறிக்கையில், குழு உறுப்பினர்கள் கையெழுத்திட்டுள்ளனர். சமச்சீர் கல்வியை நடைமுறைப்படுத்துவதன் மூலம் மெட்ரிக் பள்ளி மாணவர்களுக்கும், இப்பாடத் திட்டத்தின் பயன் கிடைக்கும்.

வழக்கறிஞர் புருஷோத்தமன்: தேசிய பாடத்திட்டத்தின் வழிகாட்டுதல் மற்றும் முத்துக்குமரன் கமிட்டியின் பரிந்துரையின்படி சமச்சீர் கல்வி கொண்டு வரப்பட்டது. இதை நடைமுறைப்படுத்துவதற்கு முன், கல்வியாளர்கள், பெற்றோர் கருத்துகள் பெறப்பட்டன. இந்த ஆண்டு, பழைய பாடத்திட்டத்தை பின்பற்றுவதன் மூலம், மெட்ரிக் பள்ளி மாணவர்களும் பாதிக்கப்படுவர்.

அட்வகேட் ஜெனரல் நவநீதிகிருஷ்ணன்: முந்தைய தமிழக அரசு, சமச்சீர் கல்வி திட்டத்தை கொண்டு வர அமைத்த குழுவில், சென்னை பல்கலை பேராசிரியர் பாலசுப்ரமணியன் போன்ற, பள்ளிக் கல்வியில் நிபுணத்துவம் பெறாதவர்கள் இடம்பெற்றிருந்தனர். இக்குழு, கடந்த ஆண்டு நவம்பர் 11ம் தேதி, சமச்சீர் கல்விக்கான பாடத்திட்டம் மற்றும் பாடப் புத்தகங்களுக்கு ஒரே நாளில் ஒப்புதல் அளித்தது. அவசர கதியில் கொண்டுவரப்பட்ட சமச்சீர் கல்வியில் தரம் இல்லை. மாணவர்களின் எதிர்காலம் கருதி, இதில் மாற்றம் கொண்டு வர வேண்டிய அவசியம் தமிழக அரசுக்கு ஏற்பட்டது. இதனால், ஒரே நாளில் சட்ட திருத்தம் கொண்டு வரப்பட்டது. இதில் அரசியலுக்கு இடம் இல்லை.

சுப்ரீம் கோர்ட் சீனியர் வழக்கறிஞர் குருகிருஷ்ணகுமார்: கடந்த ஆண்டு ஒன்று மற்றும் 6ம் வகுப்புகளுக்கு சமச்சீர் கல்வி நடைமுறைப்படுத்தப்பட்டது. அப்போது, 2 முதல் 5ம் வகுப்பு வரையிலும், 7 முதல் 10ம் வகுப்பு வரையிலும், நிபுணர் குழு ஒன்றை அமைத்து நன்கு ஆராய்ந்து இக்கல்வியை கொண்டு வரும்படி ஐகோர்ட் உத்தரவிட்டுள்ளது. இதை, முந்தைய தமிழக அரசு செயல்படுத்தாததால், அப்பணியை தற்போதைய அரசு செய்ய வேண்டியுள்ளது. 1 மற்றும் 6ம் வகுப்புக்கு சமச்சீர் கல்வியை கொண்டுவர, கோர்ட் காலக்கெடு எதுவும் விதிக்கவில்லை. கல்வி போன்ற அடிப்படை விஷயங்களில், சட்ட திருத்தம் கொண்டுவர மாநில அரசுக்கு அதிகாரம் உள்ளது. எல்லாரும், 200 கோடி ரூபாய் செலவில் ஒன்பது கோடி சமச்சீர் கல்வி பாடப்புத்தகங்கள் அச்சடிக்கப்பட்டு விட்டதையே பெரிதாக பேசுகின்றனர். தமிழக அரசு, மாணவர்களுக்கு தரமான கல்வி கிடைக்க வேண்டுமென எண்ணுகிறது. தற்போதைய சமச்சீர் கல்வி பாடப்புத்தகங்கள், மாணவர்களின் படைப்பாற்றலை வளர்ப்பதாக இல்லை. சமச்சீர் கல்வியை ஆராய அமைக்கப்பட்ட குழுவில், மாநில பாடத்திட்டத்தை சார்ந்தவர்கள் இடம்பெறவில்லை என்று விமர்சிப்பவர்கள், இக்குழுவில் பள்ளிக் கல்வித் துறை இயக்குனரும் ஒரு உறுப்பினர் என்பதை மறந்து விட்டனர்.

வழக்கறிஞர் விஜயன்: தற்போது ஒன்று மற்றும் 6ம் வகுப்புகளுக்கு நடைமுறையில் உள்ள சமச்சீர் கல்வியை தேவைப்பட்டால், ஐகோர்ட் ரத்து செய்யலாம் என, சுப்ரீம் கோர்ட் தெரிவித்துள்ளது. இது கோர்ட் அவமதிப்பு ஆகாது. எனவே, அடுத்த ஆண்டு முதல், ஒன்று முதல் 10ம் வகுப்பு வரை உள்ள அனைத்து மாணவர்களுக்கும் சமச்சீர் கல்வியை கொண்டு வர ஐகோர்ட் உத்தரவிட வேண்டும். இவ்வாறு விவாதம் நடந்தது. இதையடுத்து, இவ்வழக்கின் தீர்ப்பை தேதி குறிப்பிடாமல் நீதிபதிகள் ஒத்தி வைத்தனர்.

தயாநிதி உட்பட ஏழு பேரிடம் மந்திரி பதவி பறிப்பு : மத்திய அமைச்சரவையில் சிறிய அளவில் மாற்றம்

2011-07-13T11:58:00.000+05:30

தயாநிதி உள்ளிட்ட ஏழு பேரை தனது அமைச்சரவையில் இருந்து பிரதமர் மன்மோகன் சிங் கழற்றிவிட்டுள்ளார். அமைச்சரவையில் பெரிய அளவில் இல்லாது, குறிப்பிடத்தக்க மாற்றங்களை மட்டுமே செய்துள்ள பிரதமர் மன்மோகன் சிங், முக்கிய அமைச்சர்களான வீரப்ப மொய்லி, ஜெய்ராம் ரமேஷ் உள்ளிட்டவர்களின் இலாகாக்களை மாற்றியமைத்துள்ளார். சல்மான் குர்ஷித், புதிய சட்ட அமைச்சராக்கப்பட்டுள்ளார். எதிர்பார்க்கப்பட்டது போலவே, உத்தரபிரதேச மாநிலத்திற்கு இந்த அமைச்சரவை மாற்றத்தில் முக்கியத்துவம் அளிக்கப்பட்டுள்ளது.

மத்தியில் ஆளும் ஐக்கிய முற்போக்கு கூட்டணி அமைச்சரவை, நேற்று மூன்றாவது மாற்றத்தை சந்தித்தது. நீண்டநாட்களாக கூறப்பட்டு வந்த அமைச்சரவை மாற்றத்தை ஒருவழியாக, பிரதமர் மன்மோகன் சிங் செய்து முடித்துள்ளார். நிதித்துறை, உள்துறை, வெளியுறவு மற்றும் ராணுவம் ஆகிய மிக முக்கிய நான்கு இலாகாக்களில் எந்த மாற்றமும் செய்யப்படவில்லை. மேலும், பெரிய அளவில் இல்லாமல், ஓரளவு குறிப்பிடத்தக்க அளவில் மட்டும் இலாகாக்கள் மாற்றம் செய்யப்பட்டுள்ளன.

ஊழல் குற்றச்சாட்டில் சிக்கிய தயாநிதி, கிருஷ்ணா - கோதாவரி எரிவாயு பிரச்னையில் சிக்கிய முரளி தியோரா, காமன்வெல்த் போட்டி சர்ச்சையில் சிக்கிய எம்.எஸ்.கில், ஜெகன்மோகன் ரெட்டியின் ஆதரவாளராக அறியப்படும் சாய்பிரதாப், உடல்நிலை சரியில்லாத ஹண்டிக், காந்திலால்புரியா, அருண் யாதவ் என ஏழு பேருக்கு அமைச்சரவையில் இருந்து, "கல்தா' கொடுக்கப்பட்டுள்ளது.

வீரப்ப மொய்லியிடம் இருந்த சட்ட இலாகா பறிக்கப்பட்டுள்ளதுதான் மிக முக்கிய மாற்றமாக கருதப்படுகிறது. அரசாங்கத்திற்கும், சுப்ரீம் கோர்ட்டிற்கும் சமீபகாலமாக பிரச்னை இருந்து வருகிறது. நீதித்துறையுடன் மோதல் போக்கு உருவாகிவருவதுபோல தெரிவதால், மொய்லியின் இடத்திற்கு சல்மான் குர்ஷித் கொண்டு வரப்பட்டுள்ளார். தவிர, உ.பி.,யில் தேர்தல் வருவதால் முஸ்லிம்களின் ஓட்டு வங்கியை கருத்தில்கொண்டு, குர்ஷித்திற்கு முக்கியத்துவம் அளிக்கப்பட்டுள்ளது.

உ.பி.,யில் குர்மி வகுப்பைச் சேர்ந்த பெனிபிரசாத் வர்மாவுக்கும் கேபினட் அந்தஸ்துடன் கூடிய இரும்புத்துறை அளிக்கப்பட்டுள்ளது. 10 சதவீத ஓட்டு வங்கியுடைய பிராமண சமூகத்தையும் கவரும் நோக்கில், ராஜிவ் சுக்லாவுக்கு பார்லிமென்ட் விவகாரம் அளிக்கப்பட்டுள்ளது.

மம்தா வகித்துவந்த ரயில்வே துறையை, அதே கட்சியைச் சேர்ந்த தினேஷ் திரிவேதி மூலம், திரிணமுல் காங்கிரஸ் கட்சிக்கு தக்கவைக்கப்பட்டுள்ளது. திரிவேதி வகித்துவந்த சுகாதாரத்துறை இணையமைச்சர் பதவியையும், அதே திரிணமுல் கட்சியைச் சேர்ந்த சுதிப் பண்டேபாத்தியாயா வசம் ஒப்படைக்கப்பட்டுள்ளது.

ராகுல் சிஷ்யர்களுக்கும் இந்த மாற்றத்தில் முக்கியத்துவம் வழங்கப்பட்டுள்ளது. கழற்றிவிடப்பட்ட முரளி தியோராவின் மகன் மிலன் தியோராவுக்கு தொலைத்தொடர்பு துறை இணையமைச்சர் பதவி கிடைத்துள்ளது. மற்றொரு முக்கிய சிஷ்யரான ஜிதேந்திர சிங்கிற்கு உள்துறை இணையமைச்சர் பதவி வழங்கப்பட்டுள்ளது.

லோக்சபா சபாநாயகர் ஆவார் என்று எதிர்பார்க்கப்பட்டு, அனைவராலும் ஏற்றுக் கொள்ளப்பட்டு கடைசியில் பதவி கிடைக்காமல் போனவராக கருதப்படும் கி÷ஷார் சந்திரதேவுக்கு, இம்முறை வாய்ப்பு கிடைத்துள்ளது. மிகவும் அனுபவம் வாய்ந்த இவருக்கு பழங்குடியினர் நலம் மற்றும் பஞ்சாயத்து ராஜ் இலாகா கிடைத்துள்ளது.

சுற்றுச்சூழல் துறை அமைச்சராக இருந்தபோது மிக அதிக சர்ச்சைகளில் சிக்கிய ஜெய்ராம் ரமேஷும், இம்முறை தனது இலாகாவை பறிகொடுத்துள்ளார். பெரிய நிறுவனங்களின் கோபத்தை இவர் சம்பாதித்த காரணத்தால் சுற்றுச்சூழல் அமைச்சர் பதவியில் இருந்து மாற்றப்பட்டு, கேபினட் அந்தஸ்துடன் கூடிய ஊரக வளர்ச்சித்துறை வழங்கப்பட்டுள்ளது. ஜெய்ராம் ரமேஷிடம் இருந்த சுற்றுச்சூழல் துறை, ஜெயந்தி நடராஜனிடம் வழங்கப்பட்டுள்ளது. தமிழகத்தைச் சேர்ந்தவரான இவர், ஏற்கனவே குஜ்ரால் அரசில் விமானப்போக்குவரத்து இணையமைச்சராக இருந்தார்.

தி.மு.க.,வைச் சேர்ந்த யாரும் புதிதாக அமைச்சராக்கப்படவில்லை. ஏற்கனவே இருக்கும் அமைச்சர்களின் இலாகாக்களிலும் கைவைக்கப்படவில்லை. இருப்பினும், "அமைச்சரவை மாற்றம் இன்னும் முற்றுப்பெறவில்லை' என, தி.மு.க., தலைவர் கருணாநிதி கூறியிருப்பதால், அடுத்த மாற்றத்தின்போது தி.மு.க., சார்பில் சிலர் அமைச்சராக்கப்படலாம் என்று தெரிகிறது.

புதிய அமைச்சர்கள் அனைவரும் நேற்று மாலை ஜனாதிபதி மண்டபத்தில் உள்ள அசோகா ஹாலில் பதவி ஏற்றுக் கொண்டனர். இவர்களுக்கு, ஜனாதிபதி பிரதிபா பாட்டீல் பதவிப்பிரமாணமும், ரகசிய காப்பு பிரமாணமும் செய்து வைத்தார். விழாவில், காங்கிரஸ் தலைவர் சோனியா உள்ளிட்ட தலைவர்கள் பலரும் கலந்து கொண்டனர்.

மத்திய அமைச்சரவை மாற்றம் என்பது இம்முறை பெரிய அளவில் இருக்கும் என்றும், இந்த மாற்றத்தின் மூலம் மன்மோகன் சிங் அரசின் மீதான தோற்றமேகூட மாறும் என்றும் கூறப்பட்டது. ஆனால், எந்தவொரு பெரிய மாற்றத்தை இம்முறையும் மன்மோகன் சிங் செய்திடாதது பல தரப்பையும் ஏமாற்றத்திற்குள் தள்ளியுள்ளது.

புதிய அமைச்சர்கள் - அறிமுகம்

பவன்சிங் கடோவர்: புதிய அமைச்சரவையில், வடகிழக்கு பிராந்திய வளர்ச்சி இணை அமைச்சர் பதவி, பவன்சிங் கடோவருக்கு வழங்கப்பட்டுள்ளது. இவர், அசாம் மாநிலத்தில், 1950ல் பிறந்தவர். திப்ருகார் லோக்சபா தொகுதியிலிருந்து, எம்.பி.,யாக தேர்ந்தெடுக்கப்பட்டவர். இவரது தந்தை, கனய் கடோவர். மனைவி ஜிபோந்தரா கடோவர். இவருக்கு ஒரு மகனும், ஒரு மகளும் உள்ளனர். கவுகாத்தி பல்கலையில், பி.ஏ., பட்டம் பெற்றவர். 1985ம் ஆண்டிலிருந்து, காங்., கட்சியில், பல்வேறு பொறுப்புகளை வகித்து வந்துள்ளார்.

தினேஷ் திரிவேதி: புதிய அமைச்சரவையில், ரயில்வே துறை அமைச்சர் பதவி, தினேஷ் திரிவேதிக்கு வழங்கப்பட்டுள்ளது. திரிணமுல் காங்., கட்சியைச் சேர்ந்த இவர், பாரக்பூர் லோக்சபா தொகுதியிலிருந்து தேர்ந்தெடுக்கப்பட்டவர். ஹீராலால், ஊர்மிளாபென் திரிவேதி தம்பதியினருக்கு, 1950ல் டில்லியில் பிறந்தார்.

இவரது மனைவி மினல் திரிவேதி. ஒரு மகன் உள்ளார். பி.காம்., எம்.பி.ஏ., பட்டம் பெற்றவர். முதன்முதலில், 1990ம் ஆண்டு ராஜ்யசபா எம்.பி.,யாக தேர்வு செய்யப்பட்டார்.

கிஷோர் சந்திர தியோ: புதிய அமைச்சரவையில், கி÷ஷார் சந்திர தியோவுக்கு, பழங்குடியினர் விவகாரம் மற்றும் பஞ்சாயத்து ராஜ் அமைச்சர் பதவி வழங்கப்பட்டுள்ளது. ஆந்திர மாநிலத்தைச் சேர்ந்த இவர், அரக்கு தொகுதியில் இருந்து தேர்ந்தெடுக்கப்பட்டவர். இவர், பி.வி.தியோவுக்கும், சோபலதா தேபிக்கும், 1947ல் பிறந்தார். பி.ஏ., பொருளாதாரமும், எம்.ஏ., அரசியல் அறிவியல் பட்டமும் பெற்றவர். மனைவி பிரீத்தி தியோ. ஒரு மகனும், ஒரு மகளும் உள்ளனர். 1977ல் முதன்முதலில், லோக்சபா உறுப்பினராக தேர்ந்தெடுக்கப்பட்டார். ஆந்திர மாநில காங்., கட்சியில் பல்வேறு பொறுப்புகளை வகித்தவர்.

சுதீப் பந்தோபாத்யா: புதிய அமைச்சரவையில், சுதீப் பந்தோபாத்யாவுக்கு சுகாதாரம் மற்றும் குடும்பநலத்துறை இணை அமைச்சர் பதவி வழங்கப்பட்டுள்ளது. திரிணமுல் காங்., கட்சியைச் சேர்ந்த இவர், உத்தர் லோக்சபா தொகுதியிலிருந்து தேர்ந்தெடுக்கப்பட்டவர். பிஸ்வேஷ்வர், ஜியோத்ஸ்னா பந்தோபாத்யா தம்பதியினருக்கு, 1952ல், மே.வங்கத்தில் பிறந்தார். மனைவி நயனா பந்தோபாத்யா. இவர், 1987ல், மேற்குவங்க சட்டசபை உறுப்பினராக தேர்ந்தெடுக்கப்பட்டார். பி.எஸ்சி., பட்டம் பெற்றவர். பல்வேறு சமூகசேவையில் தன்னை ஈடுபடுத்திக் கொண்டவர்.

மிலிந்த் தியோரா: புதிய அமைச்சரவையில், மிலிந்த் தியோராவுக்கு தகவல் தொடர்பு மற்றும் தகவல் தொழில்நுட்பத்துறை இணை அமைச்சர் பதவி வழங்கப்பட்டுள்ளது. இவர், முரளி தியோராவின் மகன். மும்பை தெற்கு தொகுதியில் இருந்து, தேர்ந்தெடுக்கப்பட்டவர். முரளி தியோரா, ஹேமா தியோரா தம்பதியினருக்கு, 1976ல் மும்பையில் பிறந்தார். இவரது மனைவி பூஜா தியோரா. பி.பி.ஏ., பட்டம் பெற்றவர். காங்., கட்சி சார்பாக, 2004ல் முதன்முதலில் எம்.பி., ஆனார். தற்போது காங்., கட்சியின் இளம் அமைச்சர்கள் பட்டியலில் இவரும் சேர்ந்துள்ளார்.

ஜிதேந்திர சிங்: புதிய அமைச்சரவையில், ஜிதேந்திர சிங்குக்கு, உள்துறை இணை அமைச்சர் பதவி வழங்கப்பட்டுள்ளது. இவர், சோனிபேட் தொகுதியில் இருந்து, எம்.பி.,யாக தேர்ந்தெடுக்கப்பட்டவர். ராஜிந்தர் சிங், தனபதி தம்பதியினருக்கு, 1970ல், சோனிபேட்டில் பிறந்தார். 41 வயதான இவர், காங்., கட்சியில், ராகுலுக்கு நெருக்கமானவர். பி.ஏ., எல்.எல்.பி., பட்டம் பெற்றவர். 1995ம் ஆண்டு அரசியல் வாழ்க்கையை துவங்கிய இவர், 2000ம் ஆண்டு, அரியானா சட்டசபைக்கு தேர்ந்தெடுக்கப்பட்டார். காங்., கட்சியின் இளம் தலைவர்களில் ஒருவர்.

ஜெயந்தி நடராஜன்: காங்., கட்சியின் செய்தித் தொடர்பாளராக இருந்த, தமிழகத்தைச் சேர்ந்த ஜெயந்தி நடராஜன், புதிய அமைச்சரவையில் இடம்பெற்றுள்ளார். இவர், சுற்றுச்சூழல் அமைச்சராக (தனிப்பொறுப்பு) பதவியேற்கிறார். 1954, ஜூன் 7ல் பிறந்த இவர், தமிழகத்தின் முன்னாள் முதல்வர் பக்தவத்சலத்தின் பேத்தி. ஆரம்ப காலத்தில் வழக்கறிஞராக பணியாற்றினார். பின்னர், காங்., கட்சியில் இணைந்த இவர், முதல் முறையாக, 1986ல், ராஜ்யசபா எம்.பி.,யாக தேர்வு செய்யப்பட்டார். 1992ல், மீண்டும் ராஜ்யசபா எம்.பி., ஆனார். இதற்கிடையே காங்., கட்சியில் இருந்து விலகி, மூப்பனார் தலைமையிலான த.மா.கா.,வில் இணைந்தார்.

இக்கட்சி சார்பாக, 1997ல், மீண்டும் ராஜ்யசபாவுக்கு தேர்வானார். மத்திய விமான போக்குவரத்து இணை அமைச்சராக பணியாற்றினார். மூப்பனார் மறைவுக்குப் பின், த.மா.கா., - காங்., கட்சியுடன் இணைக்கப்பட்டது. பின், பெண்களுக்கான இட ஒதுக்கீடு மசோதா குறித்து அமைக்கப்பட்ட பார்லி கமிட்டியின் தலைவராக இருந்தார். பின், காங்., கட்சியின் செய்தித் தொடர்பாளராக பணியாற்றினார்.

ராஜிவ் சுக்லா: உத்தர பிரதேசத்தின் கான்பூரில், 1959, செப்.,13ல் பிறந்த ராஜிவ் சுக்லா, தற்போதைய புதிய அமைச்சரவை பட்டியலில் பார்லிமென்ட் விவகாரத் துறை இணை அமைச்சராக பதவியேற்கிறார். பத்திரிகையாளராக தன் வாழ்க்கையை துவக்கிய இவர், 2000ம் ஆண்டு முதன்முதலாக ராஜ்யசபா எம்.பி.,யாக தேர்வு செய்யப்பட்டார். அகில பாரதிய லோக்தந்த்ரிக் என்ற கட்சியை நடத்தி வந்த இவர், 2003ல் அதை காங்கிரசுடன் இணைத்தார். பின்னர், அக்கட்சியின் செய்தித் தொடர்பாளராக நியமிக்கப்பட்டார். அடுத்து அகில

இந்திய காங்., கட்சி செயலராகவும் நியமிக்கப்பட்டார். 2006ல் காங்., சார்பாக, 2வது முறையாக, ராஜ்யசபா எம்.பி., ஆக தேர்ந்தெடுக்கப்பட்டார். பி.சி.சி.ஐ.,யின் துணைத் தலைவராகவும் பணியாற்றினார். இவரது மனைவி அனுராதா பிரசாத், திரைப்பட தயாரிப்பாளர் மற்றும், "டிவி' தொகுப்பாளராக உள்ளார்.

சரண் தாஸ் மகந்த்: சத்திஸ்கரின் கோர்பா லோக்சபா தொகுதியில் இருந்து எம்.பி.,யாக தேர்வு செய்யப்பட்ட சரண் தாஸ் மகந்த், வேளாண்மைத் துறை இணை அமைச்சராக தேர்வு செய்யப்பட்டுள்ளார். இவருக்கு ஒரு மகன், மூன்று மகள்கள் உள்ளனர். 1954, டிச.,13 ல் பிறந்த இவர், மூன்று முறை மத்திய பிரதேச மாநிலத்தில், எம்.எல்.ஏ., ஆக தேர்வு செய்யப்பட்டார். மாநில அமைச்சராகவும் பதவி வகித்தார். முதல்முறையாக, லோக்சபாவுக்கு, 1998ல் தேர்வு செய்யப்பட்டார். தற்போது மூன்றாவது முறையாக லோக்சபா எம்.பி.,யான இவருக்கு, புதிய அமைச்சரவையில் இடமளிக்கப்பட்டுள்ளது.

ஜெயலலிதாவின் அதிரடியால் தி.மு.க.,வினர் பதட்டம்

2011-07-13T11:49:00.002+05:30

சென்னை: நிலம் அபகரிப்பு தொடர்பான வழக்குகளை விசாரிக்க, ஜெயலலிதா தனி போலீஸ் பிரிவு அமைத்தது, தி.மு.க.,வினரிடையே கடும் பதட்டத்தை ஏற்படுத்தி உள்ளது. தமிழக அரசு, தற்போது, நிலம் அபகரிப்பு தொடர்பான வழக்குகளில், தீவிரம் காட்டி வருகிறது. இதில், தி.மு.க.,வினர் கைதாகினர். தொடர்ந்து, தி.மு.க.,வினர் மீது புகார்கள் குவியத் துவங்கின. இதை கண்ட முதல்வர் ஜெயலலிதா, நில அபகரிப்பு வழக்குகளை விசாரிக்க, தனி போலீஸ் பிரிவை துவக்கி உத்தரவிட்டார். இதனால், தி.மு.க., நிர்வாகிகள் கடும் அதிர்ச்சி அடைந்தனர்.

ஒவ்வொருவராக கைதாகிக் கொண்டே இருந்தால், கட்சி கலகலத்து விடும் என்பதை, தி.மு.க., தலைமை உணர்ந்தது. ""கட்சியினரை பயமுறுத்துவதற்காக, அரசு கையாளும் தந்திரம், அரசின் அத்துமீறல் குறித்து, எனக்கு தகவல் தெரிவிக்கலாம். நான் தலைமைக் கழகத்தில் எப்போதும் இருப்பேன். இது போன்ற வழக்குகளில் சிக்குபவர்களுக்கு, வழக்கறிஞர் அணியில் உள்ளவர்கள் உதவ வேண்டும்'' என, கருணாநிதி அறிவித்தார்.

அவர் கூறியபடி கடந்த மூன்று நாட்களாக, காலையிலே அறிவாலயம் வந்து செல்கிறார். அவர் வருவதையொட்டி, முன்னாள் அமைச்சர்கள், கட்சி நிர்வாகிகள், தொண்டர்கள், வழக்கறிஞர்கள் வந்து செல்கின்றனர்.

மாவட்டங்கள்தோறும், தி.மு.க., வழக்கறிஞர்கள் அணிக் கூட்டம் நடைபெறுகிறது. வழக்குகளை சந்திப்பது எப்படி என விவாதிக்கப்படுகிறது. இது குறித்து தி.மு.க., வழக்கறிஞர்கள் சிலர் கூறும்போது, ""போலீசார் வழக்கு எதுவும் போட்டால், கட்சியினர் உடனே, கட்சி வழக்கறிஞர்களை நாடுவது வழக்கம். தற்போது, தலைமை, நில அபகரிப்பு வழக்கில் சிக்குபவர்களுக்கு உதவ வேண்டும் என அறிவித்துள்ளது. ""மாவட்டத் தலைமைக்கு வரும் புகார்களை, அப்பகுதி வழக்கறிஞர்களிடம் பிரித்து ஒப்படைக்க முடிவு செய்யப்பட்டுள்ளது. சம்பந்தப்பட்ட நபர் கட்டணம் எதுவும் தந்தால் வாங்கிக் கொள்ளலாம். இல்லை என்றாலும், தேவையான உதவிகளை செய்ய வேண்டும் என அறிவுறுத்தப்பட்டுள்ளது'' எனத் தெரிவித்தனர். ஜெயலலிதாவின் அதிரடி நடவடிக்கை, தி.மு.க.,வினரிடையே பதட்டத்தை ஏற்படுத்தியுள்ளது. அதை மறைக்க முயலும் தி.மு.க.,வினர், ஜெயலலிதா நடவடிக்கை, எங்கள் கட்சியினரை சுறுசுறுப்பாக்கி உள்ளது. தலைவர் தலைமை அலுவலகத்திற்கு வருவதால், அனைவரையும் சந்திக்கும் வாய்ப்பு கிடைத்துள்ளது எனப் பெருமையாக பேசி வருகின்றனர்.

விடியலை நோக்கி காத்திருக்கும் கேபிள் டிவி ஆபரேட்டர்கள்

2011-07-12T20:10:00.000+05:30

நாட்டில் எந்த தொழிலும் ஏக போக ஆதிக்கம் செலுத்த, நம் ஜனநாயகம் அனுமதித்தில்லை. ஆனால், ஒரேயொரு தொழில் மட்டும், நம் ஜனநாயகத்தின் அனைத்து அம்சங்களையும் உடைத்தெறிந்து, ஏகபோக ஆதிக்கத்தை தக்க வைத்துக் கொண்டுள்ளது என்றால், அது கேபிள் இணைப்பு தொழில் மட்டுமே.தமிழக மக்கள், அ.தி.மு.க.,வுக்கு ஓட்டுப் போட்டு, குடும்ப ஆதிக்கத்தில் இருந்து அரசியலை விடுவித்தனர். ஆனால், அ.தி.மு.க., அரசு அமைந்த பின்னும் கேபிள், "டிவி' தொழில், ஏகபோக ஆதிக்கத்தில் இருந்து விடுதலை பெறவில்லை. தமிழகத்தில் கேபிள், "டிவி' தொழிலில் பல லட்சம் ஆபரேட்டர்களும், அவர்களைச் சார்ந்துள்ள எண்ணற்ற குடும்பங்களும் ஏராளமான மனக்குமுறல்களுடன் உள்ளனர். அவர்களது குமுறல்கள், நீறுபூத்த நெருப்பாக கனன்று கொண்டிருக்கிறது.

அவர்களது மனக்குமுறல்களில் முக்கியமானவை: தமிழகத்தில், தி.மு.க., ஆட்சி அமையும்போதெல்லாம், ஒரு குடும்ப சேனலின் ஆதிக்கம் தலைதூக்கி விடுகிறது. கேபிள் ஆபரேட்டர்களின் இணைப்பு எண்ணிக்கையை, அவர்களாகவே கூடுதலாக நிர்ணயித்து, அந்த எண்ணிக்கையின் அடிப்படையில் பணம் கட்டும்படி, கட்டாய வசூல் செய்கின்றனர்.

* கேபிள் ஆபரேட்டர்கள், "ஐயா... எங்களுக்கு இவ்வளவு இணைப்புகள் இல்லையே...' எனக் கூறி, நிர்ணயிக்கப்பட்ட தொகையைக் கட்ட மறுத்தால், உடனே அந்த அந்த ஆபரேட்டர் தொழில் செய்யும் பகுதியில், உரிமம் கூட பெறாத ஒரு போட்டியாளரை உருவாக்கி, அவருக்கு இணைப்பு வழங்கி, உரிமம் பெற்ற ஆபரேட்டரை மிரட்டி, பணிய வைத்து விடுகின்றனர். அவர்கள் நிர்ணயித்த தொகையை கட்ட வேண்டிய சிக்கலான நிலைக்கு தள்ளி விடுகின்றனர். மீறி எதிர்ப்பவர்கள், அந்த தொழிலை விட்டே ஓடும்படி செய்து விடுகின்றனர்.

* தமிழ் பேசும் மாநிலத்தில், தெலுங்கு, கன்னடம், மலையாளம் போன்ற வேற்று மொழிச் சேனல்களை சர்வாதிகார முறையில் திணிப்பதுடன், அவற்றையும், தமிழ்ச் சேனல்களுக்கு இணையாக கணக்கிட்டு, கட்டணத் தொகை கட்ட வேண்டுமென்று கட்டாயமாக வசூலிப்பர்.

* புதிதாக எந்தச் சேனல் வந்தாலும், அவர்களை தங்கள் இணைப்பில் தருவதற்காக, கோடிக்கணக்கில் தொகை பெற்று, பொதுமக்களிடம் மிகுந்த வரவேற்பை பெற்ற விஜய், ஜெயா போன்ற தமிழ்ச் சேனல்களை பின்னுக்குத் தள்ளி விடுகின்றனர். தங்கள் குடும்ப சேனல்களுக்கு முக்கியத்துவம் தந்து, அதிக தொகை வசூலிக்கின்றனர். இதன்மூலம், மக்கள் அதிகம் பார்க்கும் சேனல்கள் என தங்கள் சேனல்களை காட்டி, "ரேட்டிங்' மோசடியை செய்கின்றனர்.

* கேபிள் இணைப்புகளை கையில் வைத்திருப்பதால், விளம்பரதாரர்களையும் தங்களை நாடி வரும்படி செய்து, கோடிக்கணக்கில் பணம் சம்பாதிக்கின்றனர். இதிலும் திருப்தி அடையாமல், கேபிள் ஆபரேட்டர்களின் வருவாயில், 80 சதவீதத்தை உறிஞ்சும் வகையில் கட்டணத்தை நிர்ணயிக்கின்றனர்.

* கேபிள் ஆபரேட்டர்கள் பணியவில்லை என்றால், போலீஸ் நிலையத்தில் பொய் வழக்கு தொடர்வதும், தி.மு.க.,வினரை தூண்டிவிட்டு, கேபிள் ஒயர்களை துண்டித்து மிரட்டி வருகின்றனர்.

* இவர்களது குடும்ப சண்டை இருந்தபோது, சென்னையில் உருவான, "ஹாத்வே' நிறுவனம் இருந்த காலம், ஆபரேட்டர்களின் வசந்தகாலமாக இருந்தது. அவர்கள், "செட்டாப் பாக்சை' இலவசமாக அளித்து, அனைத்து சேனல்களுக்கும் முன்னுரிமை அளித்து, சிறப்பாக இணைப்பு தந்தனர். ஆனால், குடும்ப சண்டை முடிந்ததும், "ஹாத்வே'யை ஒழித்து விட்டனர். மீண்டும், பழைய அவல நிலை தொடர்கிறது.

* இயற்கை சீற்றங்களால் அதிகமாக பாதிக்கப்படும் இயல்புடையது கேபிள் தொழில். இடி இடிக்கும் போதெல்லாம், மின்சாதனப் பொருட்களான, டிரான்ஸ்மிட்டர், இன்ஜெக்டர், ஆம்ப்ளிபயர், கப்சர், ஒயர்கள் சேதமடைந்து விடும். சில நேரங்களில், இவற்றை முற்றிலும் புதிதாக மாற்ற வேண்டிய கட்டாய நிலை வரும். இதனால், பெரும் பொருள் இழப்பு ஏற்படும்.

* கேபிள் சேவையில், 24 மணி நேரமும், பகுதி அடிப்படையில் பணியாட்களை அமர்த்துதல், அவர்களுக்கு உணவு, உடை, ஊர்தி, பெட்ரோல் வழங்க அதிக செலவுகள் ஏற்படுகிறது.

* "டிடிஎச்' சேவை, ஆபரேட்டர்களை இத்தொழிலை விட்டே விரட்டும் வகையில் அச்சுறுத்தி வருகிறது. விழாக்கால சலுகை உள்ளிட்ட பல சலுகைகளை வழங்கி, சுயநலப் போக்கில் கட்டணத்தைக் குறைத்து, பொதுமக்களை வலையில் சிக்க வைக்கிறது. இதை புரிந்து கொண்டு, கொள்ளையடிக்கும் இச்செயலுக்கு, அரசு வரி நிர்ணயிக்க வேண்டும்.

* இந்த கஷ்டங்களை எல்லாம் புரிந்து கொண்டு, அரசு கேபிள், "டிவி'யை துரிதமாக கொண்டு வர வேண்டும். அதை பொதுமக்கள் வரவேற்று, கண்டு களிக்கும் வண்ணம், கட்டணம் நிர்ணயிக்க வேண்டும். அரசு கேபிளில் அனைத்து சேனல்களையும், "டிஜிட்டல்' முறையில் வழங்கி, சிறு, குறு ஆபரேட்டர்களுக்கு எந்த பாதிப்பும் ஏற்படாத வகையிலும், அவர்கள் ஆர்வத்துடன் சேவையாற்றும் வகையிலும் வழங்க வேண்டும்.

இவ்வாறு கேபிள், "டிவி' ஆபரேட்டர்கள், தங்கள் மனக்குமுறல்களை கொட்டி வருகின்றனர்.

டி.டி.எச்., இணைப்பு, சன் குழுமத்தின் கேபிள் அடாவடி வசூல் குறித்து உளவு பிரிவு விசாரணை : கண்ணீர் வடிக்கும் கேபிள் ஆபரேட்டர்கள் : தமிழகத்தில், கேபிள், "டிவி' ஆபரேட்டர்களிடம், சன் குழுமம் அடாவடி வசூல் செய்வது, டி.டி.எச்., இணைப்பு போன்றவைகள் குறித்து, உளவுப் பிரிவு போலீசார் ரகசிய விசாரணை நடத்தி, அறிக்கை அனுப்பியுள்ளனர்.

தமிழகத்தில், கேபிள் கட்டணத்தை குறைப்பதற்காக, அரசு கேபிள் இணைப்பு வழங்க நடவடிக்கை எடுக்கப்பட்டு வருகிறது. இதன் முதற்கட்டமாக, தமிழகத்தில் அனைத்து மாவட்டங்களிலும், கேபிள், "டிவி' இணைப்பு பெற்றுள்ளோர் எத்தனை பேர், மாதந்தோறும் எவ்வளவு கட்டணம் செலுத்துகின்றனர், எத்தனை கேபிள் ஆபரேட்டர்கள், கன்ட்ரோல் அறைகள் உள்ளன, கேபிள் ஆபரேட்டர்கள் வசூலிக்கும் தொகையில், சன் குழுமத்திற்கு எவ்வளவு செலுத்துகின்றனர். மற்ற டி.டி.எச்., இணைப்பும் மக்கள் பெற்றுள்ளனரா, இதில் எந்த டி.டி.எச்., இணைப்பை மக்கள் அதிகம் பெற்றுள்ளனர் போன்ற தகவல்கள் குறித்து விசாரித்துள்ளனர்.

இதில், ராமநாதபுரம் மாவட்டத்தில், சன் டி.டி.எச்., 65 ஆயிரம் இணைப்பும், மற்றவைகள் ஐந்தாயிரத்திற்குள்ளும் இருப்பது தெரிய வந்துள்ளது. 2.5 லட்சம் கேபிள் இணைப்பு உள்ளதாகவும், மக்களிடம் அதிகபட்சமாக, 180 ரூபாய் வரை கட்டணம் வசூலித்து, அதில் பெரும்பாலான தொகையை சன் குழுமத்திற்கு, அச்சத்துடன் கேபிள், "டிவி' ஆபரேட்டர்கள் வழங்குவதும் தெரிந்தது. இதுகுறித்து அரசுக்கு அறிக்கை அனுப்பியுள்ளனர்.

கன்ட்ரோல் அறை பறிப்பு : கேபிள், "டிவி' ஆபரேட்டர்களிடம், கட்டண சேனல்களுக்காக, ஒரு இணைப்பிற்கு, 105 ரூபாய் வரை வசூல் செய்தனர். ஒரு கட்டத்தில் கேபிள் ஆபரேட்டர்கள், இணைப்பு எண்ணிக்கையை குறைவாக கூறுகின்றனர் எனக் கூறி, ஆகாஷ் நிறுவனத்தினர், குறிப்பிட்ட பகுதிகளில், மின் இணைப்பு எத்தனை உள்ளது என கணக்கெடுத்தனர். மின் இணைப்பு பெற்றவர்களில், 75 சதவீதம் கேபிள் இணைப்பு இருக்கும் எனக் கூறி, கேபிள் ஆபரேட்டர்களிடம், "நீங்கள் சன் சேனல்கள் இணைப்பு பெற்றதில், பாக்கி 15 முதல், 20 லட்ச ரூபாய் வரை தர வேண்டும்' என மிரட்டி, பணத்திற்காக கேபிள், "டிவி' கன்ட்ரோல் அறையை கைப்பற்றியுள்ளனர். இதுகுறித்தும் உளவுப் பிரிவு, அறிக்கை தயாரித்துள்ளது.

ஒவ்வொரு குடும்பத்துக்கும் மருத்துவ காப்பீடு : அமலாகிறது தமிழக அரசின் புதிய திட்டம்

2011-07-12T20:05:00.000+05:30

சென்னை: "நான்கு ஆண்டுகளுக்கு, ஒவ்வொரு குடும்பமும் நான்கு லட்ச ரூபாய்க்கு மருத்துவ சிகிச்சை பெற்றுக்

கொள்ளும் வகையில், 950 வகையான சிகிச்சை முறைகளுக்கு அனுமதிக்கும், புதிய மருத்துவ காப்பீடு திட்டம் அமல்படுத்தப்படும். இத்திட்டம் செயலுக்கு வரும் வரை, குறிப்பிட்ட தனியார் மருத்துவமனைகளில் சிகிச்சை பெறுவோருக்கான செலவை, அரசே செலுத்தும்' என, முதல்வர் ஜெயலலிதா அறிவித்துள்ளார்.

முதல்வர் ஜெயலலிதாவின் அறிக்கை: மனிதவள மேம்பாட்டில் முக்கிய காரணிகளாக விளங்குவது தரமான கல்வி மற்றும் சுகாதாரம். அந்த அடிப்படையில், மாநிலத்தில் சுகாதாரமான சூழ்நிலையை உருவாக்க வேண்டுமெனில், அனைவருக்கும் தரமான மருத்துவச் சேவை வழங்க வேண்டும். ஆனால், தற்போதுள்ள மருத்துவ காப்பீட்டுத் திட்டம், மக்களின் சுகாதார தேவைகளை முழுமையாக நிறைவு செய்யும் வகையில் இல்லை. இந்த காப்பீட்டுத் திட்டம், தனியார் காப்பீட்டு நிறுவனங்களும், தனியார் மருத்துவமனைகளும் வளர்ச்சியடையவே வழிவகுத்தது.

எனவே, அனைத்து நோய்களுக்கும் சிகிச்சை அளிக்கும் முழுமையான புதிய காப்பீட்டுத் திட்டத்தை செயல்படுத்த உத்தரவிட்டுள்ளேன். தற்போதைய காப்பீட்டுத் திட்டம், இந்த ஆண்டு ஜூலை 5ம் தேதியுடன் முடிந்தது. இந்த அரசால் புதிதாக துவக்கப்பட இருக்கும் காப்பீட்டுத் திட்டத்துக்கான ஒப்பந்தப் புள்ளிகள் விரைவில் வரவேற்கப்படும்.

* முந்தைய காப்பீட்டுத் திட்டத்தில், ஒரு குடும்பத்துக்கு நான்கு ஆண்டுகளுக்கு, ஒரு லட்சம் வீதம் வழங்கப்பட்டு வந்த அதிகபட்ச மருத்துவச் செலவு, இந்த புதிய திட்டத்தில், ஒரு ஆண்டுக்கு ஒரு லட்சம் ரூபாயும், குறிப்பிட்ட சில நோய்களுக்கு, 1.50 லட்சம் ரூபாய் வரையிலும் அனுமதிக்கப்

படும். அதாவது, நான்கு ஆண்டுகளில், ஒரு குடும்பம் அதிகபட்சமாக, 4 லட்சம் ரூபாய்க்கான மருத்துவச் செலவை பெற இயலும்.

* முந்தைய காப்பீட்டுத் திட்டத்தில் அனுமதிக்கப்பட்டிருந்த, 642 வகையான சிகிச்சை முறைகள் மாற்றியமைக்கப்பட்டு, தற்போது மருத்துவ மேலாண்மை மற்றும் பச்சிளங் குழந்தைகளுக்கான சிகிச்சை முறைகளையும் சேர்த்து, புதிய காப்பீட்டு திட்டத்தில், 950 வகையான சிகிச்சை முறைகள்

அனுமதிக்கப்படும்.

* சிகிச்சை சம்பந்தப்பட்ட பரிசோதனைகளும் காப்பீட்டுக்காக வரையறுக்கப்பட்ட தொகையில் அடங்கும். மேலும், அரசு மருத்துவமனைகளின் மூலமோ, மருத்துவ முகாம்களின் மூலமோ பரிந்துரைக்கப்படும் நோயாளிகளுக்கு பரிசோதனைக்காக செலவிடப்பட்ட தொகை, அறுவை சிகிச்சை தேவைப்படாத பட்சத்திலும் காப்பீட்டுத் தொகையில் அடங்கும் வகையில் வழி செய்யப்படும். இவ்வாறு அறுவை சிகிச்சை மேற்கொள்ளாதவர்களுக்கு, ஏற்கனவே இருந்த காப்பீட்டுத் திட்டத்தில், பரிசோதனைச் செலவு வழங்க வழி செய்யவில்லை.

* நோயாளிகள், மருத்துவமனையில் சிகிச்சைக்காக அனுமதிக்கப்படுவதற்கு முந்தைய நாள் மற்றும் சிகிச்சை முடிந்து வீட்டுக்கு திருப்பி அனுப்பப்படும் நாளில் இருந்து, ஐந்து நாட்களுக்கு செய்யப்படும் பரிசோதனைக் கட்டணம் மற்றும் இதர செலவுகளுக்கான தொகையும் இத்திட்டத்தில் வழங்கப்படும். இந்த கட்டணங்களை பெற, முந்தைய காப்பீட்டுத் திட்டத்தில் வழி செய்யவில்லை.

* அறுவை சிகிச்சைக்குப் பின் தொடர் சிகிச்சை தேவைப்படும் சில வகை நோய்களுக்கு, வரையறுக்கப்பட்ட தொகை தனியாக நிர்ணயித்து வழங்கப்படும். இதுவும், முந்தைய திட்டத்தில் இடம்பெறாதது.

*அரசு மருத்துவமனைகள் மற்றும் அதன் செயல்பாடுகளை மேம்படுத்தும் வகையில், தற்போதுள்ள முறைகளை மாற்றி, சிகிச்சைக்காக வரையறுக்கப்பட்ட தொகையை

தனியார் மருத்துவமனைக்கு வழங்குவது போல, அரசு மருத்துவமனைகளுக்கும் முழுமையாக வழங்கப்படும். மேலும், சில குறிப்பிட்ட சிகிச்சை முறைகள், அரசு மருத்துவமனைகளில் மட்டுமே அனுமதிக்கப்படும்.

* புதிய காப்பீட்டுத் திட்டத்தில் அங்கீகரிக்கப்படும் அரசு மருத்துவமனைகளில் காப்பீட்டுத் திட்டத்துக்கென அனைத்து வசதிகளுடன் கூடிய தனி அல்லது சிறப்பு பகுதிகள் அமைக்கப்படும். இதனால், புதிய திட்டத்தின் கீழ் சிகிச்சை பெற பொதுமக்கள் அரசு மருத்துவமனைகளை அதிகளவில் நாடி வருவதற்குரிய சூழல் உருவாகும்.

புதிய காப்பீட்டுத் திட்டத்தை செயல்படுத்துவதற்கான காப்பீடு நிறுவனத்தை தேர்வு செய்ய உரிய நடவடிக்கைகள் மேற்கொள்ளப்படும். புதிய திட்டம் துவங்குவதற்கு முன், இடைப்பட்ட காலத்தில், உடனடியாக உயிர் காப்பதற்கான சிகிச்சை தேவைப்படும் நோயாளிகளுக்கு, தற்போதுள்ள அங்கீகரிக்கப்பட்ட மருத்துவமனைகளில் ஏற்கனவே வரையறுக்கப்பட்டுள்ள மருத்துவச் செலவில் சிகிச்சை அளிக்க வழி செய்யப்படும். இவ்வாறு அளிக்கப்

படும் சிகிச்சைகளுக்கான மருத்துவக் கட்டணத்தை அங்கீகரிக்கப்பட்ட மருத்துவமனைகளுக்கு அரசே வழங்கும்.

புதிய காப்பீட்டுத் திட்டத்தால், தமிழக மக்கள் அனைவருக்கும் தரமான மருத்துவ வசதி கிடைப்பதை என் அரசு உறுதி செய்யும் என முதல்வர் ஜெயலலிதா கூறியுள்ளார்.

புதிய அமைச்சர்கள் பதவி ஏற்பு : திமுகவிற்கான இடம் காலியாகவே உள்ளது: பிரதமர்

2011-07-12T19:58:00.000+05:30

புதுடில்லி: மத்திய அரசில் மாற்றி அமைக்கப்படு புதிதாக அறிவிக்கப்பட்ட மத்திய அமைச்சர்களுக்கு ஜனாதிபதி பதவிப்பிரமாணம் செய்து வைத்தார். இன்று மாலை 5 மணியளவில் ராஷ்டிரபதி பவனில் நடந்த எளிய விழாவில் பிரதமர், மூத்த அமைச்சர்கள் மற்றும் காங்., தலைவர் சோனியா உள்பட முக்கியஸ்தர்கள் பங்கேற்றனர். அமைச்சரவையில் தமக்கு ஒதுக்கப்பட்ட துறைகள் திருப்தி அளிக்கவில்லை என ஸ்ரீகாந்த்ஜெனா , குருதாஸ் காமத் ஆகிய இருவரும் இன்று மாலை நடந்த பதவியேற்பு விழாவுக்கு வரவில்லை.

திமுகவிற்கான இடம் காலியாகவே உள்ளது: பிரதமர் பேட்டி: காங்கிரஸ் ஆட்சியின் செயல்திறன் மற்றும் மாநிலத்தில் அதின் பங்களிப்பு உள்ளிட்டவைகளை கருத்தில் கொண்டு அமைச்சரவை விரிவாக்கம் நடைபெற்றுள்ளதாக பிரதமர் மன்மோகன்சிங் தெரிவித்துள்ளார். புதிய அமைச்சர்கள் பதவியேற்புக்கு பின் பத்திரிகையாளர்களுக்கு பேட்டியளித்த பிரதமர் மன்மோகன் சிங் கூறியதாவது, இது விரைவில் தேர்தல் நடைபெற இருப்பதால், தற்போது நடைபெற்றுள்ள அமைச்சரவை விரிவாக்கம் இறுதியாக இருக்கும் என்றும் அவர் கூறினார். அமைச்சரவையில், திமுகவிற்கான 2 இடங்கள் தொடர்ந்து காலியாகவே உள்ளது. திமுகவின் நிலை மாறும் என்று நம்புகிறேன்.

இளம் எம்.பி.,யான ஜிதேந்திராசிங் ( உள்துறை இணை அமைச்சர் ) , கிஷேர் சந்திரா தேவ் ( மலைவாழ் பழங்குடி நலன் மற்றும் பஞ்சாயத் ராஜ்- காபினட் அமைச்சர்) ,பேனி பிரசாத் வர்மா ( உருக்கு துறை காபினட் ) , ‌‌ ஜெய்ராம்ரமேஷ் ( ஊரக மேம்பாடு காபினட் அந்தஸ்து) ராஜீவ்சுக்லா ( பார்லி., விவகாரம் துறை இணை அமைச்சர்) , மிலிந்த்தியோரா, சட்டீஸ்கர் மாநிலத்தை சேர்ந்த சரண்தாஸ் மகந்த் ( வேளாண் மற்றும் உணவுத்துறை இணை அமைச்சர் ) திரிணாமுல் காங் ., மூத்த தலைவர்களில் ஒருவரான சுதீப்பந்தோபாத்யாயா ( சுகாதாரம் மற்றும் குடும்பநலம் இணை அமைச்சர் பொறுப்பு ) , சரண்தாஸ்மகந்த் , ஸ்ரீகாந்த்ஜெனா (புள்ளிஇயல் மற்றும் திட்டம்) , குருதாஸ் காமத் ( குடிநீர் மற்றும் கழிவுநீர்), பவன்சிங் பத்தோவர் உள்பட மொத்தம் 13 பேர் புதிதாக அமைச்சரவையில் சேர்க்கப்பட்டுள்ளனர். இதில் 4 பேருக்கு காபினட் அந்தஸ்து வழங்கப்பட்டுள்ளது.

சட்டத்துறை சல்மான்குர்ஷீத்துக்கும், ரயில்வே துறை திரிணாமுல் காங்கிரஸ் கட்சியை சேர்ந்த தினேஷ்திரிவேதிக்கும் ( காபினட் அந்தஸ்து) புதிதாக அமைச்சர் பொறுப்பு பெறும் தமிழகத்தை சேர்‌ந்தவரும் காங்., செய்தி தொடர்பாளருமான, ஜெயந்திநடராஜனுக்கு சுற்றுச்சூழல் துறையும், இணை அமைச்சர் தனிப்பொறுப்பு அந்தஸ்து வழங்கப்பட்டுள்ளது.

கடந்த 2 மாதங்களாக மத்திய அமைச்சரவையில் மாற்றம், மாற்றம் என பேசி வந்த இந்த பிரச்னையில் நீண்ட இழுபறிக்கு பின்னர் இன்று முடிவு ஏற்படுகிறது. ஜனாதிபதி- பிரதமரின் வெளிநாட்டு பயணம், மற்றும் உள்நாட்டு அரசியல் காரணமாக தள்ளிப்போனதில் காங்., தலைவர் சோனியா மற்றும் ராகுல் எண்ணத்திற்கேற்ப இன்று தீர்மானம் செய்யப்படுகிறது.

ஊழல் விவகாரம் மற்றும் ராஜினாமா விருப்பம், உள்ளிட்ட காரணங்களினால் பல அமைச்சர்கள் கூடுதல்பொறுப்பாக ஒரு சில துறைகளை கவனித்து வருகின்றனர். அமைச்சரவையில் என்ன நடந்தாலும் இதற்கு பொறுப்பு பிரதமரே என்றும் இது தொடர்பான விளக்கம் அளிக்கும் கடமை பிரதருக்கே உள்ளது என்றும் எதிர்தரப்பினர் அவ்வப்போது நினைவு படுத்தி வருவதால் பிரதமர் இந்தமுறை அமைச்சரவை பட்டியல் செய்ய காலம் தாமதித்திருக்கலாம் என்று கூறப்படுகிறது.

தற்போது 4 முக்கியப்புள்ளிகளாக கருதப்படும் பிரணாப்முகர்ஜி ( நிதித்துறை), ப.சிதம்பரம் (உள்துறை), ஏ.கே.அந்தோணி (பாதுகாப்பு), எஸ்.எம்., கிருஷ்ணா ( வெளியுறவு துறை) ஆகிய நான்கு பேர் துறையில் மாற்றம் இல்லை. மேலும் ராஜினாமா கேட்டுள்ள முரளிதியோரா விடுவிக்கப்படுகின்றனர். ராஜினாமா கொடுத்துள்ள தயாநிதி விலக்கல் இன்று அதிகாரப்பூர்வமாக அறிவிக்கப்பட்டது.

புதிதாக சேர்க்கப்படும் பெயர்கள் : மலிந்தியோரா (முரளிதியோராவின் மகன்) இவரிடம் தொலைதொடர்பு மற்றும் தகவல் தொழில்நுட்பம் இணை அமைச்சர் பொறுப்பு வழங்கப்படுகிறது. , ஜெயந்திநடராஜனுக்கு சுற்றுச்சூழல்துறை தனிப்பொறுப்பு அந்தஸ்து வழங்கப்படுகிறது. திரிணாமுல் காங்கிரஸ் கட்சியில் இணைஅமைச்சராக இருந்த தினேஷ்திரிவேதிக்கு ( ரயில்வே துறை ) காபினட் அந்தஸ்து வழங்கப்படுகிறது. தயாநிதி வகித்து வந்த ஜவுளித்துறை , வர்த்தக துறையை கவனித்து வரும் ஆனந்த்சர்மாவுக்கு கூடுதல் பொறுப்பாக ஜவுளித்துறை வழங்கப்படுகிறது. கபில்சிபல் தகவல்தொழில்நுட்பம், மற்றும் மனிதவளம் தக்க வைத்துக்கொண்டார்.

நீக்கப்படுவோர் பெயர் விவரம்: பி.கே., ஹந்திகியூ, காந்திலால்பூரியா, எம்.எஸ்.,கில், முரளிதியோரா, சாய்பிரதாப், அருண். எஸ்.யாதவ், தயாநிதி, பி.கே., பண்டிக் ஆகிய 7 பேர் நீக்கப்பட்டனர். இவர்களுடைய ராஜினமா ஏற்றுக்கொள்ளப்பட்டதாக ஜனாதிபதி அலுவலக செய்திக்குறிப்பில் கூறப்பட்டுள்ளது.

உ .பி., மாநில தேர்தலை கருத்தில் கொண்டு இணைஅமைச்சராக இருக்கும் பேனிபிரசாத்துக்கு காபினட் அந்தஸ்து வழங்க கட்சி முடிவு செய்திருப்பதாக தெரிகிறது.

கீழ்வருவனவற்றில் வழங்கப்படும் புதிய பொறுப்புக்கள் அடைகுறிப்புக்குள் தரப்பட்டுள்ளது. சட்டஅமைச்சர் வீரப்ப மொய்லி ( கம்பெனி விவகாரம்) , சுற்றுச்சூழல் துறை ஜெய்ராம்ரமேஷ் ( கிராமப்புற மேம்பாடு) , சிறுபான்மை துறை சல்மான்குர்ஷீத் ( சட்டத்துறை ) , ஊரகவளர்ச்சி துறை அமைச்சராக இருந்து வந்த விலாஸ்ராவ் தேஷ்முக் ( அறிவியல் மற்றும் தொழில்நுட்பம் ) ரயி்ல்வே துறை இணை அமைச்சராக கவனித்து வந்த முகுல்ராய் (கப்பல்துறை இணை அமைச்சர்) பொறுப்புகள் வழங்கப்படுகிறது. பார்லி., விவகாரத்துறை கவனித்து வரும் பவன்குமார்பன்சிலாலுக்கு கூடுதல் பொறுப்பாக நீர்ஆதாராம் வழங்கப்படுகிறது. பார்லி., இணை அமைச்சராக இருந்த நாராயணசாமியிடம் ( புதுச்சேரியை சேர்ந்தவர் ) இருந்து பொறுப்பு பறிக்கப்பட்டுள்ளது. இவருக்கு பணியாளர் நலன் மற்றும் ஓய்வூதியம் துறை ஒதுக்கப்பட்டுள்ளது.

தி.மு.க., நிலை என்ன ? கருணாநிதி பேட்டி சமீபத்திய ஸ்பெக்ட்ரம் ஊழல் காரணமாக 2 அமைச்சர் பதவியை இழந்து நிற்கும் தி.மு.க., இதுவரை இந்த அமைச்சரவை மாற்றத்தில் ஆர்வம் காட்டவில்லை. யாருக்கும் புதிய வாய்ப்பு இந்த கட்சியை சேர்ந்தவர்களுக்கு கிடைக்காது என்று நிலை உள்ளது. இந்நிலையில் மத்திய அமைச்சரவை மாற்றம் குறித்த கேள்விக்கு பதிலளித்துள்ள தி.மு.க.,தலைவர் கருணாநிதி கூறியிருப்பதாவது:

மத்திய அமைச்சரவையிலிருந்து நீக்கப்பட்ட அமைச்சர்களுக்கு பதிலாக, அமைச்சரவையில் இடம் வேண்டும் என தான் பிரணாப் முகர்ஜியிடம் கேட்கவில்லை. மேலும் மத்திய அமைச்சரவை மாற்றம் முடிந்துவிடவில்லை என்றும், மாற்றம் குறித்து முறையான அறிவிப்பு வெளியான பின் கருத்து கூறுவதாகவும் தெரிவித்தார். அமைச்சரவை மாற்றம் மற்றும் மத்திய அரசுடனான இதர பிரச்னைகள் குறித்து கட்சியின் பொதுக்குழு கூட்டத்தில் பேசி முடிவெடுக்கவுள்ளதாகவும் அவர் கூறினார்.

துவங்கியது தமுமுகவின் குறை கேட்பு முகாம்! பொது மக்கள் ஆதரவு !

2011-07-12T19:35:00.000+05:30

மக்களின் குறை கேட்கும் முகாம்

தமிழ்நாடு முஸ்லிம் முன்னேற்றக் கழகம் மற்றும் மனித நேய மக்கள் கட்சி இணைந்து நடத்திய பொது மக்கள் குறை கேட்கும் முகாமில் பொது மக்களிடம் இருந்து வந்த மனுக்களின் விவரம்...1.விதவை உதவி தொகை மனுக்கள் =289 2.முதியோர் உதவி தொகை மனுக்கள் =2723.ஊனமுற்றோர் உதவி தொகை மனுக்கள் = 85 4.பேரூராட்சி சம்பந்தமாக மனுக்கள் =128 5.மின்சார வாரியம் சம்...

இன்று (11/07/2011) தமுமுகவின் குறை கேட்பு முகாம் நடைபெறும் என்று நேற்று அதிரை முழுவதும் ஒலிபெருக்கி முலம அறிவிக்கப்பட்டது. நான்கு இடங்களில் நடைபெறுவதாக அறிவிக்கப்பட்டது. மேலத்தெரு காட்டுப்பள்ளி , செக்கடிக் குளம் ,பழைய போஸ்ட் ஆபிஸ் மற்றும் தக்வா பள்ளி அருகிலும் நடைபெறும் என்று அறிவிக்கப்பட்டு இருந்தது. அதிரை பிபிசி யின் கோரிக்கையை ஏற்று ...

அதிரையில் நேற்று (11/07/2011)மாலை பலத்த காற்றுடன் கண மழை பெய்தது

துவங்கியது தமுமுகவின் குறை கேட்பு முகாம்! பொது மக்கள் ஆதரவு !

இன்று (11/07/2011) தமுமுகவின் குறை கேட்பு முகாம் நடைபெறும் என்று நேற்று அதிரை முழுவதும் ஒலிபெருக்கி முலம அறிவிக்கப்பட்டது. நான்கு இடங்களில் நடைபெறுவதாக அறிவிக்கப்பட்டது. மேலத்தெரு காட்டுப்பள்ளி , செக்கடிக் குளம் ,பழைய போஸ்ட் ஆபிஸ் மற்றும் தக்வா பள்ளி அருகிலும் நடைபெறும் என்று அறிவிக்கப்பட்டு இருந்தது. அதிரை பிபிசி யின் கோரிக்கையை ஏற்று தக்வா பள்ளி அருகில் அறிவிக்கப்பட்டு இருந்த முகாம் தரகர் தெரு கடற்கரை தெரு நடுவில் இருக்கும் ஆறுமுக கிட்டங்கிதெருக்கு மாற்றப்பட்டது . காலை பத்துமணி முதல் மாலை 5 மணி வரை முகாம் நடைபெற்றது . முன்னதாக முகாமை அதிரை தமுமுக தலைவர் உமர்தம்பி மற்றும் அஜ்வா நைனா ஆகியோர் துவைக்கிவைத்தனர் . முகாம் துவங்கியதலிருந்து முடியும் வரை நூற்றுக்கணக்கானவர்கள் தங்கள் மனுக்களை அளித்துள்ளனர் .

தமிழ்நாடு முஸ்லிம் முன்னேற்றக் கழகம் மற்றும் மனித நேய மக்கள் கட்சி இணைந்து நடத்திய பொது மக்கள் குறை கேட்கும் முகாமில் பொது மக்களிடம் இருந்து வந்த மனுக்களின் விவரம்...

2011-07-12T19:27:00.000+05:30

1.விதவை உதவி தொகை மனுக்கள் =289

2.முதியோர் உதவி தொகை மனுக்கள் =272

3.ஊனமுற்றோர் உதவி தொகை மனுக்கள் = 85

4.பேரூராட்சி சம்பந்தமாக மனுக்கள் =128

5.மின்சார வாரியம் சம்பந்தமாக மனுக்கள் = 79

6.குடும்ப அட்டை சம்பந்தமாக மனுக்கள் = 55

மொத்த மனுக்களின் எண்ணிக்கை = 908

பொது மக்களிடம் மனுக்களை பெற்ற கழக நிர்வாகிகள் இதற்கு சம்பந்தப்பட்ட அதிகாரிகளிடம் பரிசிலித்து உரிய நடவடிக்கை எடுக்கப்படும் என உறுதி அளித்தனர்.

இலவச மிக்சி, மின்விசிறி, கிரைண்டருக்கான டெண்டர் திறப்பு : 55 நிறுவனங்களின் விண்ணப்பங்கள் பரிசீலனை

2011-07-12T12:36:00.000+05:30

தமிழகத்திலுள்ள ரேஷன் அட்டைதாரர்களுக்கு, இலவசமாக அரசு வழங்கவிருக்கும் மிக்சி, கிரைண்டர் மற்றும் மின்விசிறி சப்ளை செய்வதற்கான தொழில்நுட்ப டெண்டர் விண்ணப்பங்கள் நேற்று திறக்கப்பட்டன. மொத்தம் 55 நிறுவனங்கள் டெண்டரில் பங்கேற்றுள்ளன. "அ.தி.மு.க., ஆட்சி அமைந்தால், அனைத்து ரேஷன் அட்டைதாரர்களின் குடும்பங்களுக்கும் இலவசமாக மிக்சி, கிரைண்டர், மின்விசிறி வழங்கப்படும்' என, தேர்தல் அறிக்கையில் வாக்குறுதி அளிக்கப்பட்டது. இதன்படி, வரும் "செப்., 15ம் தேதி முதல், ரேஷன் அட்டைதாரர்களுக்கு மிக்சி, கிரைண்டர் மற்றும் மேஜை மின்விசிறி வழங்கப்படும்' என, முதல்வர் ஜெயலலிதா அறிவித்தார். மூன்று பொருட்களையும் சப்ளை செய்யும் நிறுவனங்களை, தேர்வு செய்யும் டெண்டருக்கான விண்ணப்பங்கள் பெறுதல், கடந்த ஜூன் 4ம் தேதி துவங்கி, நேற்றுடன் முடிந்தது.

சென்னை புரசைவாக்கத்தில், தமிழ்நாடு நுகர்பொருள் வாணிபக் கழக தலைமை அலுவலகத்தில், மூன்று பெட்டிகள் "சீல்' வைக்கப்பட்டு, விண்ணப்பங்கள் பெறப்பட்டன. மிக்சிக்கான விண்ணப்பம் பெறுவது, காலை 11 மணிக்கு முடிந்ததால், 11.30 மணிக்கு திறக்கப்பட்டன. "டேபிள் டாப்' கிரைண்டருக்கான விண்ணப்பங்கள், நண்பகல் 1.30 மணிக்கும், மேஜை மின்விசிறிக்கு பிற்பகல் 2.30 மணிக்கும் திறக்கப்பட்டன.

தமிழ்நாடு நுகர்பொருள் வாணிபக் கழக மேலாண் இயக்குனர் வீரசண்முகமணி தலைமையில், நுகர்பொருள் வாணிபக் கழக வர்த்தக பிரிவு அதிகாரிகள், தர சோதனை பிரிவு, தொழில்துறை, வணிக வரித்துறை, மத்திய பிளாஸ்டிக் தொழில்நுட்ப நிறுவனம் (சிப்பெட்), மருத்துவப்பணிகள் கழகம் ஆகிய துறை அதிகாரிகள், தொழில்துறை ஆடிட்டர்கள், வணிக வரித்துறை ஆலோசனைக் குழுவினர் மற்றும் சட்ட ஆலோசகர்கள் அடங்கிய குழுவினர் மற்றும் பத்திரிகையாளர்கள் முன், டெண்டர் பெட்டிகள் திறக்கப்பட்டன. டெண்டர் திறக்கும் நிகழ்வு முழுவதும், வீடியோ படமாக எடுக்கப்பட்டது. அனைத்து நிறுவனங்களும், இரண்டு வகையான விண்ணப்பங்களை சமர்ப்பித்துள்ளன. இதில், தொழில்நுட்ப டெண்டர் விண்ணப்பங்கள் மட்டும் நேற்று திறக்கப்பட்டன. விலை நிர்ணயம் குறித்த, விண்ணப்பங்கள், சீலிட்ட கவரில் பாதுகாப்பாக வைக்கப்பட்டன. அவை ஒரு வாரத்திற்கு பின், திறக்கப்பட உள்ளது. தொழில்நுட்ப விண்ணப்பத்தில், அரசு அறிவித்துள்ள நிபந்தனைகளுக்கு உட்பட்டு தங்கள் நிறுவனம் எவ்வாறு செயல்படும், நிறுவனத்தரம், நிறுவன உற்பத்தி திறன், தரம், சேவை குறித்த விவரங்கள், தொழிற்சாலை, பரிசோதனைக்கூடம் விவரங்கள் உள்ளிட்ட பல்வேறு தகவல்களை நிறுவனங்கள் தெரிவித்துள்ளன.

டெண்டரில் பங்கேற்பதற்கான நிறுவன அங்கீகார சான்று, நிறுவனங்களின் சுயவிவரங்கள், மாதிரி பொருட்களுக்கான பரிசோதனைக்கூட அண்மைக்கால சான்றிதழ், ஐந்து லட்ச ரூபாய்க்கான வங்கி வரைவோலை, "வாட்' மற்றும் வணிகவரி சான்றிதழ், வருமானவரி கணக்கு, நிறுவன கணக்கு பேலன்ஸ் ஷீட், கறுப்புப் பட்டியலில் இல்லை என்பதற்கான சான்றிதழ், பொருட்களை தயாரிக்கும் வீடியோ காட்சிகள் உள்ளிட்ட 22 ஆவணங்கள், டெண்டரில் கேட்கப்பட்டுள்ளன. விண்ணப்பித்த ஒவ்வொரு நிறுவனத்திடமும், அவர்களது தயாரிப்பு பொருட்களின் இரண்டு "சாம்பிள்கள்' மற்றும் அவற்றை பரிசோதித்த சான்றிதழ்கள் பெறப்பட்டுள்ளன. நேற்றைய டெண்டர் திறப்பில் பங்கேற்ற அதிகாரிகள், தொழில்நுட்ப கமிட்டி, டெண்டர் திறப்புக்கமிட்டி மற்றும் பரிசீலினை கமிட்டி என மூன்று பிரிவாக பிரிக்கப்பட்டு, டெண்டர்கள் திறந்து பரிசீலிக்கப்பட்டன.

இதுகுறித்து, சிவில் சப்ளைஸ் உயரதிகாரி ஒருவர் கூறும்போது,"பல்துறை வல்லுனர்கள் அடங்கிய குழுவினர் மூலம் விண்ணப்பங்கள் பரிசீலிக்கப்படும். பின், அரசு அமைத்துள்ள 30 குழுக்கள், சம்பந்தப்பட்ட நிறுவனங்களின் விவரக்கோப்புடன், தொழில் நிறுவனங்களின் அலுவலகம் மற்றும் தொழிற்சாலைகளில் நேரடி ஆய்வு நடத்தி, உண்மை நிலை அறிக்கை தருவர். இதையடுத்து, தகுதி பெறும் நிறுவனங்களின் விலை நிர்ணய டெண்டர் விண்ணப்பங்கள் திறக்கப்படும்' என்றார்.

ஒவ்வொரு குடும்பத்துக்கும் மருத்துவ காப்பீடு : அமலாகிறது தமிழக அரசின் புதிய திட்டம்

2011-07-12T12:29:00.000+05:30

தயாநிதி மீதான குற்றச்சாட்டுக்கள் உண்மையே:அதிகாரிகள் வாக்குமூலம்

2011-07-10T18:49:00.000+05:30

புதுடில்லி:"தயாநிதி மீது ஏர்செல்லின் முன்னாள் உரிமையாளர் சிவசங்கரன் சுமத்திய குற்றச்சாட்டுகள் உண்மையே' என, தொலைத்தொடர்புத் துறை அதிகாரிகள் மூவர், சி.பி.ஐ.,யிடம் வாக்குமூலம் அளித்துள்ளனர். இதனடிப்படையில், தயாநிதியிடம் சி.பி.ஐ., அதிகாரிகள் விரைவில் விசாரணை நடத்த உள்ளனர்.தொலைத் தொடர்புத் துறை அமைச்சராக தயாநிதி இருந்தபோது, 2004 முதல் 2005 வரை அத் துறைச் செயலராக இருந்து, தற்போது ஓய்வு பெற்றுள்ளவர் நிருபேந்திர மிஸ்ரா. அப்போது மிஸ்ராவின் உதவியாளர்களாக இருந்தவர்கள் ராம்ஜி சிங் குஷாவா, பி.கே.மிட்டல். இவர்களில் ராம்ஜி சிங் குஷாவா, தற்போது தொலைத் தொடர்புத் துறையில், தந்தியில்லாத் துறையின் இணை ஆலோசகராக உள்ளார். மிட்டல் தற்போது காஷ்மீர் பிராந்திய தொலைத்தொடர்புத் துறையின் தலைமைப் பொது மேலாளராக பணிபுரிகிறார்.

கடந்த 2001-2006 காலகட்டத்தில் நடந்த ஸ்பெக்ட்ரம் ஒதுக்கீடு குறித்து விசாரணை நடத்த, சுப்ரீம் கோர்ட் சமீபத்தில் உத்தரவிட்டது. அதனடிப்படையில், இவர்கள் மூவரிடமும், சி.பி.ஐ., அதிகாரிகள் விசாரணை நடத்தி, அவர்களின் வாக்குமூலங்களை சமீபத்தில் பதிவு செய்தனர். அப்போது மூவரும், "கூடுதல் உரிமங்கள் மற்றும் ஸ்பெக்ட்ரம் ஒதுக்கீடு கேட்டு, ஏர்செல் சார்பாக, சிவசங்கரன் தாக்கல் செய்த விண்ணப்பங்களை தயாநிதி வேண்டுமென்றே இரண்டு ஆண்டுகளாக நிறுத்தி வைத்தார். உரிமங்கள் தரவும், ஸ்பெக்ட்ரம் ஒதுக்கீடு செய்யவும் மறுத்து வந்தார். வேண்டுமென்றே இழுத்தடித்தார். இந்த விவகாரத்தில், உரிமம் வழங்கும்படி, நாங்கள் தெரிவித்த யோசனைகளை எல்லாம் நிராகரித்து விட்டார்' என்று தெரிவித்துள்ளதாக கூறப்படுகிறது. அதனால், இந்த வாக்குமூலங்கள் அடிப்படையில், தயாநிதிக்கு எதிராக முதல் தகவல் அறிக்கையாக (எப்.ஐ.ஆர்.,) பதிவு செய்ய சி.பி.ஐ., திட்டமிட்டுள்ளது.

இந்த வாரம் அவரை அழைத்து விசாரணை நடத்தவும் தீர்மானித்துள்ளது.இந்த வாரம் விசாரணைக்கு வர முடியுமா என்பது குறித்து, தயாநிதிக்கு சி.பி.ஐ., அதிகாரிகள் கடிதம் அனுப்ப உள்ளதாகவும் தகவல்கள் வெளியாகியுள்ளன. தயாநிதி, தற்போது அமைச்சர் பதவியில் இருந்து விலகி விட்டதால், அவரை விசாரிக்க மத்திய அரசின் அனுமதியை சி.பி.ஐ., பெற வேண்டியதில்லை என்பது குறிப்பிடத் தக்கது.

தயாநிதி வெளியேற்றம்: தி.மு.க.,வில் குஷி

2011-07-10T18:10:00.000+05:30

நீண்ட நாள் எதிர்பார்ப்பு இப்போது நிறைவேறிய சந்தோஷத்தில் தி.மு.க.,வினர் உள்ளனர். அந்தளவுக்கு, தயாநிதியின் செயல்பாடுகளை, தி.மு.க.,வின் மேல்மட்டத் தலைவர்கள் முதல் அடிமட்டத் தொண்டர்கள் வரை வெறுத்து வந்துள்ளனர்.

தயாநிதி மற்றும் கலாநிதி ஆகியோரின் போக்கை தி.மு.க., தலைவர் கருணாநிதியும் ரசிக்கவில்லை. "ஸ்பெக்ட்ரம்' விவகாரத்தில் ராஜா கைதாகி சிறை சென்ற போது கூட, ராஜா தவறு செய்யவில்லை, வழக்கை சந்தித்து நிரபராதி என்று நிரூப்பிபோம் என ராஜாவுக்கு ஆதரவாகவே கருணாநிதி பேசினார். தி.மு.க., பொதுக் குழுவிலும் இதற்கான தீர்மானம் நிறைவேற்றப்பட்டது.

ஆனால், தயாநிதி விவகாரத்தில் ஒதுங்கி நிற்கும் பாணியையே அவர் கடைபிடித்து வருகிறார். சுப்ரீம் கோர்ட்டில் தயாநிதி மீது சி.பி.ஐ., குற்றம் சுமத்தியதும், தயாநிதியிடம் பேசாமல், டில்லியிலிருந்த டி.ஆர்.பாலுவை அழைத்து, "தயாநிதியை ராஜினாமா செய்யச் சொல்' என கருணாநிதி கூறியுள்ளார். அந்தளவுக்கு அவர் கோபமாக இருப்பதாக தி.மு.க., தலைவர்கள் கூறுகின்றனர்.

"ஸ்பெக்ட்ரம்' விவகாரம் பூதாகரமாக வெடித்து, கனிமொழி மற்றும் ராஜாவை பழி வாங்கியதோடு மட்டும் அல்லாமல், கட்சிக்கு பெரும் தலைக்குனிவை ஏற்படுத்த தயாநிதி தான் காரணம் என தலைவர் நினைக்கிறார். நல்லவர்களாக காட்டிக் கொள்ள முயன்ற இவர்களின் குட்டு இப்போது வெளிப்பட்டு விட்டது' என தி.மு.க., மூத்த தலைவர் ஒருவர் கூறுகிறார்.

அவர் மேலும் கூறுகையில், "மேக்சிஸ் நிறுவனத்துக்கு ஏர்செல்லை விற்க நிர்பந்தித்து, அதுவரை ஏர்செல் நிறுவனத்துக்கு "2ஜி'லைசென்ஸ் வழங்காமல் இழுத்தடித்து காரியம் சாதித்துள்ளார். இதற்கு, தங்களது நிறுவனத்துக்கு மேக்சிஸ் நிறுவனத்தின் முதலீட்டைப் பெற்றனர் என்பது சி.பி.ஐ., தயாநிதி மீது சுமத்தியுள்ள குற்றச்சாட்டு. இதை பார்க்கும்போது, தி.மு.க., கொடுத்த அமைச்சர் பதவியை, தங்களது நிறுவன வளர்ச்சிக்காக மட்டுமே அவர்கள் பயன்படுத்தி உள்ளனர். அவரால் கட்சிக்கு எந்தப் பயனும் இல்லை என்பது வெட்ட வெளிச்சமாகத் தெரிகிறது' என்கிறார்.

"தயாநிதியை கட்சிக்கு கொண்டு வந்தது கருணாநிதி. அவரது எதிர்பார்ப்புக்கு தயாநிதி இருப்பார் என நினைத்தோம். ஆனால், பேரன் என்ற உறவைப் பயன்படுத்திக் கொண்டு, கட்சியை அவர்கள் கட்டுப்பாட்டுக்குள் கொண்டுவர நினைத்தனர். ஒரு கட்டத்தில், கட்சியை உடைக்கவும் அவர்கள் முயன்றனர். கட்சியில் தொண்டர் பலமே இல்லாமல், இதுபோன்ற காரியங்களில் ஈடுபட்ட அவர்கள் மீது, கட்சி இதுவரை எந்த நடவடிக்கையும் எடுக்காதது மிகுந்து வருத்தத்தைத் எங்களைப் போன்றவர்களுக்குத் தருகிறது' என ஆற்றாமையுடன் கூறுகிறார் மாவட்ட நிர்வாகி ஒருவர்.

தி.மு.க., நிர்வாகிகள் மற்றும் தொண்டர்கள் மனநிலையைப் பார்க்கும்போது, தயாநிதி விவகாரத்தை தி.மு.க, பெரிதாக கண்டு கொள்வதாகத் தெரியவில்லை. கட்சி எம்.பி., என்பதால், மீடியாக்களை சந்திக்கும்போது எழும் கேள்விகளுக்கு, மழுப்பலான பதில்களை கூறுவிட்டு தி.மு.க., தலைமையும் நின்றுவிடும் எனத் தெரிகிறது.

"ஸ்பெக்ட்ரம்' விவகாரத்தில் பெரும் அவப்பெயரை சந்தித்துள்ள நிலையில், ஐக்கிய முற்போக்கு கூட்டணி அரசின் மீதமுள்ள 3 ஆண்டு காலத்தில், காங்கிரசிடம் எதிர்பார்ப்பு இல்லாமல் இருந்துவிடவே தி.மு.க., நினைக்கிறது.

ராஜா, தயாநிதி ஆகியோரால் மத்திய அமைச்சரவையில் ஏற்பட்டுள்ள காலியிடத்துக்கு யாரையும் பரிந்துரைக்க தி.மு.க., தலைமை விரும்பவில்லை என்று கூறப்படுகிறது. கனிமொழிக்கு ஜாமின் வாங்குவதே தி.மு.க., முன் உள்ள முக்கிய அஜெண்டாவாக இருக்கிறது. காங்கிரசுடன் மோதல் போக்கை கடைபிடிக்காமல், மூன்றாண்டை கடத்திவிட்டு, 2014 லோக்சபா தேர்தலுக்கு புதிய கூட்டணியை உருவாக்குவதே தி.மு.க.,வின் இலக்காக இருக்கிறது.

ரேஷன் கார்டுகள் பதிவுக்கு தடை: காஸ் நுகர்வோர் நிம்மதி

2011-07-10T10:35:00.000+05:30

திண்டுக்கல்: மண்ணெண்ணெய் வினியோகத்தை முறைப்படுத்த,சிலிண்டர் எண்ணிக்கை குறித்து, ரேஷன் கார்டுகளில் பதிய அரசு உத்தரவிட்டது. இப்பதிவு இரண்டு மாதத்திற்கு நடக்கும் என, அறிவுறுத்தப்பட்டது. பதிவு செய்ய, காஸ் ஏஜன்சிக்கு, நுகர்வோர் படையெடுத்தனர். நீண்ட வரிசை, தள்ளுமுள்ளு, தகராறு, மறியல் என, பிரச்னைகள் தலை தூக்கின. இப்பிரச்னைக்கு தீர்வு காண முடியாமல், அதிகாரிகள் திணறி வந்தனர். ஒரு நாளுக்கு, 150 கார்டுகள் மட்டும் பதிவு செய்யும் நிலை ஏற்பட்டதால், நுகர்வோர் அவதிப்பட்டனர்.

இது குறித்து, சிவில் சப்ளை துறை செயலர் ஜிஜேந்திரன், வீடியோ கான்பரன்சிங் மூலம், மாவட்ட வழங்கல் அலுவலர்களிடம் ஆலோசனை நடத்தினார். இதில், நுகர்வோரின் அவதிகள் குறித்து விளக்கினர். இதனால் காஸ் ஏஜன்சியில் பதிய தடை விதித்து, செயலர் உத்தரவிட்டுள்ளார். காஸ் நுகர்வோர் பட்டியலை கம்ப்யூட்டரில் எடுத்து, ரேஷன் கார்டுடன் ஒப்பிட, காஸ் ஏஜன்சி, சிவில் சப்ளை துறையினருக்கு அறிவுறுத்தப்பட்டுள்ளது.

கியாஸ் சிலிண்டர் விவரங்களை ரேஷன் கார்டில் பதிவு செய்ய அலைக்கழிக்கக் கூடாது: ஏஜென்சிகளுக்கு அரசு உத்தரவு

2011-07-08T18:42:00.000+05:30

சென்னை, ஜூலை 8-

தமிழ்நாட்டில் கியாஸ் இணைப்பு இல்லாத வீடுகளுக்கு மாதம் தோறும் 10 லிட்டர் மண்எண்ணை மானிய விலையில் வழங்கப்படுகிறது. கியாஸ் 2 சிலிண்டர்கள் உள்ள குடும்பங்களுக்கு மண்எண்ணை கிடையாது. ஒரு சிலிண்டர் உள்ள குடும்பத்துக்கு 3 லிட்டர் மண்எண்ணை ரேஷன் கடை மூலம் வழங்கப்பட்டு வருகிறது.

ஆனால் பல ரேஷன் அட்டைதாரர்கள் தங்களது கியாஸ் இணைப்புகளை மறைத்து தொடர்ந்து மண்எண்ணை பெற்று வருவதாக புகார்கள் வந்தன. இதை தடுப்பதற்காக அனைத்து ரேஷன் கார்டுதாரர்களும் கியாஸ் சிலிண்டர்களை பதிவு செய்ய வரும் போது தங்களது ரேஷன் அட்டையையும் கொண்டு வந்து அதில் கியாஸ் சிலிண்டர் எண்ணிக்கை விவரங்களை பதிவு செய்ய வேண்டும் என ஏற்கனவே உத்தரவிடப்பட்டிருந்தது.

அதன்படி பெரும்பாலான ரேஷன் கார்டுகளில் சிலிண்டர் இணைப்பு பற்றிய விவரம் பதிவு செய்யப்பட்டுள்ளது. இவ்வாறு பதிவு செய்யப்பட்டவர்களுக்கு ரேஷன் கடைகளில் மண்எண்ணை வழங்குவது நிறுத்தப்பட்டது.

இந்த நிலையில் மண்எண்ணை ஒதுக்கீடு குறைவாக உள்ளதால் கியாஸ் சிலிண்டர் வைத்திருப்பவர்கள், மண்எண்ணை பெறுகிறார்களா? என்பதை கண்டறிய திடீர் ஆய்வு மேற்கொள்ளப்பட்டு வருகிறது.

இதற்காக கியாஸ் ஏஜென்சிகளுக்கு வந்து ரேஷன் கார்டுகளை காட்டி, இணைப்பு பற்றிய விவரத்தை பதிவு செய்ய வேண்டும் என்று கூறப்பட்டு வருகிறது. இதனால் பல ஏஜென்சிகளில் ஒரே நேரத்தில் மக்கள் கூட்டம் அதிகமாகிவிடுகிறது.

இதனால் பொதுமக்களுக்கு, ஏற்பட்டுள்ள சிரமத்தை போக்க அதிகாரிகள் ஆலோசனை நடத்தினார்கள். ஏற்கனவே தமிழக உணவுத் துறை வசம் சிலிண்டர் இணைப்பு பெற்றுள்ள குடும்பத்தினர் பட்டியல் உள்ளதாலும், எண்ணை நிறுவனங்களிடம் இதே போல் பட்டியல் இருப்பதாலும் மக்களை தேவையின்றி அலைக்கழிக்ககூடாது என்று அரசு உத்தரவு பிறப்பித்துள்ளது.

உணவுத் துறை மற்றும் எண்ணை நிறுவனங்களின் பட்டியலை ஒப்பிட்டு பார்த்து அதில் இடம் பெறாத குடும்ப அட்டைதாரர்களை கண்டுபிடிக்க உள்ளனர். இந்த கார்டுதாரர்களை மட்டும் கடைகளுக்கு வரவழைத்து ரேஷன் கார்டுகளில் கியாஸ் சிலிண்டர் விவரங்களை பதிவு செய்ய வேண்டும் என்றும் உத்தரவிடப்பட்டுள்ளது.

2011-07-07T18:41:00.000+05:30

புதுடெல்லி, ஜூலை. 7-

மத்திய மந்திரி தயாநிதி மாறன் 2004-ம் ஆண்டு முதல் 2007-ம் ஆண்டு வரை தொலைத் தொடர்புத்துறை மந்திரியாக இருந்தபோது 2ஜி ஸ்பெக்ட்ரம் ஒதுக்கீட்டில் முறைகேடு செய்த தாக சி.பி.ஐ. குற்றம் சாட்டியுள்ளது.

சன் டி.வி. குழும நிறுவனங்கள் ஆதாயம் பெற வேண்டும் என்ற ஒரே நோக்கத்துடன் அவர் தனது பதவியை தவறாக பயன்படுத்தியதாக குற்றச்சாட்டுகளில் கூறப்பட்டுள்ளது.

ஏர்செல் நிறுவன உரிமையாளர் சிவசங்கரன் ஸ்பெக்ட்ரம் உரிமம் கேட்டு விண்ணப்பித்த போது தயாநிதிமாறன் சுமார் 2 ஆண்டுகளாக உரிமம் கொடுக்காமல் இழுத்தடித் தார். இதையடுத்து சிவசங்கரன் ஏர்செல் நிறுவன பங்குகளை மலேசியாவை சேர்ந்த மேக்சிஸ் குழுமத்துக்கு விற்றார். தயாநிதிமாறன் மிரட்டியதால் தனது நிறுவன பங்குகளை விற்க வேண்டிய நிர்ப்பந்தம் ஏற்பட்டதாக சமீபத்தில் சி.பி.ஐ.யிடம் சிவசங்கரன் வாக்குமூலம் அளித்தார்.

இந்த குற்றச்சாட்டுக்களை தயாநிதி மாறன் மறுத்தார். ஆனால் தயாநிதிமாறன் முறைகேடாக நடந்து கொண்டதற்கான ஆதாரங்கள் சிக்கியது. அந்த ஆதாரங்களை பொது நலன் வழக்குகளுக்கான பொது மையம் (சி.பி.ஐ.எல்.) என்ற அமைப்பு சுப்ரீம் கோர்ட்டில் தாக்கல் செய்தது.

ஏர்செல் நிறுவனத்தின் பங்குகள் மலேசியாவின் மேக்சிஸ் குழுமத்துக்கு கைமாறிய சில தினங்களில், அந்த நிறுவனத்துக்கு 14 ஸ்பெக்ட்ரம் உரிமங்களை தயாநிதிமாறன் ஒதுக்கீடு செய்து கொடுத்தார். அதற்கு பிரதிபலனாக ரூ.599.01 கோடியை சன் டி.வி. குழும நிறுவனங்களில் மேக்சிஸ் நிறுவனம் முதலீடு செய்தது. இந்த தகவல்களை ஏற்கனவே பொது நல வழக்குகளுக்கான பொது மையம் சுப்ரீம் கோர்ட்டில் தெரிவித்துள்ளது.

இந்த நிலையில் நேற்று சி.பி.ஐ.யும் தனது 71 பக்க அறிக்கையில் இந்த தகவல்களை சுப்ரீம் கோர்ட்டில் சமர்ப்பித்தது. ஸ்பெக்ட்ரம் ஒதுக்கீட்டில் தயாநிதிமாறன் செய்த முறைகேடுகளை சி.பி.ஐ. மிகத் தெளிவாக தனது அறிக்கையில் குறிப்பிட்டுள்ளது.

இதையடுத்து 2ஜி ஸ்பெக்ட்ரம் ஒதுக்கீடு ஊழல் தொடர்பான விசாரணை வளையத்துக்குள் தயாநிதி மாறன் கொண்டு வரப்பட்டுள்ளார். அவரிடம் விசாரணை நடத்துவதற்கான எல்லா ஏற்பாடுகளையும் சி.பி.ஐ. மூத்த அதிகாரிகள் செய்து வருகிறார்கள். அடுத்தக் கட்டமாக 2004-ம் ஆண்டு முதல் 2007-ம் ஆண்டு வரை ஸ்பெக்ட்ரம் ஒதுக்கீட்டில் எத்தனை ஆயிரம் கோடி ரூபாய் கைமாறி இருக்கலாம் என்ற கணக்கெடுப்பு நடந்து வருவதாக சி.பி.ஐ. வட்டார தகவல்கள் தெரிவிக்கின்றன. அதை அடிப்படை யாக வைத்து அடுத்த குற்றப்பத்திரிகையில் தயாநிதி மாறன் பெயர் சேர்க்கப்படும் என்று கூறப்படுகிறது.

சி.பி.ஐ.யின் இத்தகைய நடவடிக்கைகளால் தயாநிதி மாறனை மத்திய மந்திரி பதவியில் இருந்து நீக்க வேண்டும் என்ற கோரிக்கை வலுத்தது. பா.ஜ.க., இடதுசாரி கட்சிகள் வற்புறுத்தி வருகின்ற போதிலும் தயாநிதி மாறன் பதவி விலகவில்லை.

சி.பி.ஐ. விசாரணை தீவிரமாகும் பட்சத்தில் தயாநிதி மாறன் மத்திய மந்திரியாக இருந்தால், நேர்மையான, முழுமையான விசாரணை நடைபெற முடியாமல் போகலாம். எனவே தயாநிதிமாறன் தார்மீக பொறுப்பு ஏற்று பதவியை விட்டு விலக முன்வரவேண்டும். அவர் பதவி விலகாவிட்டால் பிரதமர் அவரை மந்திரி சபையில் இருந்து நீக்கி ஜனநாயக மாண்பை காக்க வேண்டும் என்று எதிர்க் கட்சித் தலைவர்கள் கூறினார்கள்.

தயாநிதி மாறன் விஷயத்தில் தொடர்ந்து மவுனத்தை கடைபிடித்தால் பெரிய அளவில் நாடு தழுவிய அளவில் போராட்டம் நடத்துவோம் என்று எதிர்க்கட்சிகள் எச்சரித்துள்ளன. இது மத்திய அரசுக்கு கடும் நெருக்கடியை ஏற்படுத்தி உள்ளது.

எந்த ஒரு பிரச்சினைக்கும் வாயைத் திறந்து பதில் சொல்லாத பிரதமர் மன்மோகன்சிங் சி.பி.ஐ.யின் சரமாரி குற்றச்சாட்டுக்களால் தவிப்புக்குள்ளாகி இருக்கிறார். நேற்று காங்கிரஸ் உயர்நிலைக் குழுவை கூட்டி விவாதித்தார். தயாநிதி மாறன் செய்துள்ள முறைகேடுகள் குறித்து ஆதாரங்களுடன் வரும் தகவல்கள் குறித்து சோனியாவுடன் அவர் ஆலோசனை நடத்தினார். இந்த விவகாரத்தில் விரைவில் உரிய முடிவு எடுக்குமாறு தி.மு.க.வை கேட்டுக் கொள்வது என காங்கிரஸ் தலைவர்கள் தீர்மானித்தனர். அதன்படி தி.மு.க.விடம் காங்கிரஸ் தலைவர்கள் தொடர்பு கொண்டு பேசியதாக தெரிகிறது.

இதற்கிடையே இன்று பகல் 11 மணிக்கு மத்திய மந்திரிசபை கூட்டம் நடந்தது. இந்த கூட்டத்தில் தயாநிதிமாறனும் கலந்து கொண்டார். அப்போது அவர் தனது பதவியை ராஜினாமா செய்து பிரதமர் மன் மோகன்சிங்கிடம் கடிதம் கொடுப்பார் என்று எதிர்பார்க்கப்பட்டது. ஆனால் தயாநிதிமாறன் ராஜினாமா கடிதம் எதுவும் கொடுக்கவில்லை. மந்திரிசபை கூட்டம் முடிந்ததும் அவர் ரேஸ் கோர்ஸ் இல்லத்தில் இருந்து காரில் ஏறி புறப்பட்டு சென்றார்.

இன்று மதியம் 1.30 மணி அளவில் தயாநிதி மாறன் திடீரென மீண்டும் பிரதமரை சந்திக்க ரேஸ் கோர்ஸ் இல்லத்துக்கு சென்றார். 1.45 மணிக்கு பிரதமர் மன்மோகன்சிங்கை சந்தித்தார். அவர்கள் இருவரும் சுமார் 5 நிமிடம் பேசிக் கொண்டிருந்தனர். அப்போது தயாநிதி மாறன் தனது மந்திரி பதவியை ராஜினாமா செய்து கடிதம் கொடுத்தார்.

அவரது ராஜினாமாவை பிரதமர் மன்மோகன்சிங் ஏற்றுக்கொண்டார். ஸ்பெக்ட்ரம் ஊழல் விவகாரத்தில் மத்திய மந்திரி பதவியை இழக்கும் 2-வது நபர் தயாநிதி மாறன் என்பது குறிப்பிடத்தக்கது.

முன்னதாக மத்திய மந்திரி சபையில் இருந்து தயாநிதி மாறனை நீக்க சம்மதம் தெரிவித்து சோனியா காந்திக்கு தி.மு.க. தலைவர் கருணாநிதி கடிதம் எழுதி அனுப்பி உள்ளதாக டெல்லியில் இருந்து வெளியாகும் பயோனீர் என்ற ஆங்கிலப் பத்திரிகையில் தகவல் வெளியாகியுள்ளது.

அந்த கடிதத்தை டி.ஆர்.பாலு எம்.பி. இன்று (வியாழன்) சோனியாவிடம் ஒப்படைப்பார் என்று அதில் கூறப்பட்டுள்ளது. மேலும், ராஜாங்க நிதி மந்திரி பழனி மாணிக்கத்தையும் பதவியில் இருந்து நீக்கி விட்டு, டி.ஆர்.பாலு, டி.கே.எஸ்.இளங்கோவன், ஏ.கே.எஸ்.விஜயன் ஆகியோரை மந்திரிகள் ஆக்க கருணாநிதி அந்த கடிதத்தில் வேண்டுகோள் விடுத்துள்ளதாக அந்த தகவலில் குறிப்பிட்டுள்ளது.

மந்திரிகளுக்கு என்ன இலாகா வேண்டும் என்று கருணாநிதி குறிப்பிடவில்லை என்றும், ஆனால் டி.கே.எஸ். இளங்கோவனுக்கு தனிப் பொறுப்புடன் கூடிய இலாகா தருமாறு அவர் கேட்டுக் கொண்டுள்ளார் என்றும் அந்த பத்திரிகையில் தகவல் வெளியாகி உள்ளது. ஆனால் சோனியா காந்திக்கு, கருணாநிதி கடிதம் எழுதி அனுப்பி இருப்பதாக வெளியான தகவலை தி.மு.க. அதிகாரப்பூர்வமாக உறுதி செய்யவில்லை.

இந்த நிலையில் தயாநிதி மாறன் தனது வீட்டில் இருந்து சன் டி.வி. (பழைய அலுவலகம்), வரை அனுமதி பெறாமல் தரையைத் தோண்டி கண்ணாடி இழை கேபிள் போட்டதாக கூறப்பட்ட குற்றச்சாட்டும் விசுவரூபம் எடுத்துள்ளது. மத்திய மந்திரி பதவிக்காக கொடுக்கப்பட்ட அந்த வசதியை தயாநிதி மாறன் சன் டி.வி.க்கு பயன்படும் வகையில் தவறாக பயன்படுத்தியதாக அந்த குற்றச்சாட்டில் கூறப்பட்டுள்ளது.

இந்த விவகாரத்தில் தமிழக அரசு தகுந்த நடவடிக்கை எடுக்கும் என்று முதல்-அமைச்சர் ஜெயலலிதா தெரிவித்துள்ளார்.

இராமநாதபுரம் மாவட்ட சட்டமன்ற உறுப்பினர் பேராசிரியர் . எம்.ஹெச். ஜவாஹிருல்லா அரசு மருத்துவமனைக்கு சென்று மருத்துவமனை கண்காணிப்பாளர் திருமதி. ஜமுனாராணி மற்றும் மருத்துவர்களை சந்தித்து மருத்துவமனையின் செயல்பாடுகள் மற்றும் மருத்துவமனைக்கு தேவையான கட்டமைப்பு மற்றும் நோயாளிகளை சந்தித்து குறைகளை கேட்டறிந்தார். மருத்துவமனை கண்காணிப்பாளர் கேட்டுகொண்டதன் பேரில் விரைவில் சர்க்கரை நோய் மையம் விபத்து நேரத்தில் நோயாளிக்கு அளிக்கவேண்டிய அனைத்து வசதிகளும் உள்ளடக்கிய 'டிராமா கோ' மற்றும் மகப்பேறு பிரிவில் நோயாளிகளின் உறவினர்கள் இருக்க மேல்கூரை உள்ள அறை ஆகிய அனைத்து வசதிகளும் விரைவில் செய்து முடித்து தருவதாக வாக்களித்தார்.

2011-07-07T18:29:00.000+05:30

புதுடெல்லி, ஜூலை. 7-

மத்திய மந்திரி தயாநிதி மாறன் 2004-ம் ஆண்டு முதல் 2007-ம் ஆண்டு வரை தொலைத் தொடர்புத்துறை மந்திரியாக இருந்தபோது 2ஜி ஸ்பெக்ட்ரம் ஒதுக்கீட்டில் முறைகேடு செய்த தாக சி.பி.ஐ. குற்றம் சாட்டியுள்ளது.

சன் டி.வி. குழும நிறுவனங்கள் ஆதாயம் பெற வேண்டும் என்ற ஒரே நோக்கத்துடன் அவர் தனது பதவியை தவறாக பயன்படுத்தியதாக குற்றச்சாட்டுகளில் கூறப்பட்டுள்ளது.

ஏர்செல் நிறுவன உரிமையாளர் சிவசங்கரன் ஸ்பெக்ட்ரம் உரிமம் கேட்டு விண்ணப்பித்த போது தயாநிதிமாறன் சுமார் 2 ஆண்டுகளாக உரிமம் கொடுக்காமல் இழுத்தடித் தார். இதையடுத்து சிவசங்கரன் ஏர்செல் நிறுவன பங்குகளை மலேசியாவை சேர்ந்த மேக்சிஸ் குழுமத்துக்கு விற்றார். தயாநிதிமாறன் மிரட்டியதால் தனது நிறுவன பங்குகளை விற்க வேண்டிய நிர்ப்பந்தம் ஏற்பட்டதாக சமீபத்தில் சி.பி.ஐ.யிடம் சிவசங்கரன் வாக்குமூலம் அளித்தார்.

இந்த குற்றச்சாட்டுக்களை தயாநிதி மாறன் மறுத்தார். ஆனால் தயாநிதிமாறன் முறைகேடாக நடந்து கொண்டதற்கான ஆதாரங்கள் சிக்கியது. அந்த ஆதாரங்களை பொது நலன் வழக்குகளுக்கான பொது மையம் (சி.பி.ஐ.எல்.) என்ற அமைப்பு சுப்ரீம் கோர்ட்டில் தாக்கல் செய்தது.

ஏர்செல் நிறுவனத்தின் பங்குகள் மலேசியாவின் மேக்சிஸ் குழுமத்துக்கு கைமாறிய சில தினங்களில், அந்த நிறுவனத்துக்கு 14 ஸ்பெக்ட்ரம் உரிமங்களை தயாநிதிமாறன் ஒதுக்கீடு செய்து கொடுத்தார். அதற்கு பிரதிபலனாக ரூ.599.01 கோடியை சன் டி.வி. குழும நிறுவனங்களில் மேக்சிஸ் நிறுவனம் முதலீடு செய்தது. இந்த தகவல்களை ஏற்கனவே பொது நல வழக்குகளுக்கான பொது மையம் சுப்ரீம் கோர்ட்டில் தெரிவித்துள்ளது.

இந்த நிலையில் நேற்று சி.பி.ஐ.யும் தனது 71 பக்க அறிக்கையில் இந்த தகவல்களை சுப்ரீம் கோர்ட்டில் சமர்ப்பித்தது. ஸ்பெக்ட்ரம் ஒதுக்கீட்டில் தயாநிதிமாறன் செய்த முறைகேடுகளை சி.பி.ஐ. மிகத் தெளிவாக தனது அறிக்கையில் குறிப்பிட்டுள்ளது.

இதையடுத்து 2ஜி ஸ்பெக்ட்ரம் ஒதுக்கீடு ஊழல் தொடர்பான விசாரணை வளையத்துக்குள் தயாநிதி மாறன் கொண்டு வரப்பட்டுள்ளார். அவரிடம் விசாரணை நடத்துவதற்கான எல்லா ஏற்பாடுகளையும் சி.பி.ஐ. மூத்த அதிகாரிகள் செய்து வருகிறார்கள். அடுத்தக் கட்டமாக 2004-ம் ஆண்டு முதல் 2007-ம் ஆண்டு வரை ஸ்பெக்ட்ரம் ஒதுக்கீட்டில் எத்தனை ஆயிரம் கோடி ரூபாய் கைமாறி இருக்கலாம் என்ற கணக்கெடுப்பு நடந்து வருவதாக சி.பி.ஐ. வட்டார தகவல்கள் தெரிவிக்கின்றன. அதை அடிப்படை யாக வைத்து அடுத்த குற்றப்பத்திரிகையில் தயாநிதி மாறன் பெயர் சேர்க்கப்படும் என்று கூறப்படுகிறது.

சி.பி.ஐ.யின் இத்தகைய நடவடிக்கைகளால் தயாநிதி மாறனை மத்திய மந்திரி பதவியில் இருந்து நீக்க வேண்டும் என்ற கோரிக்கை வலுத்தது. பா.ஜ.க., இடதுசாரி கட்சிகள் வற்புறுத்தி வருகின்ற போதிலும் தயாநிதி மாறன் பதவி விலகவில்லை.

சி.பி.ஐ. விசாரணை தீவிரமாகும் பட்சத்தில் தயாநிதி மாறன் மத்திய மந்திரியாக இருந்தால், நேர்மையான, முழுமையான விசாரணை நடைபெற முடியாமல் போகலாம். எனவே தயாநிதிமாறன் தார்மீக பொறுப்பு ஏற்று பதவியை விட்டு விலக முன்வரவேண்டும். அவர் பதவி விலகாவிட்டால் பிரதமர் அவரை மந்திரி சபையில் இருந்து நீக்கி ஜனநாயக மாண்பை காக்க வேண்டும் என்று எதிர்க் கட்சித் தலைவர்கள் கூறினார்கள்.

தயாநிதி மாறன் விஷயத்தில் தொடர்ந்து மவுனத்தை கடைபிடித்தால் பெரிய அளவில் நாடு தழுவிய அளவில் போராட்டம் நடத்துவோம் என்று எதிர்க்கட்சிகள் எச்சரித்துள்ளன. இது மத்திய அரசுக்கு கடும் நெருக்கடியை ஏற்படுத்தி உள்ளது.

எந்த ஒரு பிரச்சினைக்கும் வாயைத் திறந்து பதில் சொல்லாத பிரதமர் மன்மோகன்சிங் சி.பி.ஐ.யின் சரமாரி குற்றச்சாட்டுக்களால் தவிப்புக்குள்ளாகி இருக்கிறார். நேற்று காங்கிரஸ் உயர்நிலைக் குழுவை கூட்டி விவாதித்தார். தயாநிதி மாறன் செய்துள்ள முறைகேடுகள் குறித்து ஆதாரங்களுடன் வரும் தகவல்கள் குறித்து சோனியாவுடன் அவர் ஆலோசனை நடத்தினார். இந்த விவகாரத்தில் விரைவில் உரிய முடிவு எடுக்குமாறு தி.மு.க.வை கேட்டுக் கொள்வது என காங்கிரஸ் தலைவர்கள் தீர்மானித்தனர். அதன்படி தி.மு.க.விடம் காங்கிரஸ் தலைவர்கள் தொடர்பு கொண்டு பேசியதாக தெரிகிறது.

இதற்கிடையே இன்று பகல் 11 மணிக்கு மத்திய மந்திரிசபை கூட்டம் நடந்தது. இந்த கூட்டத்தில் தயாநிதிமாறனும் கலந்து கொண்டார். அப்போது அவர் தனது பதவியை ராஜினாமா செய்து பிரதமர் மன் மோகன்சிங்கிடம் கடிதம் கொடுப்பார் என்று எதிர்பார்க்கப்பட்டது. ஆனால் தயாநிதிமாறன் ராஜினாமா கடிதம் எதுவும் கொடுக்கவில்லை. மந்திரிசபை கூட்டம் முடிந்ததும் அவர் ரேஸ் கோர்ஸ் இல்லத்தில் இருந்து காரில் ஏறி புறப்பட்டு சென்றார்.

இன்று மதியம் 1.30 மணி அளவில் தயாநிதி மாறன் திடீரென மீண்டும் பிரதமரை சந்திக்க ரேஸ் கோர்ஸ் இல்லத்துக்கு சென்றார். 1.45 மணிக்கு பிரதமர் மன்மோகன்சிங்கை சந்தித்தார். அவர்கள் இருவரும் சுமார் 5 நிமிடம் பேசிக் கொண்டிருந்தனர். அப்போது தயாநிதி மாறன் தனது மந்திரி பதவியை ராஜினாமா செய்து கடிதம் கொடுத்தார்.

அவரது ராஜினாமாவை பிரதமர் மன்மோகன்சிங் ஏற்றுக்கொண்டார். ஸ்பெக்ட்ரம் ஊழல் விவகாரத்தில் மத்திய மந்திரி பதவியை இழக்கும் 2-வது நபர் தயாநிதி மாறன் என்பது குறிப்பிடத்தக்கது.

முன்னதாக மத்திய மந்திரி சபையில் இருந்து தயாநிதி மாறனை நீக்க சம்மதம் தெரிவித்து சோனியா காந்திக்கு தி.மு.க. தலைவர் கருணாநிதி கடிதம் எழுதி அனுப்பி உள்ளதாக டெல்லியில் இருந்து வெளியாகும் பயோனீர் என்ற ஆங்கிலப் பத்திரிகையில் தகவல் வெளியாகியுள்ளது.

ந்த கடிதத்தை டி.ஆர்.பாலு எம்.பி. இன்று (வியாழன்) சோனியாவிடம் ஒப்படைப்பார் என்று அதில் கூறப்பட்டுள்ளது. மேலும், ராஜாங்க நிதி மந்திரி பழனி மாணிக்கத்தையும் பதவியில் இருந்து நீக்கி விட்டு, டி.ஆர்.பாலு, டி.கே.எஸ்.இளங்கோவன், ஏ.கே.எஸ்.விஜயன் ஆகியோரை மந்திரிகள் ஆக்க கருணாநிதி அந்த கடிதத்தில் வேண்டுகோள் விடுத்துள்ளதாக அந்த தகவலில் குறிப்பிட்டுள்ளது.

மந்திரிகளுக்கு என்ன இலாகா வேண்டும் என்று கருணாநிதி குறிப்பிடவில்லை என்றும், ஆனால் டி.கே.எஸ். இளங்கோவனுக்கு தனிப் பொறுப்புடன் கூடிய இலாகா தருமாறு அவர் கேட்டுக் கொண்டுள்ளார் என்றும் அந்த பத்திரிகையில் தகவல் வெளியாகி உள்ளது. ஆனால் சோனியா காந்திக்கு, கருணாநிதி கடிதம் எழுதி அனுப்பி இருப்பதாக வெளியான தகவலை தி.மு.க. அதிகாரப்பூர்வமாக உறுதி செய்யவில்லை.

இந்த நிலையில் தயாநிதி மாறன் தனது வீட்டில் இருந்து சன் டி.வி. (பழைய அலுவலகம்), வரை அனுமதி பெறாமல் தரையைத் தோண்டி கண்ணாடி இழை கேபிள் போட்டதாக கூறப்பட்ட குற்றச்சாட்டும் விசுவரூபம் எடுத்துள்ளது. மத்திய மந்திரி பதவிக்காக கொடுக்கப்பட்ட அந்த வசதியை தயாநிதி மாறன் சன் டி.வி.க்கு பயன்படும் வகையில் தவறாக பயன்படுத்தியதாக அந்த குற்றச்சாட்டில் கூறப்பட்டுள்ளது.

இந்த விவகாரத்தில் தமிழக அரசு தகுந்த நடவடிக்கை எடுக்கும் என்று முதல்-அமைச்சர் ஜெயலலிதா தெரிவித்துள்ளார்.

இராமநாதபுரம் சட்டமன்ற தொகுதி ஆய்வு பணிகள்

2011-07-07T18:23:00.000+05:30

இராமநாதபுரம் மாவட்ட சட்டமன்ற உறுப்பினர் பேராசிரியர் . எம்.ஹெச். ஜவாஹிருல்லா அரசு மருத்துவமனைக்கு சென்று மருத்துவமனை கண்காணிப்பாளர் திருமதி. ஜமுனாராணி மற்றும் மருத்துவர்களை சந்தித்து மருத்துவமனையின் செயல்பாடுகள் மற்றும் மருத்துவமனைக்கு தேவையான கட்டமைப்பு மற்றும் நோயாளிகளை சந்தித்து குறைகளை கேட்டறிந்தார். மருத்துவமனை கண்காணிப்பாளர் கேட்டுகொண்டதன் பேரில் விரைவில் சர்க்கரை நோய் மையம் விபத்து நேரத்தில் நோயாளிக்கு அளிக்கவேண்டிய அனைத்து வசதிகளும் உள்ளடக்கிய 'டிராமா கோ' மற்றும் மகப்பேறு பிரிவில் நோயாளிகளின் உறவினர்கள் இருக்க மேல்கூரை உள்ள அறை ஆகிய அனைத்து வசதிகளும் விரைவில் செய்து முடித்து தருவதாக வாக்களித்தார்.

பின்பு நகராட்சி அலுவலகத்திற்கு சென்று இராமநாதபுரம் பாதாள சாக்கடை சம்பந்தமாகவும் எதிர்வருகின்ற மழைக்காலத்தில் தேங்கி மக்களின் இயல்பு நிலையை பாதிக்கும் மழைநீரை வெளியேற்ற இராமநாதபுரத்தில் காட்டுபிள்ளையார் கொவில் தெரு, நாகநாதபுரம், சிதம்பரனார் ஊரணி ஆகிய மூன்று இடங்களில் நவீன பாதாள சாக்கடை பம்பிங் நிலையம் அமைப்பது பற்றியும் நகராட்சி அலுவலர்களுடன் ஆய்வு மேற்கொண்டார். அப்போது நகராட்சி ஆணையர் முஜிபுர் ரஹ்மான் குடிநீர் வடிகால் வாரிய உதவி செயற்பொறியானர் கணேசன், நகராட்சி பொறியாளர் மகேந்திரன், சுகாதார துறை சந்திரன் ஆகியோர் மற்றும் மனித நேய மக்கள் கட்சி மாவட்ட தலைவர் சலிமுல்லாகளான் . மாவட்ட செயலாளர் அன்வர்அலி. நகர் தலைவர் சுல்தான் மற்நும் கவுன்சிலர் ஆரிப் ராஜா, மருத்துவ அணி ரியாஸ்கான் ஆகியோர் கலந்து கொண்டனர்.

மனிதநேய மக்கள் கட்சிக்கு வாருங்கள்! ம.ம.க. தலைவர் அழைப்பு!

2011-07-07T18:16:00.000+05:30

மனிதநேய மக்கள் கட்சிக்கு வாருங்கள்! ம.ம.க. தலைவர் அழைப்பு!

மனிதநேய மக்கள் கட்சிக்கு வாருங்கள், உங்கள் அனைவருக்காகவும் நாங்கள் பாடுபடத் தயாராக இருக்கிறோம்" என முஸ்லிம் அமைப்புகளுக்கு ம.ம.க. தலைவர் பேரா. ஜவாஹிருல்லாஹ் எம்.எல்.ஏ. அழைப்பு விடுத்துள்ளார்.

தமிழக இஸ்லாமிய உலமாக்களின் அமைப்பான இஸ்லாமிய விழிப்புணர்வு கழகத்தின் சார்பில் தமிழக சட்டசபை முஸ்லிம் உறுப்பினர்களுக்கு பாராட்டு விழா கடந்த 27.06.2011 அன்று சென்னையில் நடைபெற்றது. அமைப்பின் தலைவர் முஹம்மது கான் பாகவி தலைமை தாங்கினார். பொதுச்செயலாளர் தர்வேஸ் ரஷாதி முன்னிலை வகித்தார்.

இந்த நிகழ்ச்சிக்கு ம.ம.க. எம்.எல்.ஏ.க்களான பேரா. எம்.ஹெச். ஜவாஹிருல்லாஹ், அ. அஸ்லம் பாஷா ஆகியோருக்கும், அதிமுக எம்.எல்.ஏ.க்களான முஹம்மது ஜான், அப்துல் ரஹீம் ஆகியோருக்கும் அழைப்பு விடுக்கப்பட்டிருந்தது. ம.ம.க. எம்.எல்.ஏ.க்கள் நிகழ்ச்சியில் பங்கேற்றனர். அதிமுக எம்.எல்.ஏ. முஹம்மது ஜான், அமைச்சராக அறிவிக்கப்பட்டதால் அவரும், அப்துல் ரஹீமும் பங்கேற்கவில்லை. நிகழ்ச்சியில் ம.ம.க. தலைவர் பேரா. எம்.ஹெச். ஜவாஹிருல்லாஹ் எம்.எல்.ஏ. பேசியதாவது:

‘‘தமிழ்நாடு முஸ்லிம் முன்னேற்றக் கழகம், இக்கட்டான காலத்தில் 1995ல் துவக்கப்பட்டது. இந்தியாவில் அதிக அளவில் ரத்த தானம் செய்த இயக்கத்தினர் தமுமுகவினர் தான். சுனாமி பாதிப்பு தமிழகத்தில் ஏற்பட்ட போது, நிவாரணப் பணிகளில் தீவிரமாக ஈடுபட்டோம். பின், மனிதநேய மக்கள் கட்சியை இரண்டு ஆண்டுகளுக்கு முன் துவக்கி, அனைத்து சமுதாய மக்களுக்காகவும் பாடுபடுகிறோம்.

இந்த தேர்தலில் ம.ம.க.வுக்கு கிடைத்த வெற்றி, கட்சியினரின் உழைப்புக்கும், பாரபட்சமின்றி அனைத்து தரப்பினருக்கும் ஆதரவுக் குரல் கொடுப்பதற்கும் கிடைத்த அங்கீகாரம். எனவே, முஸ்லிம்கள் ம.ம.க.வில் இணைய வேண்டும். உங்கள் அனைவருக்காகவும் பாடுபட நாங்கள் தயாராக இருக்கிறோம்.

இவ்வாறு ம.ம.க. தலைவர் பேசினார்.

இலவச பஸ் பாஸ் விநியோகத்தை தொடங்கி வைத்தார் முதல்வர் ஜெயலலிதா

2011-07-04T17:27:00.000+05:30

சென்னை: 2011-12ம் கல்வியாண்டுக்கான இலவச பஸ் பாஸ் விநியோகத்தை முதல்வர் ஜெயலலிதா இன்று தொடங்கி வைத்தார்.

ஒன்றாம் வகுப்பு முதல் 12ம் வகுப்பு வரை பயிலும் அரசு, அரசு உதவி பெறும் பள்ளி மாணவ, மாணவியர், அரசு, அரசு உதவி பெறும் கலை, அறிவியல் கல்லூரி மாணவ மாணவியர், அரசு பாலிடெக்னிக் மாணவ மாணவியருக்கு ஆண்டுதோறும் அரசு இலவச பஸ் பாஸ்களை விநியோகித்து வருகிறது.

அந்த அடிப்படையில் இந்த ஆண்டுக்கான இலவச பஸ் பாஸ் விநியோகத்தை இன்று தலைமைச் செயலகத்தில் முதல்வர் ஜெயலலிதா தொடங்கி வைத்து சில மாணவிகளுக்கு இலவச பஸ் பாஸ்களை வழங்கினார்.

நடப்பு கல்வியாண்டில் மொத்தம் 27 லட்சத்திற்கு மேற்பட்ட பள்ளி, கல்லூரி மாணவ மாணவியர்களுக்கு இலவச பஸ் பாஸ் வழங்கப்படவுள்ளது.

இந்தத் திட்டத்திற்காக நடப்பு ஆண்டில் அரசு செலவிடவுள்ள தொகை ரூ. 303.84 கோடியாகும்.

மக்களுக்கு சேவை செய்ய எனக்கு முதல்வர் வாய்ப்பளித்துள்ளார்: செந்தூர்பாண்டியன்

2011-07-04T17:21:00.000+05:30

கடையநல்லூர்: தனக்கு அமைச்சர் பதவி வழங்கி தமிழக மக்களுக்கு சேவை செய்யுமாறு முதல்வர் ஜெயலலிதா பணித்துள்ளதாக எம்.எல்.ஏ. செந்தூர்பாண்டியன் தெரிவித்துள்ளார்.

தமிழக அமைச்சரவை நேற்று 2வது முறையாக மாற்றியமைக்கப்பட்டது. இதில் சட்டத்துறை அமைச்சராக இருந்த இசக்கி சுப்பையா நீக்கப்பட்டார். புதிய அமைச்சராக கடையநல்லூர் எம்எல்ஏ செந்தூர்பாண்டியன் நியமிக்கப்பட்டுள்ளார்.

நெல்லை புறநகர் மாவட்ட செயலாளராக இருந்த செந்தூர்பாண்டியன் இம்முறை சட்டசபை தேர்தலில் முதன்முறையாக போட்டியிட்டு வெற்றி பெற்றார். அவர் நேற்று அமைச்சராக அறிவிக்கப்பட்டதன் மூலம் கடையநல்லூர் தொகுதிக்கு விஐபி அந்தஸ்து கிடைத்துள்ளது.

தமிழக கதர் மற்றும் கிராம தொழில்துறை அமைச்சராக இன்று (4-ம் தேதி) பதவியேற்க உள்ள செந்தூர்பாண்டியன் கூறுகையில்,

தமிழகத்தில் மக்கள் நலனுக்காக முதல்வர் ஜெயலலிதா கொண்டு வரும் அனைத்து நடவடிக்கைகளுக்கும் பொதுமக்கள் பாராட்டு தெரிவி்த்து வருகின்றனர். கடையநல்லூர் தொகுதி மக்களுக்கு தேர்தல் காலத்தில் அறிவித்த வாக்குறுதிகள் அனைத்தையும் நிறைவேற்றும் வகையில் ஏற்பாடுகள் மேற்கொள்ளப்படும். முதல்வர் ஜெயலலிதாவால் வழங்கப்பட்டுள்ள அமைச்சர் பதவி மூலம் தமிழக மக்களுக்கு சேவை செய்யும் வாய்ப்பு கிடைத்துள்ளது என்றார்.

செஞ்சி அருகே ஜெ., பெயரில் ஆக்கிரமித்த இடம் மீட்பு

2011-07-04T12:13:00.000+05:30

செஞ்சி: செஞ்சி அருகே முதல்வர் ஜெயலலிதா பெயரில் திடீர் நகரை துவக்கி ஆக்கிரமித்திருந்த குடிசைகளை தாசில்தார் தலைமையில் வருவாய்த்துறையினர் இன்று அதிரடியாக அகற்றினர். விழுப்புரம் மாவட்டம் செஞ்சியை அடுத்த மேல்களவாய் கிராம எல்லையில் சங்கராபரணி ஆற்றை ஒட்டி ஆற்று புறம்போக்கு இடம் உள்ளது. சில நாட்களுக்கு முன்பு இந்த இடத்தில் 50 சென்ட் அளவிற்கு புல்டோசர் வைத்து சமப்படுத்தி முதல்வர் ஜெ., படத்துடன் புரட்சி தலைவி அம்மா ஜெ., ஜெயலலிதா நகர் என பெயரிட்டு இரவோடு இரவாக குடிசைகளை போட்டனர். இது குறித்த செய்தி தினமலரில் வெளியானது. இந்த ஆக்கிரமிப்பை உடனடியாக அகற்ற விழுப்புரம் மாவட்ட கலெக்டர் மணிமேகலை செஞ்சி தாசில்தார் பரந்தாமனுக்கு உத்தரவிட்டார்.

இதையடுத்து இன்று காலை 8.45 மணிக்கு தாசில்தார் பரந்தாமன் தலைமையில் மண்டல துணை தாசில்தார்கள் சேகர், பூமிநாதன், வருவாய் ஆய்வாளர்கள் கோட்டீஸ்வரன், செல்வக்குமார், மேல்களவாய் வி.ஏ.ஓ., சிவாநாதன் மற்றும் 10 க்கும் மேற்பட்ட கிராம உதவியாளர்கள் ஆக்கிரமிக்கப்பட்ட பகுதிக்கு வந்தனர். செஞ்சி இன்ஸ்பெக்டர் சிங்காரவேலு தலைமையில் 15க்கும் மேற்பட்ட போலீசார் பாதுகாப்பிற்கு வந்திருந்தனர்.

இவர்கள் முதலில் குடிசைகளை சோதனை செய்து ஆட்கள் யாரும் இல்லை என்பதை உறுதி செய்தனர். பின்னர் பொக்லைன் கொண்டு அனைத்து குடிசைகளையும் 15 நிமிடத்தில் அகற்றினர்.

அகற்றப்பட்ட கூரைகளை டிராக்டரில் எடுத்து சென்றனர். குடிசைகளுக்கு முன்பு முதல்வர் ஜெ., படத்துடன் வைத்திருந்த ஜெ.ஜெயலலிதா நகர் என்ற அறிவிப்பு பலகையையும் அகற்றி, அதில் முதல்வர் ஜெ., படம் இருந்த ரெக்சினை தனியாக பிரித்து எடுத்தனர்.

விரைவில் அதிரை நகருக்கு வரவிருக்கும் ஆம்புலன்ஸ்

2011-06-29T21:13:00.000+05:30

TMMK AMBULANCE COMING SOON ADIRAI

2011-06-29T21:06:00.002+05:30

காங்கிரஸுக்குக் கொடுத்த ஆதரவு முடிந்து விட்டது, இப்போது கிடையாது-ஜெயலலிதா

2011-06-28T21:22:00.000+05:30

டெல்லி: காங்கிரஸ் கூட்டணிக்கு ஆதரவு கொடுப்பதாக நான் 2010ம் ஆண்டு கூறிய நிலை இப்போது இல்லை. அந்த வாய்ப்பு அப்போதைய சூழ்நிலையை கருத்தில் கொண்டு வழங்கப்பட்ட ஒன்று. இப்போது நிலைமை வெகுவாக மாறி விட்டது. அந்த ஆதரவு வாய்ப்பு இப்போது இல்லை என்று கூறியுள்ளார் முதல்வர் ஜெயலலிதா.

டைம்ஸ் நவ் தொலைக்காட்சிக்கு முதல்வர் ஜெயலலிதா சிறப்பு பேட்டி அளித்துள்ளார். அதில் அவர் கூறியிருப்பதாவது...

காங்கிரஸுக்கு இப்போதும் உங்களது ஆதரவு உள்ளதா?

காங்கிரஸுக்கு ஆதரவு தருவதாக நான் கூறியது 2010ம் ஆண்டு இருந்த சூழ்நிலையின் அடிப்படையில்தான். அது ஒருமுறை கூறப்பட்ட வாய்ப்புதான். இப்போது அது இல்லை. 2010க்குப் பிறகு நிலைமை வெகுவாக மாறி விட்டது. அது அப்போது தரப்பட்ட ஒரு உறுதிமொழி, அவ்வளவுதான்.

நான் தருவதாக கூறிய ஆதரவை காங்கிரஸ் கட்சி ஏன் ஏற்கவில்லை என்பதை காங்கிரஸிடம்தான் கேட்க வேண்டும்.

மேலும், திமுகவுடன் தனது கூட்டணி உறுதியுடன் இருப்பதாக தொடர்ந்து காங்கிரஸ் கட்சி கூறி வருவதையும் கவனத்தில் கொள்ள வேண்டும்.

லோக்சபா தேர்தலில் கூட்டணிகள் மாறுமா?

அரசியலில் எதுவும் நடக்கலாம். லோக்சபா தேர்தலுக்கு முன்பு கூட்டணிகள் மாற வாய்ப்பில்லை என்று கூற முடியாது. அரசியல் கணக்குகள் மாறிக் கொண்டேதான் இருக்கும். அந்தந்த சூழ்நிலையில் உள்ளவற்றைப் பொறுத்துதான் அரசியல் கூட்டணிகள் ஏற்படும்.

அரசியலில் இறுக்கமாக இருப்பது சரிவராது. எங்களைப் பொறுத்தவரை எந்த சூழல் ஏற்பட்டாலும் அதை நாங்கள் சமாளிக்கக் கூடிய வகையில் தயாராகவே இருக்கிறோம்.

3வது அணி ஏற்படுமா?

எதிர்கால அரசியல் சூழ்நிலை குறித்து இப்போதே கூற முடியாது. அரசியல் சூழ்நிலைகளில் மாற்றம் ஏற்படுவது சகஜம். பொறுத்திருந்து பார்ப்போம்.

பாஜகவுடன் கூட்டணி வைப்பீர்களா?

எனக்கு அனைத்துக் கட்சிகளிலும் நல்ல நண்பர்கள் உள்ளனர்.

லோக்பாலில் பிரதமரைச் சேர்க்கலாமா?

நிச்சயம் சேர்க்கக் கூடாது. ஏற்கனவே பிரதமர் ஊழல் பதவி ஊழல் தடுப்புச் சட்டத்தின் கீழ் வருகிறது. லோக்பாலில் பிரதமர் பதவியைச் சேர்த்தால் பிரதமர் அலுவலகம் மீதான நம்பகத்தன்மை போய் விடும். அப்படிப்பட்ட செயலை செய்ய அனுமதிக்கக் கூடாது.

மத்தியில் மீண்டும் தனிக்கட்சி ஆட்சி வரும் என கருதுகிறீர்களா?

அதற்கான வாய்ப்பே இல்லை. ஒரு கட்சி ஆட்சி முறை முடிந்து போய் விட்டது. எந்தக் கட்சியும் தனிப்பெரும்பான்மை பெறும் என நான் கருதவில்லை. எதிர்காலத்திலும் கூட்டணி ஆட்சிகள்தான் வரும்.

மத்திய அரசியலுக்கு வருவீர்களா?

அப்படி எந்த எண்ணமும், லட்சியமும் எனக்கு இல்லை. எனக்கென்று நான் லட்சியங்களை வகுப்பதில்லை. நாட்டுக்காகத்தான் லட்சியங்களை வகுத்து செயல்படுகிறேன்.

தயாநிதி மாறன் நீக்கப்பட வேண்டுமா?

அதை பிரதமர்தான் சொல்ல வேண்டும். ஊழல் செய்தவர்களை நீக்க வேண்டியது, அவர்களுக்கு எதிரான நடவடிக்கைகளை மேற்கொள்ள வேண்டியது பிரதமரின் கடமையும், பொறுப்புமாகும். அதை அவர் செய்ய வேண்டும்.

ப.சிதம்பரம்?

ப.சிதம்பரம் சிவகங்கை தொகுதியில் வெல்லவே இல்லை. அவர் மோசடியான முறையில் வென்றதாக அறிவிக்கப்பட்டார். இது நாட்டுக்கே தெரியும். நாட்டை அவர் மோசடி செய்து விட்டு பதவியில் அமர்ந்துள்ளார். அவர் பதவியில் நீடிப்பது சரியல்ல, பொருத்தமானதல்ல, நியாயமானதல்ல என்றார் ஜெயலலிதா.